Jeremías 25:3 - Bible in Tzeltal de Oxchuc y Tenejapa

³ —C'alal to ta yoxlajunebal ja'wil yat'el ta ajwalil a te Josías te snich'an Amón ta Judá asta ora yo'tic, ja' te ayix oxeb xcha'winic ja'wil, te Cajwaltic la sc'oponon. Ta jujun buelta la calbeyex awaiyic te ja'ex ta jujun buelta; ja'uc me to, ma la awich'bonic ta muc'.

Bible in Tzeltal Bachajón

³ C'alal ta yoxlajunebal (13) ha'bil te ay ta ajwalil yu'un Judá te Josías snich'an Amón c'alal ora yo'tic, ha oxeb scha'winic (23) ha'bil, talem ta jtojol te sc'op Jehová, soc spisil ora la jc'oponlanex, pero ma ba la awa'iyic.

Jeremías 25:3 Referans Kwoze

Jeremías 26:5

teme mero ma x'awich'ic ta muc' te sjultesjibal awo'tanic yu'un te j'alwanejetic te abatetic cu'une, te bayal buelta la jticun tel, te la ac'axintaybeyic te sc'ope,

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Jeremías 1:2

Te Cajwaltic la sc'opon te Jeremías te c'alal yoxlajunebal ya'wilal te ay ta muc' ajwalil ta Judá te Josías, te snich'an Amón.

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Jeremías 29:19

Melel ma la yich'bonic ta muc' te sjultesjibal yo'tanic cu'un ta swenta te abatetic te j'alwanejetic cu'une, te la jticun bayal bueltae, ni ma la yaiybeyic stojol sc'op. Jo'on Ajwalilon, jich ya cal.

2 Crónicas 34:8

Ta swaxaclajunebal ja'wil yat'el ta muc' ajwalil te bit'il lecubenix yu'un a te lumq'uinal soc te templo, te Josías la sticun bael te Safán snich'an Azalía, te Amasías te jwolwanej yu'un te lume, soc te Joa te secretario yu'un, te snich'an Joacaz, te ya xchajbanic xan te templo yu'un te Cajwaltic Diose.

2 Crónicas 34:3

Ta swaxaquebal ja'wil yat'el ta ajwalil a te Josías, querem to a, jajch' ta sleel te Dios yu'un te antiguo smam David. Te c'alal slajchayebal ja'wil yat'el ta ajwalil a, jajch' ta slecubtesel te Judá soc te Jerusalén. La yich' ch'ayel bael te toyol ch'uunjibaletic, soc te sloc'omba Asera, soc te yantic loc'ombaetic, soc te loc'ombaetic te pasbil ta taq'uin te ultesbil ta c'ajq'ue.

2 Timoteo 4:2

Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele.

San Juan 8:47

Te mach'atic yu'un te Diose, ya yaiybeyic stojol te sc'ope. Yan te bit'il ma yu'unuquex te Diose, jich ma x'ac'an awaiybeyic stojol te bila ya yale —xi' te Jesuse.

San Juan 8:2

Ta yan c'aal ta sab cha'tal xan ta templo. Spisil lum noptsajic tel ta stojol. Jich la snajc'an sba. Jajch' ta p'ijubteswanej.

San Marcos 1:35

Buen sab to soc ijc' to q'uinal a te jajch' te Jesuse. Loc' bael ta lum. Stuquel ba sc'opon Dios ta bay jochol te q'uinale.

Jeremías 44:4

La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 25:4

Manchuc teme bayal buelta la sticun te yabat te j'alwanejetic yu'une, te ja'exe ma'yuc bay la awich'ic ta muc', ni ma la ac'an la awaiyic stojol, soc ni ma la ach'uunic.

Isaías 55:2

¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.

Salmos 81:13

Te lajuc yaiybon jc'op te lum cu'une, te lajuc st'unbon te beetic cu'un te Israel,

1 Reyes 22:3

Te muc' ajwalil yu'un Israel jich la yalbey te j'at'eletic yu'une: —Ana'ojic te cu'untic te lum Ramot ta sq'uinal Galaad. Lec ay jiche, ¿bi yu'un ma ba ya jletiquix bi ya jpastic yu'un a te ya jpojbeytic ta sc'ab te muc' ajwalil yu'un Siria yu'unineje? —xi'.

Éxodo 8:20

Te Cajwaltic, jich la yalbey xan te Moisés: —Te faraón ya me xbajt' ta sab pajel ta muc'ja'. Jich yu'un sab me ya xjajch'at, baan albeya: “Jich la yal te Cajwale: ‘Ac'a loq'uel te lum cu'une, ya me xba yich'onic ta muc'.

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

2 Crónicas 34:1

Te Josías ay waxaqueb ya'wilal a te c'alal jajch' ta mandalteswanej ta muc' ajwalil, mandalaj ta Jerusalén bulucheb xcha'winic (31) ja'wil.

2 Crónicas 36:15

Te Cajwaltic Dios yu'un te antiguo sme'-stat, la sticunbey sjultesibal yo'tanic ta swenta te j'alwanejetic yu'une, melel la sna'bey yo'bolil sba te lum yu'un soc te awilal ta bay naineme.

Jeremías 7:25

Ja' to c'alal loq'uic tel ta Egipto te antiguo ame'-atatique, asta c'alal ora yo'tic, ay la jticunbeyex ta spisil te abatetic cu'une, ja' te j'alwanejetique.

Jeremías 32:33

Ja' la yac'bonic quil te spatique, ma ja'uc te yelawique. Manchuc me ma ba laj co'tan ta sp'ijubtesel, ma la yich'bonic ta muc', ni ma la sc'anic tojtesel.

Jeremías 35:14

Te sts'umbal Jonadab snich'an Recab, c'oem ta pasel ta ch'uunel yu'unic te smandal la yac'bey te ma xyuch' vino, soc asta c'alal ora yo'tic ma ba ya yuch'ic, melel xch'uunejbeyic smandal te antiguo sme'-statique. Jo'on uuc cac'ojbeyex mandalil bayal buelta; ja'uc me to, ma ba ach'uunejic.

Jeremías 36:1

Ta xchanebal ja'wil yat'el ta ajwalil a te Joacim snich'an Josías, te muc' ajwalil yu'un Judá, te Cajwaltic la sc'opon Jeremías, jich la yalbey:

Jeremías 36:2

—Tsaca junuc balbil jun, ts'ibuya tey a spisil te bila calojbat ta swenta Israel, Judá soc te yantic nacionetique, ja' to me te c'op jajch' calbat tel c'alal ay ta ajwalil a te Josías, ja' to c'alal ora yo'tic.

2 Reyes 17:13

Ta swenta spisil ta jchajp j'alwanejetic, albotiquix yu'un Cajwaltic a te israeletic te yacuc sujt'es yo'tanic yu'un te amen be st'unojique, te ja'uc ya yaq'uic c'otuc ta pasel te mandaliletic, soc te bi chapal yu'un, soc spisil te p'ijtesel te la yac'bey te antiguo sme'-static ta swenta te abatetic yu'une.

2 Crónicas 24:19

Jich te Cajwaltic la sticunbey j'alwanejetic ta stojol te yacuc sujt'es yo'tanic; ja'uc me to, te ants-winiquetic ma la sc'an yich'ic ta muc' te bit'il jultesbot yo'tanic yu'un te j'alwanejetique.

Jeremías 19:15

—Te Cajwaltic te Spisil ya xju' yu'une, te Dios yu'un Israel, ya yalbeyex: “Ya jticunbey tel spisil castigo ta stojol te alumal soc spisil te lumetic nopol ayic te la calbeyix sc'oplale. Melel tulan yac'oj te yo'tanique yu'un ma la yich'bonic ta muc' te jc'ope”, xi' me te Cajwaltic —xi' te Jeremiase.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Ezequiel 33:4

Pero teme ay mach'a ya yaiy te oq'ues, teme ma ba ya yich' ta wenta, teme c'ot te scontro, teme milot yu'une, ja' nix me ta smul te laj ta milele.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.