Jeremías 26:21 - Bible in Tzeltal de Oxchuc y Tenejapa

²¹ Te muc' ajwalil Joacim, te sjo'tac ta ajwalile soc te jtsobwanejetic, la yaiyic stojol te jich la yale. Te muc' ajwalil la sc'an yo'tan smil; ja'uc me to, la yaiy stojol Urías. Xiw yo'tan, jich an bael ta Egipto.

Bible in Tzeltal Bachajón

²¹ Te ajwalil Joacim soc spisil mach'atic muc' ya'telic soc spisil te príncipaletic, la ya'iyic te bin la yale. Te ajwalil c'an smil; pero c'alal hich la ya'iy te Urías, la xi', hich ahn bahel ta Egipto.

Jeremías 26:21 Referans Kwoze

San Mateo 10:23

Te c'alal ya snutsex in lum to, ananic bael ta yan lum. Jamal ya calbeyex, ma to xnup' ta ilel awu'unic spisil a te lumetic yu'un israeletic te c'alal ya xtal te Nich'anile.

San Mateo 14:5

Jich te Herodes yo'tan c'an smil te Juane, ja'uc me to, la xi' te lume. Yu'un ich'bil ta muc' yu'unic te Juane, te melel xch'uunejic te ja' j'alwanej yu'un te Diose.

Jeremías 36:26

La yalbey mandal te Jerameel te snich'an muc' ajwalil, te Seraías te snich'an Azriel, soc Selemías snich'an Abdeel, te ya xba xchuquic tel te j'alwanej Jeremías, soc Baruc te secretario yu'une; ja'uc me to, te Cajwaltic la snac'.

2 Crónicas 16:10

Te Asa bayal c'ajc'ub yo'tan ta stojol te j'alwaneje, la yal mandal ta chuquel. Ja' yorail a te laj yutsil yo'tan te Asa, soc jajch' yuts'in te lume.

San Marcos 6:19

Jich te Herodiase ilin yo'tan yu'un. Yo'tan c'an smil ta ora te Juane, ja'uc me to, ma ju' yu'un.

San Mateo 10:39

Te mach'a c'ux nax ya yaiy sba soc te xcuxlejale, ya me xch'ay soc te xcuxlejale. Yan te mach'a ma xc'uxtay sba soc xcuxlejal ta jo'on jwenta, ja' me ya xcuxin stuquel.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Salmos 119:109

Spisil ora quechelon ta lajel ya caiy; ja'uc me to, ma ba ya jch'ay ta co'tan te p'ijubtesel awu'une.

2 Crónicas 24:21

Ja'uc me to, la xchap sc'opic ta yuts'inel, la smilic ta xch'ojel ta ton ta swenta smandal te muc' ajwalil, ta yamac'ul templo yu'un te Cajwaltique.

Jeremías 26:10

Te jtsobwanejetic yu'un Judá, c'alal la yaiyic stojol te bila yac ta c'oel ta pasele, loq'uic tel ta spalacio muc' ajwalil, bajt'ic ta templo, najc'ajic ta bay Yach'il Ti'nail sbiile.

Jeremías 38:4

Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.

1 Reyes 18:10

Ya cal ta jamal ta stojol te Dios cu'untic, te ma'yuc ni junuc lum, ni ta junuc nación, te banti ma ba sticunejat ta leel te cajwale. Te banti albil te ma ba chicanat, te cajwal la yac' te ya yalic ta jamal ta stojol te Dios te melel ma ba yilojat.