Jeremías 28:1 - Bible in Tzeltal de Oxchuc y Tenejapa

¹ Ta yo'ebal u sjajch'el te xchanebal ja'wil yat'el ta ajwalil ta Judá te Sedequíase, la sc'opon te Jeremías te j'alwanej Hananías snich'an Azur te ay ta lum Gabaón. Tey ayic ta templo soc te sacerdoteetic soc ta spisil te lume. Jich la yalbey:

Bible in Tzeltal Bachajón

¹ Ha nix ta ha'bil, ha ta shahchibal te ay ta ajwalil yu'un Judá te Sedequías, te jalwanej Hananías snich'an Azur te talem ta Gabaón, hich la yalbon ta sna Jehová ta stojol te sacerdotehetic soc spisil te pueblo:

Jeremías 28:1 Referans Kwoze

Jeremías 27:1

Ta xchanebal ja'wil yat'el ta ajwalil ta Judá te Sedequías te snich'an Josías, te Cajwaltic la yalbey c'op te Jeremías,

Josué 9:3

Ja'uc me to, te heveoetic te nainemic ta Gabaón, la yaiyic stojol te bi la spasbey Josué te cha'pam lum, ja' te Jericó soc te Hai.

Jeremías 37:13

Te c'alal c'ot ta yochibal Jerusalén te Benjamín sbiile, ay jtul winic Irías sbiil, snich'an te Selemías, te smam Hananías, ja' jwolwanej yu'un te jcanantaywanejetique, la scom te Jeremías, jich la yalbey: —Te ja'ate yacat me ta c'axel bael ta stojol caldeoetic ya quil —la yut.

Jeremías 36:12

Jich bajt' ta spalacio te ajwalile ta scuarto te cronista, te tey ayic ta tsoblej spisilic a te mach'atic toyol yat'elique: Te Elisamá, ja' cronista, Delaía snich'an Semaías, Elnatán snich'an Acbor, Gemarías snich'an Safán, Sedequías snich'an Hananías soc yantic te toyol yat'elique.

Jeremías 28:11

ta comonsitil ta stojol te lume, te c'alal jich yac ta yalel a: —Te Cajwaltic jich ya yal: “Jich nix bit'il to, ta cheb ja'wil ya jloq'ues te yugo te yac'ojbey ta snuc' spisil nacionetic te muc' ajwalil Nabucodonosor ta Babilonia, ya jwuy ta mero melel”, xi' ta yalel te Cajwaltique —xi'. Te Jeremías bajt'.

Jeremías 27:12

Jo'on, Jeremíason, la calbey spisil Sedequías te muc' ajwalil yu'un Judá, soc jich la calbey xan: —Ac'a abaic ta sc'ab te muc' ajwalil yu'un Babilonia soc te lum yu'une, jich me ya xcuxinex.

Jeremías 27:3

Soc ticunbeya c'op te muc' ajwaliletic ta Edom, Moab, Amón, Tiro soc Sidón, ta swenta te j'al-c'opetic yu'unic te julemic ta Jerusalén ta yula'tayel te muc' ajwalil Sedequías.

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Isaías 9:15

(Te sjole, ja' seña te mamaletic soc te jtsobwanejetique, te sne, ja' seña te j'alwanejetic te ya yaq'uic ta nopel te lotetique.)

Josué 10:12

C'alal te Cajwaltic la yac'bey ta sc'ab israeletic te amorreoetique, te Josué la sc'opon Cajwaltic ta stojol te lume, jich la yalbey: —C'aal, coma aba ta beel ta bay Gabaón. U, coma aba ta beel ta stenlej xatal spamlej yu'un Ajalón —xi'.

1 Reyes 3:4

Soc c'ot ta Gabaón ta yaq'uel milbil smajt'an Dios tey a, ja' yu'un te ja' toyol ch'uunjibal te bayal sc'oplale. La yac' tey a jmil (1,000) ta jcojt' smajt'an Dios te scojt'ol ya yich' chiq'uele.

2 Reyes 24:18

Te Sedequías ay jun xcha'winic (21) ya'wilal a te c'alal och ta muc' ajwalile. Bulucheb ja'wil jalaj ta muc' ajwalil yu'un Jerusalén. Te sme'e Hamutal sbiil, yantsil-nich'an Jeremías, Libna sbiil te slumale.

2 Crónicas 36:11

Te Sedequías ay jun xcha'winic (21) ya'wilal a te c'alal jajch' ta at'el ta muc' ajwalil, at'ej ta ajwalil bulucheb ja'wil ta Jerusalén.

Jeremías 28:5

Te j'alwanej Jeremías la sjac'bey sc'op te j'alwanej Hananías, ta stojol te sacerdoteetic soc spisil te lum te ayic ta templo:

Jeremías 28:17

Te j'alwanej Hananías laj ta sjuquebal u a te ja'wil te c'opoje.

Jeremías 37:19

¿Banti ayic te j'alwanejetic te lec la yalbeyic sc'oplal te ma xtal yac'beyex guerra te muc' ajwalil yu'un Babilonia, ni te ja'exe, ni te jlumaltique?

Jeremías 49:34

C'alal jajch' ta at'el ta ajwalil ta Judá te Sedequías, te Cajwaltic la sc'opon Jeremías, la yalbey sc'oplal Elam:

Jeremías 51:59

Ta xchanebal ja'wil yat'el ta ajwalil a te Sedequías, te muc' ajwalil yu'un Judá, te j'alwanej Jeremías ay bila la yac'bey bael te Seraías, snich'an Nerías, soc smam Maasías. Seraías la sjoin bael te muc' ajwalil Sedequías te bajt' ta Babilonia, te bit'il ja' ay ta swenta xchajbanel wayibal na yu'un te muc' ajwalile.

Oseas 7:3

“Ta swenta te bila amen, soc te lotetic ya spasique, te lum cu'un ya yac'bey yutsil yo'tanic a te muc' ajwalil soc te ch'in ajwaliletic yu'une.

Jeremías 29:15

“Te ja'ex ya awalic: ‘Te Cajwaltic yac'ojbotic j'alwanejetic ta Babilonia’, xaex.

Ezequiel 13:6

Te bila ya yalic ta swenta te bila la cac'bey yil ta sc'opique, ma meleluc, soc te bila ya yalic sc'oplal ya xc'ot ta pasele, slotic. Ya yalic te jo'on jc'op te ya yalique, pero ma jo'ucon jticunej. Tojol ya smaliyic te ya xc'ot ta pasel te bila ya yalique.