Jeremías 26:19 - Bible in Tzeltal de Oxchuc y Tenejapa

¹⁹ “¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

Bible in Tzeltal Bachajón

¹⁹ Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Jeremías 26:19 Referans Kwoze

2 Samuel 24:16

Te c'alal nopol ya slajinix a te Jerusalén te ch'ul abate, te Cajwaltic la sujt'es sc'op, la scom te ch'ul abat yu'un yac ta lajinwaneje: —Tiq'uix a. Ma xalajinix —xi'. Jich quejch'aj te lajele. Te ch'ul abat yu'un te Cajwaltic, ja' yorail tey ay bael ta banti yac ta sloq'uesel spat strigo te Arauna te jebuseo-winique.

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Hechos 5:39

Yan teme ja' ta swenta te Diose, ma xju' ta comel. Tsajtaya me abaic teme ma ja'uc ya acontroinic a te Diose —xi' te Gamaliele.

Isaías 37:4

Te Cajwaltic te Dios awu'une la yaiybey stojol sc'op te mach'a yich'oj yat'el te ticunot tel yu'un te muc' ajwalil yu'un Asiria, te tal yixtac'optay te cuxul Diose. Ayuc bit'il ya yac'bey castigo yu'un te bitic la yale. La nix yaiy stojol stuquel a te Dios awu'une. C'oponbotic Dios a te jich xan yipal jilemotic ta c'abale”, uta me —xi' bael sc'op te muc' ajwalil Ezequías.

Isaías 37:1

C'alal la yaiy stojol te muc' ajwalil Ezequías, la xch'i' sc'u' yu'un, la slap ch'ixal pac' swenta seña xc'uxul mel-o'tan, soc bajt' ta templo yu'un te Cajwaltique.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

San Mateo 23:35

Jich yu'un te ja'exe, ja' me ya xc'ot ta awentaic stojel te la yich' malel xch'ich'el spisil te mach'atic toj yo'tanic te lajemiquix tele, jich bit'il te Abel te la yich' malel xch'ich'el ta xjajch'ibal, ja' to c'alal ta Zacarías te snich'an Berequiase te la yich' malel xch'ich'el ta bay olilal ay yu'un te xchic'jibal smajt'an Dios soc te temploe.

Habacuc 2:10

Jich la amuquix ta q'uexlal te anae. Ja'at nix la ajajch'es te ajinjibal atuquel te la ajin bayal ta jchajp nacionetique.

Jeremías 44:7

“Jich yu'un, te jo'on Ajwalilon te Spisil ya xju' cu'un, te Dioson yu'un Israel, ya cal: ¿Bistuc ja'ex nix ya aleic atuquelic te bila muc' te amen ya xtal ta atojolique? ¿Bistuc ya apasic te ya xlaj spisil te mach'atic jilemic xan ta Judá, winiquetic, antsetic, alaletic soc asta te ayinelic toe, te ni jtul ma xjiliquix ta jyalel?

Jeremías 26:15

Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

Jeremías 26:3

Te ayuc bit'il ya yich'bat ta muc', te ya yijq'uitayic te bila amen ya spasique, te toj ya yac' sbaique, jich me ya jnop te ma ba ya cac'bey castigo yu'un sbolil te yat'elique, te jnopojix ya cac'beye.

Isaías 26:21

Melel te Cajwaltic ya xloc' tel ta bay palacio yu'un, ta swenta yac'beyel castigo yu'un smulic te mach'atic nainemic ta balumilale. Te lumq'uinal ma xju' ya smuc xan te ch'ich' malbile; ja'uc me to, ya me xchicnaj ta lec te mach'atic la yaiyic milawe.

2 Crónicas 34:21

—Baanic ta stojol te Cajwaltic ta sjojc'oyel te bi xi' yo'tan cu'un te jo'one, soc te mach'atic ay xan ta lum Israel, soc ta Judá, te bit'il ay swentail te libro te la yich' taele. Te ya cale, ay me bayal sc'ajc'al yo'tan ta jtojoltic te Cajwaltique, melel te antiguo jme'-jtatic ma la sc'an yaiyic stojol te bila la yal Cajwaltic, ni ma la spasic spisil te bila ts'ibubil ta libro —xi'.

2 Crónicas 32:20

Ja' yu'un te muc' ajwalil Ezequías soc te j'alwanej Isaías, te snich'an Amoz, la sc'oponic te Diose, la sc'anic coltayel ta ch'ulchan.

Números 16:38

Te xchic'jibal pometic yu'un te winiquetic lajemiquix te la sta smulique, ch'ultesbilic me cu'un, melel la yich'ic tuuntesel ta yaq'uel pom ta jtojol. Ja' yu'un c'atp'unaic ta pasel ta lejch'el taq'uin, swenta yu'un ya yich' paq'uel a te scajtijib ta chiq'uel jmajt'ane, soc swenta yu'un ya me xtuun ta sjultesibal stsa te israeletic —xi' te Cajwaltique.

Amós 7:3

Jich yu'un te Cajwaltic la snop xan te bila xchapoj ta yo'tane, jich la yal: —Ma me xc'ot ta pasel —xi'.

Zacarías 7:2

Ja' yorail a te lum Betel la sticunix tel te Sarezer soc Regem-melec soc swinictac. Yu'un tal sc'anic coltayel yu'un Cajwaltic,