Jeremías 27:7 - Bible in Tzeltal de Oxchuc y Tenejapa

⁷ Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Bible in Tzeltal Bachajón

⁷ Spisil te nacionetic ya me yac' sbahic ta a'batinel yu'un soc te snich'an soc smam, ha to c'alal ya xc'oht yorahil te slumal nix ya x'och ta mosohil yu'un bayel nacionetic soc muc'ul ajwaliletic.

Jeremías 27:7 Referans Kwoze

Jeremías 52:31

Ta jo'eb xcha'winic (25) c'aal ta slajchayebal u yu'un a te sjuclajunebal xcha'winic (37) ja'wil sbael ta chuquel te muc' ajwalil Joaquín ta Judá, jajch' ta at'el ta muc' ajwalil ta Babilonia te Evil-merodac. La yac' ta ilel yutsil yo'tan ta stojol Joaquín, la sloq'ues ta chucjibal.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Habacuc 2:7

Ch'ayemix awo'tan a ya xtal te mach'atic ay abet yu'une, ya xwijc' sitic te mach'atic ya yac'bat woclajele, ya me st'ananat jilel.

Isaías 21:9

Yacon ta yilel te yac ta beel tel jun carreta, nitbil tel ta cha'cojt' caballoetic”, xi'. Ay mach'a jich la yal: “Jinix, lajix te Babilonia. Spisil te loc'ombaetic, ja' te yajcananique, yalic coel ta lum, wuyultic nax c'otic”, xi'.

Isaías 13:1

J'alwanej c'op ta stojol Babilonia te ac'bot sna' stojol te j'alwanej Isaías snich'an Amoz:

Salmos 37:13

Pero ya me stse'luyot yu'un Cajwaltic, na'bil yu'un te nopol ya xlajix yoraile.

Jeremías 27:22

—Ya me x'ich'otic bael ta Babilonia, tey me ya yich' q'uejel a, ja' to te bi ora ya jc'an quich' tel ta yan buelta ta bay q'uinal to. Jo'on Ajwalilon, jich ya cal —xi' te Cajwaltique.

Jeremías 34:1

Te Nabucodonosor, muc' ajwalil yu'un Babilonia soc spisil te soldadoetic yu'une, ja'ic te mach'atic loq'uemic tel ta yantic nacionetic te ayic ta sc'abe, yacalic ta stenel ta guerra te Jerusalén soc spisil te lumetic te nopol ayic soque. Te Cajwaltic la sc'opon te Jeremías, jich la yalbey:

Jeremías 44:30

Jo'on ya cac' ta c'abal te faraón Hofra, muc' ajwalil yu'un Egipto, ta sc'ab te scontroe, jich bit'il la cac' ta c'abal te Sedequías, muc' ajwalil yu'un Judá, ta sc'ab te Nabucodonosor, muc' ajwalil yu'un Babilonia, te scontroe”, xi' me te Cajwaltic —xi' te Jeremiase.

Jeremías 46:13

Te Cajwaltic la sc'opon te j'alwanej Jeremías, c'alal ya xba yac'beyix guerra Egipto te Nabucodonosor, te muc' ajwalil yu'un Babilonia. Jich la yal:

Daniel 2:37

Te ja'ate, ja'at mero muc'at ta stojol te yantic muc' ajwaliletique, melel ja' nix te Dios ay ta ch'ulchan te la yac' ochan ta muc' ajwalile. La yac'bat awu'el, la yac'bat awip, la yac'at ta ich'el ta muc',

Daniel 4:22

te te'e ja'at me ac'oplal c'oem te muc' ajwalilate, te muc'ubenat soc te ay bayal awipe. Te smuc'ul te awat'ele, te la staix c'oel te stoyolil ch'ulchane, ja' te ochemix ta ac'ab ta spisil te lumq'uinale.

Habacuc 2:8

Te nacionetic jun nax me ya yac' sbaic ta scontroinbelat, ya me spojbat loq'uel abiluc jich nix bit'il la apojbey loq'uel te ja'ate. Ya me yac'bat atoj spisil te amen awat'ele, ja' te uts'inwanej la apas ta spamal q'uinal ta scontroinel te lumetic soc te yajwale.

Ezequiel 30:24

Ya me cac'bey bayal xan yip te sc'ab te muc' ajwalil yu'un Babilonia, soc ya me cac'bey ta sc'ab te puñal cu'une. Ya me jc'asbey xchebal sc'ab stuquel te faraón. “Obol jba”, xi' me, te c'alal ya yaiy te ya x'ejch'entesot yu'un te scontroe.