Jeremías 27:19 - Bible in Tzeltal de Oxchuc y Tenejapa

^19-21 C'alal te muc' ajwalil Nabucodonosor la yic' loq'uel ta Jerusalén te Jeconías, snich'an Joacim, muc' ajwalil yu'un Judá, la yac' ainuc ta Babilonia, soc spisil te winiquetic te muc' sc'oplalic ta Judá soc ta Jerusalén, ma la yich' bael te balal taq'uinetic, ni te mero muc'ul yawil ja' pasbil ta bronce, ni te scajtijib yawil ja'etic, ni te sobrail sbiluquil te templo. Te Cajwaltic te Spisil ya xju' yu'une la yalbey sc'oplal te bitic jilemic xan ta templo, soc ta bay spalacio te muc' ajwalil yu'un Judá, soc ta Jerusalén:

Bible in Tzeltal Bachajón

¹⁹ Como te Jehová te scuentahinej spisil hich yaloj sc'oblal te oyetic, te yawil ha', te scajtajibic soc spisil bintic ya xtuhun te hilemic ta pueblo ini,

Jeremías 27:19 Referans Kwoze

2 Reyes 25:13

Te caldeoetic la swuyic te biluquetic pasbilic ta bronce ayic ta templo, jich bit'il te balal taq'uin tec'ajtic, te yawil ja'etic, soc te mero muc'ul yawil ja'e. Spisil la yich'ic bael ta Babilonia te bronce.

2 Reyes 25:17

Te jujun te balal taq'uin tec'ajtique, c'axem ta waxaqueb metro stoyolil. Ta toyol ta jujun sni'il ay chajbanbil swenta xch'alil ta bronce, c'axem ta cheb metro stoyolil. Ta sjoyobal yich'oj jalbil bronce ch'albil ta sloc'ombail sit te' te granada sbiile. Ta xchebal te balal taq'uinetique, pajal xchebalic.

Daniel 1:2

Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

1 Reyes 7:23

Te Hiram la spas jun muc'ul estanque ta bronce yu'un yawil ja'. Sepel la spas, ay chaneb metro soc lajuneb yoxwinic (50) centímetro te sjamalul te sti'ile. Te stoyolile cheb metro soc jo'eb xcha'winic centímetro (25), te sjoylejal te sti'ile ay oxlajuneb metro soc lajuneb yoxwinic (50) centímetro.

1 Reyes 7:27

Soc la spas lajuneb carretaetic yu'un scajtijib yawil ja' pasbil ta bronce. Te jujune ay jun metro soc chanwinic (80) centímetro te snajt'ile, soc ja' nix jich te xujq'ue. Te stoylejal jun metro soc jo'lajuneb xcha'winic (35) centímetro.

2 Crónicas 36:18

Spisil te sbiluquil te templo yu'un Dios, te bitic muq'uique soc te bitic tsailique, soc te sc'ulejal te templo, te sc'ulejal te muc' ajwalil soc te sjo'tac ta ajwalile, spisil la yich' bael te muc' ajwalil yu'un te caldeoetic ta Babilonia.

Lamentaciones 1:10

Te scontro la yu'uninbeyix sc'ulejal te Jerusalén. Te lum la yil te bit'il jelawic ochel ta ch'ul templo te mach'atic ma'yuquic ta stojol Dios; ja' te la awal mandal Cajwal te ma me x'och ta templo awu'une.