Jeremías 28:4 - Bible in Tzeltal de Oxchuc y Tenejapa

⁴ Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Bible in Tzeltal Bachajón

⁴ Soc ya cac' suhtuc tal ta lugar ini te Jeconías snich'an Joacim, ajwalil yu'un Judá, soc spisil te mach'atic yu'un Judá te ic'otic bahel ta Babilonia, xchi te Jehová, yu'un ya jwac'be te yugo yu'un te ajwalil yu'un Babilonia, xchi te Hananías.

Jeremías 28:4 Referans Kwoze

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,

Jeremías 28:2

—Te Cajwaltic te Spisil ya xju' yu'une, te Dios yu'un Israel, jich la yal: “Ya jwuy te yugo c'oem te yac'oj te muc' ajwalil yu'un Babilonia.

Jeremías 24:1

Te Cajwaltic la yac'bon quil cheb mochetic te nojelic ta higoetic te pachalic ta stojol templo. Jich c'ot ta pasel ta c'alal te Nabucodonosor te muc' ajwalil yu'un Babilonia yic'ojix bael ta slumal te Jeconías, te snich'an Joacim te muc' ajwalil yu'un Judá, te jtsobwanejetic yu'un, soc te mach'atic ay bayal bila ya sna'ic spasele, te mach'atic ya x'at'ejic ta jten-taq'uine.

Nahúm 1:13

Ya jwuybat te yugo acuchoj soc ya jtuch'bat te cadenaetic chucbilat a —xi'.

Jeremías 30:8

Jo'on, Ajwalilon te Spisil ya xju' cu'une, jich ya cal: Ya me cac' ta libre yu'un te yugo c'oem te ay ta mosoinel a te lum cu'une, soc ma me x'ochix ta mosoil yu'un yan lumetic.

Jeremías 28:10

Jich yu'un te Hananías la sloq'uesbey te yugo ay ta snuc' Jeremías, la swuy ta c'asel

Jeremías 24:5

—Jo'on Ajwalilon te Dioson yu'un Israel, ya cal: Te bit'il lequil higoetic, jich yacon ta yilel te lum Judá te la jyantesbey slumalic, ta slumal te caldeoetique. Yacon ta yilel soc xc'uxul co'tan,

Jeremías 22:10

Ma x'oq'uex yu'un te muc' ajwalil Josías, ma x'oc'at yu'un te laje; ja' lec ja' xawoq'uetayic te snich'ane, ja' te Salum, te ya xbajt', te ma sujt'ix tel, ma ba ya yil xan te lum bay ayine. Melel jich la yal te Cajwaltic ta swenta Salum, snich'an Josías, te muc' ajwalil yu'un Judá, te ja' najc'aj ta smuc'ul nactijib ta patil yu'un te state, soc te loc' bael li' ta q'uinal to: —Ma me sujt'ix tel,

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Isaías 9:4

Melel la alajinbey sc'oplal te mosoil te la sten ta uts'inel a te lume, te uts'inel te la yac'bey swocol, te sbol yat'el te ajwalil ac'botic spase. Jich la alajinbey sc'oplal te bit'il la ajin te Madián.

Génesis 27:40

Ja' me ya acoltay aba a te apuñale, pero ya me yabatinat te awijts'ine; ja'uc me to te bi ora awich'ojix awip a, ya me acoltay aba loq'uel ta abatinel yu'un —xi' sc'oplal yu'un te state.,

Jeremías 27:8

Teme ay nacionetic o ajwaliletic, te ma xyac' sbaic ta yich'el yugo yu'un Nabucodonosor, ya cac'bey castigo ta guerra, wi'nal soc chamel te ya xmilawane, ja' to teme och ta sc'abe. Jo'on Ajwalilon, jich ya cal.

Levítico 26:13

Jo'on me te Ajwalilon te Dioson awu'unic, te la quiq'uex loq'uel tel ta Egipto, te ja' la quiq'uex loq'uel tel yu'un te ma ba ya smozoinexix a te egipcioetique. Jo'on la jin te yugo te ay awocolic yu'une, buen atoyoj ajolic ya xbeenex cu'un.

2 Reyes 24:14

Patil la yic' bael ta chuquel spisil te ants-winiquetic ta Jerusalén: ja' spisil te jwentainwanejetic, te mero lequil soldadoetic, spisil te mach'atic ay bitic ya sna'ic spasel soc jten-taq'uinetic, asta ts'acaj lajunmil (10,000) te jchuqueletique. Ma'yuquix mach'a jil ta slum-sq'uinalic, ja' xanix jilic te mach'atic mero me'baetique.

Jeremías 13:19

Te lumetic ta Néguev, joytaybilix yu'un scontro, ma'yuc mach'a ya xju' xc'axix tey a. Spisilic te ants-winiquetic yu'un Judá ic'otic bael ta yan lum, spisil bajt'ic ta jyalel.

Jeremías 29:1

C'alal ic'otiquix bael ta chuquel a te muc' ajwalil Jeconías, te sme', te abatetic ta smuc'ul na, te jtsobwanejetic yu'un Judá soc Jerusalén, soc te mach'a ya x'at'ejic ta jten-taq'uine, te j'alwanej Jeremías te ay ta Jerusalén la sticunbey scartaic c'alal ta Babilonia. Ja'ic me te mamaletic te cuxulic to tey a, soc te sacerdoteetic, te j'alwanejetic soc te ants-winiquetic te la yic' loq'uel ta Jerusalén te Nabucodonosor, te ba yac'bey slumalinic Babilonia.