Jeremías 27:13 - Bible in Tzeltal de Oxchuc y Tenejapa

¹³ ¿Bi ya ata a teme ya xlajat ja'at soc te alumal ta scaj guerra, ta wi'nal soc ta chamel? Melel te Cajwaltic yaloj te bila ya xc'ot ta pasel ta stojol spisil te mach'a ma xyac' sba ta sc'ab te muc' ajwalil yu'un Babilonia.

Bible in Tzeltal Bachajón

¹³ ¿Bin yu'un ya xlajat soc te pueblo awu'un ta espada, ta wi'nal soc ta jmilawal-chamel, hich te bin ut'il yaloj te Jehová ta stojol te nación te ma ba ya yac' sba ta a'batinel yu'un te ajwalil yu'un Babilonia?

Jeremías 27:13 Referans Kwoze

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Jeremías 27:8

Teme ay nacionetic o ajwaliletic, te ma xyac' sbaic ta yich'el yugo yu'un Nabucodonosor, ya cac'bey castigo ta guerra, wi'nal soc chamel te ya xmilawane, ja' to teme och ta sc'abe. Jo'on Ajwalilon, jich ya cal.

Proverbios 8:36

Pero te mach'a ya sloq'ues sba ta jtojole, ya me x'och ta swenta lajel stuquel; te mach'a ya yilayon, ja' me c'ux ta yo'tan a te lajele”, xi' te p'ijil-o'tanile.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Ezequiel 18:24

“Pero teme ya squejch'an spasel te bila stojil ta pasel te mach'a toj yo'tane, teme ja' ya spas te bila amen ta pasel te ilaybil cu'une, jich te bit'il te mach'a amen yo'tane, ¿ya bal acuyic te ya to xcuxin te mach'a jich ya spase? Te jo'one ma ba ya jna'beyix te bitic lec spasoje. Ya me xlaj ta scaj smul, yu'un ma junuquix yo'tan.

Ezequiel 14:21

“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.

Jeremías 38:20

Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.

Jeremías 38:2

—Te Cajwaltic la yal: “Te mach'a ya xjil ta lum, ya me xlaj ta guerra, ta wi'nal o ta chamel. Yan te mach'a ya xloc' bael, soc te ya yac' sba ta c'abal yu'un te caldeoetique, ma x'uts'inbot xcuxlejal stuquel”, xi' te Cajwaltique.

Jeremías 24:9

Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Jeremías 17:4

Ya me awijq'uitay aq'uinal, te jich la cac'bat ta mero awu'une; soc ya cac' smozoinat acontrotac ta bay q'uinal te bay ma x'ana'bey sbae. Melel la atilesbonix c'oem te quilimba jich te bit'il c'ajc' te ya xchic'at ta jc'axele —xi' te Cajwaltique.

Jeremías 38:23

Te Jeremías la yalbey xan te muc' ajwalile: —Spisil te antsetic awu'un soc te anich'nab ja'at muc' ajwalil, ya me x'ac'otic ta sc'ab te caldeoetique. Te ja'ate ma me xju' ya acoltay aba ta sc'abic; ya me x'ac'otat ta sc'ab te muc' ajwalil yu'un Babilonia, soc ya me xchiq'uic jilel te lume —xi'.