Biblia Todo Logo
Bib sou entènèt

- Piblisite -




Jeremías 26:18 - Bible in Tzeltal de Oxchuc y Tenejapa

18 —C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Gade chapit la Kopi

Bible in Tzeltal Bachajón

18 Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Gade chapit la Kopi




Jeremías 26:18
13 Referans Kwoze  

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.


Ja' sc'op Cajwaltic te la yalbey te Miqueas te talem ta lum Moreset, albot te bit'il ay sc'oplal Samaria soc Jerusalén. Ja' yorail ay ta ajwalil a te Jotam, Acaz soc Ezequías te mandalajic ta Judá.


Jich la yal ta stojol te sjo'taque, soc ta stojol te soldadoetic ta Samaria: —¿Bi ya scuy sbaic a te judioetique te lajemic ta wi'nale? ¿Yu'un bal ya scuyic te ya yich'ic aq'uel permiso te ya yac'beyic xan milbil smajt'an te Dios yu'unique? ¿Yu'un bal scuyojic te ya xju' yu'unic spasel ta jun nax c'aal? ¿Yu'un bal scuyojic te ya x'ach'ub yu'unic te c'ajq'uem-tonetic ya sjots'ic loq'uel, te tenajtic ta banti busajtic ta lume? —xi'.


Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.


soc ta sba te toyol witsetique. Ta scaj te muliletic awu'un, ya cac'bat ta elc'anel spisil te ac'ulejale, soc ya me spojic bael te toyol ch'uunjibaletic ta spamal te aq'uinale.


“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.


Dios cu'un, te mach'atic ma ba xch'uunejat la yochintaybatix te aq'uinale. La sboltesbeyiquix sc'oplal te ch'ul templo awu'un, soc la sjiniquix jilel te Jerusalén.


Busulbus me ya xjil te jinem ts'ajq'uetique; ja' me sna te ja'mal ts'i'etic ya xc'ot, ma me xju'ix nainel tey a, spisil mach'atic ya yilic, ya me x'ac'botic xiwtesel soc labanel te bit'il yan ta ilele.


¿Pero ma bal ya ana' te jo'on Ajwalilon te la cac' c'otuc ta pasel spisile? Mero nameyix chapal cu'un, yo'tic la caq'uix c'otuc ta pasel. Ja' yu'un te ja'ate, ya xju' awu'un slajinel lumetic te ay sts'ajc'ule, ya abusan ta jinel, jc'axel ma'yuquix swentail ya xjil awu'un.


Ja'uc me to, la spejc'an sba te Ezequías, bic'taj ta stojol te Diose. Jich nix la spas te yajwal Jerusalén. Jich yu'un te Cajwaltic ma la yac' woclajuc yu'un yilimba te jayeb xan c'aal cuxin ta q'uinal te Ezequías.


Ta slajibal c'aal tulan me ya xc'ot xan te wits ta banti ay te templo yu'un Cajwaltique. Ja' me te wits te c'ax toyol xane; ja' c'ax toyol yu'un a te yantic witstiquile. Spisil te nacionetic ya me xtalic ta stojol.


Swiv nou:

Piblisite


Piblisite