Jeremías 26:6 - Bible in Tzeltal de Oxchuc y Tenejapa

⁶ ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Bible in Tzeltal Bachajón

⁶ ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Jeremías 26:6 Referans Kwoze

Jeremías 24:9

Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

2 Reyes 22:19

soc te la amel awo'tan yu'une, soc te la apejc'an aba ta jtojol yu'un te c'alal la awaiy te bi la cal ta jamal ta stojol te lume soc te mach'atic nainemic tey ae te ya xtal tulan wocol ta stojolic soc c'ax boloben sc'oplalic ya xc'otic, soc te la ach'i' ac'u'e, soc te oc'at ta jtojole, ja' yu'un te jo'one la caiybat te ac'ope’. Jo'on Ajwalilon te ya calbate.

Jeremías 25:18

La cac'bey yuch' te Jerusalén, te lumetic yu'un Judá, te muc' ajwaliletic yu'une, soc te jtsobwanejetique, ta swenta sjinelic soc te ya xc'atp'ujic jilel ta jinem ts'ajq'uetic te ya yac' xiwel soc nijq'uel. Ja' me seña te boloben sc'oplalic asta ora to.

Isaías 65:15

Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.

Malaquías 4:6

Ya me yac' xlecub yo'tan te tatil soc te snich'nabe. Teme ma xlecub yo'tanique, ya xtalon, ya cac'bey castigo te slumal, ya jlajin ta jc'axel ta spisil —xi' te Cajwaltique.

Daniel 9:11

Ta spisil Israel la xc'axintaybat te nopjibal awu'une, soc ma ba la sc'an la xch'uunbat te amandale. Ja' yu'un julem castigo ta jtojoltic, ja' te jc'axel albil sc'oplal ta mandaliletic te la yal te Moisés, ja' te abat awu'une. Jich c'ot, melel ja' yu'un te la jta jmultic ta atojole.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 42:18

“Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Jeremías 29:22

Jich te mach'atic ic'otic loq'uel ta Judá, te ic'otic bael ta mosoil ta Babilonia, teme ya sc'anic te ya sbolc'optayic yan, ya me staic ta alel: ‘Te Cajwaltic ac'a spasbat ta atojol, jich bit'il la spasbey te Sedequías soc te Acab, ja' te mach'atic la swo ta c'ajc' te muc' ajwalil yu'un Babilonia’, xiuc me ta yutel.

Isaías 43:28

te ajwaliletic awu'unic la sboltesbonic te templo. Ja' swentail te la quijq'uitay jilel te lum Israel, ja' te lum yu'un Jacob, te la yich'ic jinel soc ixtac'optayel.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Zacarías 5:3

Jich la yalbon: —Tey ts'ibubil ta xcha'jejch'el a te castigo ya xc'ot ta stojol te yajwal lum, teme ay mach'atic ya x'elc'ajique, soc teme ay mach'atic ay bila ya staic ta alel ta lote.

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Lamentaciones 2:15

Te mach'atic ya xc'axic ta be, te c'alal ya yilate, ya spac' sc'abic jich bit'il q'uin ta labanwanej; ya yaiyic xuxub soc ya sjimulay sjolic ta labanwanej. Jich ya yalbat ac'oplal, ja'at te t'ujbil Jerusalén: “¿Ja' bal te lum te ya yalic te ja' cajal yutsilal yu'un spamal te balumilale?” xiic me ta yalel.

Lamentaciones 2:16

Spisil te acontrotac ya x'utwanic ta scontroinbelat. Ya yaiyic xuxub a soc ya yixlan sni'ic ta yalel bol c'op: “La jintiquix ta jc'axel. Ja' te bayal c'aal la jmaliytique; ja'uc me to, ju'ix cu'untic ya quil”, xiic.