Jeremías 27:5 - Bible in Tzeltal de Oxchuc y Tenejapa

⁵ Ta smuc'ul cu'el la jpas te balumilale, soc te ants-winiquetic soc te chambalametic te ayic tey a, soc ya xju' ya cac'bey te mach'a ya sc'an co'tane.

Bible in Tzeltal Bachajón

⁵ Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

Jeremías 27:5 Referans Kwoze

Jeremías 51:15

Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil, la slim bael te ch'ulchane.

Jeremías 32:17

—Ja'at Cajwal, ta smuc'ul awu'el la achicnantes ta pasel ch'ulchan balumilal. Ma'yuc bila ma xju' awu'un atuquel.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Isaías 45:12

Jo'on la jchicnantes te balumilal soc te yajwale, la jlim bael ta jc'ab te ch'ulchane, soc la cal mandal te ya xchicnaj spisil te bitic xlemlajanic ta ch'ulchane.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.

Isaías 42:5

Te Cajwaltic Dios, ja' la xchicnantes te ch'ulchane, la slim bael jichuc pac'. La xchajban te balumilal soc te bitic ya xch'i tey a; ja' ya yac'bey xcuxlejal soc ja' la yac'bey yich' ic' te ants-winiquetic te nainemic tey a. Jich ya yalbey te yabate:

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

Hechos 17:24

“Te Dios te la spas te balumilale soc spisil te bitic ay tey ae, ja' yajwal stuquel te ch'ulchan soc te balumilale. Ma snain temploetic te pasbil ta c'abal yu'un te ants-winiquetique,

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Isaías 51:13

¿Ya bal xch'ay ta awo'tan te Awajwal te Jpaswanej awu'une, ja' te mach'a la slim bael te ch'ulchan, soc te la yac'bey yiptajib te balumilale? ¿Ja' bal julel bael ya xnijc' awo'tan yu'un spisil ora te sc'ajc'al yo'tanic te j'uts'inwanejetic awu'une, te xchajbanej sbaic yu'un sjinbelate? Ja'uc me to, ¿banti ay te sc'ajc'al yo'tanique?

Isaías 48:13

Ta jc'ab la cac'bey sta yip te balumilale, ta jc'ab la jlim bael te ch'ulchane; te c'alal la calbey sbiil, jich jajch'ic ta chicnajel.

Isaías 44:24

Te Cajwaltic jich ya yalbat, ja' te J'ac'wanej ta libre awu'une, te la xchicnantesat te c'alal ma to x'ayinat a: —Jo'on Ajwalilon, te la jchicnantes spisil te bitic aye; jo'on la jlim bael te ch'ulchane, soc la jtulantes te balumilale, ma'yuc mach'a la scoltayon.

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Deuteronomio 2:7

Te Cajwaltic Dios awu'unique, yac'ojbeyex bendición ta spisil a te bitic apasojique. Te cha'winic (40) ja'wil ma la spijt'esex, la scanantayex ta beel tey ta muc'ul jochol taquin q'uinal, ma'yuc bila la spasex falta tey a.

Salmos 102:25

Ja'at la awac'bey yiptajib te balumilal ta xjajch'ibal; ja'at nix atuquel la apas te ch'ulchane.

Deuteronomio 32:8

Te mach'a mero Toyole, ta namey la spuc ta lumq'uinal te ants-winiquetic soc te nacionetique, la yac'bey seña bay c'alal sti'il te lumetique. Pero ay sc'oplal ta yo'tan te israeletique,

Deuteronomio 9:29

Yan te ja'ate lum awu'un, ja'at awu'un ta spisilic. Ja'at la aloq'ues tel ta Egipto ta smuc'ul yip awu'el, soc ta swenta bit'il la atoy ac'ab”, xoon ta stojol Cajwaltic ta awentaic.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Deuteronomio 4:35

La yich' aq'uel awilic spisil, swenta yu'un jich me ya ana'ic a te ja' mero Dios stuquel te Cajwaltic, soc te ma'yuc yan te pajal soque.

Deuteronomio 4:32

“Ilawil teme ay jich c'oem ta pasel ta namey tel, te c'alal Dios la spas te ants-winic ta balumilal; ilawil ta spamal balumilal, teme ay jich c'oem ta pasel te c'ax muc' sc'oplal te bila c'oem ta pasel ta ora in to.

Deuteronomio 4:25

“Te c'alal ayix awal-anich'anic a soc amamataquic, teme mamalubex li' ta lumq'uinal to, teme och ajin abaic, teme ay bitic jajch' apasbeyic sloc'ombaile, ja' tulan mulil ta pasel ta stojol te Cajwaltic te Dios cu'untique. Teme jich ya ajajch'beyic yilimba,

Deuteronomio 4:17

soc ma me xapasbeyic sloc'ombail chambalametic, mutetic,

Deuteronomio 2:21

Muc'ul lum te mero bayalic, mero najt'ic, jichic te bit'il patil alnich'anetic yu'un Anac, pero te Cajwaltic la yac'bey slajin te amonetique. Te c'alal laj yu'unic, stalel jilic ta nainel tey ta slum-sq'uinalique.

Deuteronomio 2:19

Pero te c'alal ya ata aba soc te amonetic, te ja' nix patil alnich'anetic yu'un Lot, ma me xawuts'in soc ma me xawac'beyic guerra, melel ma ba ya cac'bat ni jtsaluc te lumq'uinale, melel jo'onix la cac'bey yu'uninic stuquelic”, xi'.

Deuteronomio 2:9

Te Cajwaltic jich la yalbon: “Ma me xawuts'inic soc ma me xawac'beyic guerra te moabetic, melel ja' me patil alnich'anetic yu'un te Lot. Ma me xju' ya cac'beyex ni jxujt'uc te sq'uinalique. Jo'on cac'ojbey yu'uninic te q'uinal te Ar sbiile”, xi'.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Génesis 9:6

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Hechos 17:26

“Ta swenta jtul nax winic, Dios la xchicnantes spisil ta jchajp ants-winiquetic, swenta yu'un ya x'ainic ta spamal te balumilale. Xjajch'ibal to chajbanbil yu'un Dios te yorailic ta cumulcum soc ta banti ay te smojonil sq'uinalique.

Génesis 1:25

Dios la spas spisil chambalametic ta balumilal ta juju-jchajp. Lec la yil te Diose.

Salmos 96:5

Te diosetic yu'un te yantic lumetic, ma'yuc sc'oplalic ta jc'axel; yan te Cajwaltic ja' la spas te ch'ulchane.

Jeremías 27:4

Ala mandal ta albeyel te muc' ajwaliletic yu'unic, te jo'on Ajwalilon te Spisil ya xju' cu'une, te Dioson yu'un Israel, jich ya cal:

Daniel 4:25

Te ja'at muc' ajwalil, ya me awich' pijt'esel ta stojol te ants-winiquetique, ya me xba ajoin ta nainel chambalametic. Ya me alo' wamaletic jichuc wacaxetic. Ya me yajts'esbat abaq'uetal te ts'ujule. Jich me ya x'ainat juqueb ja'wil tey a, muc' ajwalil, ja' to teme c'ot ta awo'tan te ay yip yu'el te Dios ya x'at'ej ta stojol ajwaliletic te ch'ich'-baq'uet naxe, soc te ja' nax stuquel ya yac' ochuc yat'el ta ajwalil te mach'a ya sc'an ya yac' ochel stuquele.

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

1 Reyes 8:42

teme ya sc'oponat ta stojol te templo in to (ja' yu'un te chicnajix ta aiyel te mero muc' te abiile soc te pujc' ta alel te yutsil smuc'ul te awu'ele),

Nehemías 9:22

“La awac'bey yu'uninic yan lumq'uinaletic, soc te yajwale, la apucbey ta sejpelsejp. La yu'uninic Hesbón, slum-sq'uinal muc' ajwalil Sehón. La yu'uninic Basán, slum-sq'uinal muc' ajwalil Og.

Daniel 2:38

la yac'bat awu'unin ta spisil q'uinaletic te ay mach'atic nainemic tey ae, soc te ay chambalametic, mutetic. Ja' stuquel la yac'bat awu'unin spisil, ja'at me sjolat te oroe, muc' ajwalil.

Daniel 4:14

jich yac ta yalel ta tulan: ‘Ts'etaic te te'e, set'beyaic te sc'abc'abe; tulbeyaic te yabenale, soc pucbeyaic te site. Ac'a anuquic bael te chambalametic te yac ta antayel yaxinal yu'une, soc nix te mutetic ayic ta sc'abc'abe.

Daniel 4:22

te te'e ja'at me ac'oplal c'oem te muc' ajwalilate, te muc'ubenat soc te ay bayal awipe. Te smuc'ul te awat'ele, te la staix c'oel te stoyolil ch'ulchane, ja' te ochemix ta ac'ab ta spisil te lumq'uinale.