Jeremías 27:10 - Bible in Tzeltal de Oxchuc y Tenejapa

¹⁰ Te bila ya yalique, lotil me. Ja' nax ya yac'beyex ataic a te ya jyantesbeyex alumalique, soc te ya jpuquex bael te ya xlajexe.

Bible in Tzeltal Bachajón

¹⁰ Ya yalbeyex lotil sc'op-jalwanej, te ha ya yac' te ya xnamijex bahel ta aq'uinalic, soc te ya jtenex loq'uel soc ya xch'ayex bahele.

Jeremías 27:10 Referans Kwoze

Jeremías 32:31

Ja' in jpam lum to, c'alal jajch' ta pasel, ja' to c'alal ora yo'tic, ja' nax yacalic ta spasel te ya sjachbon quilimba soc te ya yac' xc'ajc'ubone. Jich yu'un ya cac' ch'ayuc ta jc'axel,

Lamentaciones 2:14

Te bila ac'bot yilic ta sc'opic te j'alwanejetic awu'une, ja' nax puro lo'laywanej la spasic a. Ma la yaq'uic chicnajuc te amule, te jichuque la ataic c'uxtayel. Tojol la yalbat te ay bila ac'bot yilic ta sc'opic; ja' nax la slo'layex a te la yac'beyex ach'uunique.

Jeremías 28:16

Jich yu'un te Cajwaltic jich ya yal: “Ta melel ya jticunat bael; ja'uc me to, ta swenta ach'ayel ta jc'axel ta q'uinal. Ja' in ja'wil to ya me xlajat, melel ta scaj ac'op la awac' scontroinon te lume”, xi' me ac'oplal yu'un te Cajwaltique —la yut.

Jeremías 27:14

Ma x'awich'beyic ta muc' sc'op te j'alwanejetic te ya stac'uyex te ma xawac' abaic ta sc'ab te muc' ajwalil yu'un Babilonia. Lotil te bila ya yalbeyexe.

Jeremías 23:25

“Caiyojbey slotic te j'alwanejetic to te ya xjelawic, te ja' ya xc'opojic ta jwenta ta sc'opique, soc te la jc'opon ta swaichic ta sc'opique.

Éxodo 22:18

“Ma me xawac' xcuxin jtuluc ants te ya sna' yaq'uel chamel.

Deuteronomio 18:10

Ma me ayuc ni jtuluquex te ya awaq'uic ta milbil majt'anil anich'nabic te ya awac' c'axel ta c'ajq'ue, ma me xapasic te ay bila ya ana' ta ac'ope, ma me xacuyic te ya xju' awu'unic yalel te bila ya xc'ot ta pasele, ma me xanopic pic-c'abal,

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Jeremías 14:14

Jich yu'un te Cajwaltic la sjac'bon te jc'ope: —Teme jich yacalic ta yalel ta jwenta te j'alwanejetique, yacalic ta lot abi. Ma'yuc bay jticunej, soc ma'yuc bay calojbey mandal, soc ma'yuc jc'oponej. Tojol nax ya yalic te ay bila cac'ojbey yil ta sc'opic, stuquel nax la slomic ta alel. Ja' ya yal te j'alwanejetic abi.

Jeremías 23:16

Te Cajwaltic te Spisil ya xju' yu'une, ya yal: —Israeletic, ma x'awich'ic ta muc' te bila ya yalbeyex te mach'atic ya scuy sbaic ta j'alwanejetique. Te bila ya yalique, ja' nax puro lot; te bitic ya yalique, ja' nax ya xchicnantesic stuquelic, ma'yuc bay calojbey jc'op.

Jeremías 27:15

Te Cajwaltic tulan ya yal te ma ja'uc la sticun tele; tojol c'opetic nax ya yalic ta swenta te Cajwaltique. Jich me ya slajinex spuquel bael te Cajwaltique. Ya me xlajex ja'ex soc te j'alwanejetic te la yalbeyex te c'ope —xon.

Jeremías 27:16

Jich nix la jtojlin ta c'op te sacerdoteetic soc spisil te lume, jich la calbey: —Ja' la yal Cajwaltic: “Ma x'awich'beyic ta muc' sc'op te j'alwanejetic, te mero smelelil yaiyele, te ora nax ya xcha'sujt' tel ta Babilonia te sbiluquil templo. Te bila ya yalbeyexe, lotil me.

Jeremías 28:11

ta comonsitil ta stojol te lume, te c'alal jich yac ta yalel a: —Te Cajwaltic jich ya yal: “Jich nix bit'il to, ta cheb ja'wil ya jloq'ues te yugo te yac'ojbey ta snuc' spisil nacionetic te muc' ajwalil Nabucodonosor ta Babilonia, ya jwuy ta mero melel”, xi' ta yalel te Cajwaltique —xi'. Te Jeremías bajt'.

Daniel 4:7

Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Zacarías 10:2

Te c'opetic ta swenta lotil diosetic, ma meleluc stuquel; slotic te bila ya yalic te mach'atic ay bi ya sna'ic yalele. Te bi ya yalic te ya xc'ot ta pasele, ta patil jich nax c'oem te bit'il waichil te ma'yuc swentaile. Te sc'opic swenta smuc'tesel q'uinal yaiyic, tojol c'op;ma xmuc'ub yo'tanic yu'un te ants-winiquetique. Ja' yu'un te yajwal lume bayuc nax ya xbajt'ic ta beel jichuc jtsojp chijetic; c'ux obol sbaic ta scaj te ma'yuc jcanan yu'unique.