Jeremías 26:15 - Bible in Tzeltal de Oxchuc y Tenejapa

¹⁵ Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

Bible in Tzeltal Bachajón

¹⁵ Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

Jeremías 26:15 Referans Kwoze

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Números 35:33

“Ma me xaboltesbeyic sc'oplal ta swenta smalel ch'ich' te lumq'uinal ta bay ya x'ainexe, melel te ch'ich' ya sboltesbey sc'oplal te lumq'uinale. Ma xju' te ya yac' taq'uin swenta scoltayel ta libre te jtul jmilawale, jich yu'un puersa me ya yich' milel te mach'a la smal ch'ich' swenta yu'un ya xlecub sc'oplal te lumq'uinale.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

San Mateo 26:25

C'opoj uuc te Judase, te j'ac'awal ta c'abale: —Maestro, ¿jo'on bal ya cac'at ta c'abal? —xi'. La yal te Jesuse: —Ja'at nax —la yut.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

San Mateo 26:4

Jich la xchapic te bi ya yut ya stsaquic ta muquen te Jesuse, swenta yu'un ya smilic.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Jeremías 2:34

Te ac'u' boloben ta spisil yu'un xch'ich'el te me'baetic te ma'yuc smulique, ma'yuc bay yac ta spasel mulil la ata.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

2 Reyes 24:4

Soc ta scaj te la smalbey xch'ich'elic te mach'atic ma'yuc bi spasojic, te la snojes ta ch'ich' c'oem a te Jerusalén. Ja' yu'un ma ba la sc'anix la spasbey perdón te Cajwaltique.

Deuteronomio 19:10

Jich me ma ba tojol ya yich' malel xch'ich'el te mach'a ma'yuc bila amen spasoj ta bay lumq'uinal te ya yac'beyex awu'uninic te Cajwaltic te Dios cu'untique, soc swenta yu'un jich ma ba ya amulinic a teme ay mach'a laje.

Génesis 42:22

La yal te Rubén: —La nix calbeyex: “Ma xawuts'inic te quereme”, la cutex, pero ma la ach'uunbonic jc'op. Jich yu'un ja' ya jtojtiquix te bit'il la jmalbeytic xch'ich'ele —xi' ta stojolic.

Génesis 4:10

Te Diose jich la yalbey: —¿Bi yu'un jich la apas? Ja' la yalat te xch'ich'el awijts'in te la amalbey ta lumq'uinale.

Proverbios 6:16

Ay waqueb ta jchajp, asta juqueb, te bila jc'axel yilayej te Cajwaltique:

Jeremías 26:12

Te Jeremías c'opoj ta stojol te jtsobwanejetic soc te lume, jich la yal: —Ja' me te Cajwaltic te la sticunon ta c'op, soc ta yalel sc'oplal te templo soc te lume, ja' spisil te la awaiyic stojole.

2 Crónicas 24:22

Te muc' ajwalil Joás ch'ay ta yo'tan te bit'il la yich' c'uxtayel yu'un te Joiada, ja' te stat Zacarías, la smilbey te snich'an, ja' te Zacarías. Te c'alal nopol xlajix a, jich la yal xan ta aw: “¡Ac'a yil Cajwaltic soc ac'a yac'bey stojic!” xi' xan jilel.

Jeremías 30:1

Ja' sc'op Cajwaltic te la yalbey te Jeremías, jich la yalbey: