Jeremías 26:12 - Bible in Tzeltal de Oxchuc y Tenejapa

¹² Te Jeremías c'opoj ta stojol te jtsobwanejetic soc te lume, jich la yal: —Ja' me te Cajwaltic te la sticunon ta c'op, soc ta yalel sc'oplal te templo soc te lume, ja' spisil te la awaiyic stojole.

Bible in Tzeltal Bachajón

¹² Te Jeremías c'opoj ta stojol spisil te príncipaletic soc spisil te pueblo, hich la yal: Te Jehová la sticonon ta yalel sc'op-jalwanej ta scontrahinel te templo ini soc te pueblo ini ta spisil te c'opetic awa'iyejique.

Jeremías 26:12 Referans Kwoze

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Hechos 4:19

Te Pedro te Juane jich la yalbeyic te tsobleje: —Te ja'exe nopa awaiyic teme lec ta stojol Dios te ja' ya jch'uuntic te bila ya awalique, o ja' ya jch'uuntic te bila ya yal te Diose.

Jeremías 26:15

Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

Jeremías 26:2

jich la yal: —Tec'lan ta bay yutil yamac'ul templo, albeya spisil te bitic la calbat te ya awalbey te ants-winiquetic te ya xtalic ta bay lumetic yu'un Judá, te ya xtal squejan sbaic ta templo. Ma me ayuc bila ya xjil ta alel awu'un.

Ezequiel 21:7

Teme ay ya sjojc'obat bi yu'un te ya x'oc'ate, albeya te yu'un ay bila awaiyoj sc'oplal te nopol ya xc'ot ta pasele. Ta spisil yajwal lum ya me xch'ay q'uinal ya yaiyic yu'un. Ya me saybuj yoc sc'abic, ma'yuc mach'a ma xtal xiwel ta yo'tan. Ta spisilic me ya xnijc' yacanic yu'un xiwel. Ya xc'otix yorail, ya xjajch'ix ta pasel. Jo'on Ajwalilon te jich caloje —xi'.

Amós 3:8

¿Ay bal mach'a ma xnijc' yo'tan yu'un xiwel, teme awun te león-choje? ¿Ay bal mach'a ma xc'opoj ta j'alwanej teme la yal mandal te Cajwaltique?