Jeremías 28:3 - Bible in Tzeltal de Oxchuc y Tenejapa

³ Ta cheb ja'wil ya jpas te ya sujt' tel ta templo spisil sbiluquil te la yich' bael ta Babilonia te muc' ajwalil Nabucodonosor.

Bible in Tzeltal Bachajón

³ Ma sta cheb ha'bil ya cac' te ya suht tal ta lugar ini spisil te bintic ya xtuhun ta sna Jehová te la yich' bahel ta Babilonia te ajwalil Nabucodonosor.

Jeremías 28:3 Referans Kwoze

2 Reyes 24:13

Patil te Nabucodonosor la sloq'ues spisil tey a te c'ulejalil ta templo yu'un Cajwaltic, soc te ay ta sna te muc' ajwalile. Jich nix te bit'il la yal te Cajwaltic, la stop' spisil te biluquetic pasbilic ta oro yu'un te Salomón muc' ajwalil yu'un Israel ta namey, te la spas te tuun yu'un ta templo.

Daniel 1:2

Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

2 Crónicas 36:10

Ta yorail ya xjajch' ta najt'ubel te c'aal yu'un a te ja'wile, te muc' ajwalil Nabucodonosor la sticun ta iq'uel bael ta Babilonia, soc te biluquetic te mero bayal sc'oplalic ta templo yu'un Cajwaltic, soc la yac' sjelolin xan jilel ta muc' ajwalil ta Judá soc ta Jerusalén te Sedequías, ja' stajun te Joaquín.

Salmos 90:10

Lajuneb xchanwinic (70) ja'wil te cuxlejale; te mach'atic ay yip sbaq'uetalic, ya xc'otic c'alal ta chanwinic (80) ja'wil. Pero te toybail yu'un te cuxlejal bayal c'aal, ja' nax ya yac' wocol soc ya yac' at'el. Te ja'wiletic ora ya xc'axic, ja' nix jich te jo'otique.

Génesis 47:28

Te mamal Jacob juclajuneb ja'wil cuxin xan ta Egipto. Te jayeb ja'wil ta spisil te cuxin te Jacob, juqueb swaxacwinic (147) ja'wil.

Génesis 47:9

La sjac' te Jacob: —Lajunebix sjucwinic (130) ja'wil te cuxulon tel ta q'uinal. Ma to bayaluc ja'wil cuxulon, soc ay jwocol te sjayebalix ja'wil cuxulon tele. Ma to sta jich ca'wilal te bit'il cuxinic ta q'uinal te jme'-jtate —xi'.

2 Crónicas 36:7

Te Nabucodonosor la yich' bael ta Babilonia oliluc sbiluquil te templo yu'un Cajwaltic, c'o yac' ta templo ta Babilonia.