Jeremías 24:7 - Bible in Tzeltal de Oxchuc y Tenejapa

⁷ Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Bible in Tzeltal Bachajón

⁷ Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Jeremías 24:7 Referans Kwoze

Hebreos 8:10

Soc la yal te Cajwaltique: “Jich ay te trato ya jpas soc te lum Israel te c'alal ya sta yoraile: Ya me cac'bey sna'ic ta yo'tanic te mandalil cu'une, ya me jts'ibubey ta yo'tanic c'oem. Jo'on Dioson yu'unic ya xc'oon, soc ja' lum cu'un ya xc'otic.

Ezequiel 37:23

Soc ma ba ya sboltes xan sbaic ta xch'uunel te loc'ombaetic ilaybil sbae, soc ma ba sleix bayal ta jchajp smulic. Jo'on me ya jch'aybey te cheb yo'tan la spasic ta jtojole. Ya me jlecubtes, jich me ya xch'ay te smulique. Ja'ic me lum ya xc'ot cu'un, jo'on me Dioson yu'unic.

Zacarías 8:8

Ya me quic' tel ta Jerusalén swenta yu'un ya xnainic tey a. Ja'ic me lum cu'un ya xc'ot; soc jo'on me Dioson yu'unic ya xc'oon. Mero jun me co'tan, soc mero stojil me ya xmandalteswanon ta stojolic —xi' te Cajwaltique.

Romanos 6:17

Wocol la yalbotic te Diose, manchuc teme ayex ta mosoil yu'un mulil ta neelale, ja'uc me to, ach'uunejiquix soc awo'tanic te bit'il ay te p'ijubtesel te ac'ot ta awentaic snopele.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Ezequiel 37:27

Ya me xnainon ta yolilic, jo'on me Dioson yu'unic, ja' me lum cu'un.

Jeremías 3:10

Ta patil, te Judá te ma junuc yo'tane, ma ba sujt' soc spisil yo'tan ta jtojol, ja' nax la spason ta lot. Jo'on, Ajwalilon te jich ya cal —xi'.

Isaías 51:16

La jlim bael te ch'ulchan soc la cac'bey yiptajib te balumilale. Jo'on la cac'bat ta awe te jc'ope, soc la jcanantayat ta yaxinal te jc'abe. La calbey te Sión: “Ja'at lumat cu'un”, la cut —xi' te Cajwaltique.

2 Crónicas 6:38

teme ya yac' sbaic ta atojol yan buelta soc spisil yo'tanic soc spisil xch'ulelic, soc teme ya stojlinat tel ta c'op tey ta bay q'uinal te la awac'bey te antiguo jme'-jtat soque soc te lum te la atsae soc te templo jpasojbate,

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Salmos 119:2

Bin nax me yutsil te mach'atic yat'elinejic xch'uunel te mandaliletic yu'une, soc te spisil yo'tanic yacalic ta sleel yutsil,

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Jeremías 29:10

“Soc jich ya yal te Cajwaltique: ‘C'alal ya sts'aquej lajuneb xchanwinic (70) ja'wil, ya xjajch'on ta at'el ta ac'uxtayelic te ja'exe, soc ya me jc'otes ta pasel te bila caloj ta jamal te ya jc'uxtayex soc te ya jsujt'esex tele.

Ezequiel 14:11

swenta yu'un ma me ayuquix bi ora ya xcha'loc' xan ta jtojol te lum Israel cu'une, soc ma'yuquix bi ora ya sboltes sbaic ta spasel te bitic muliletic la spasique. Ja' me lum cu'un, soc jo'on me Dioson yu'unic. Jo'on Ajwalilon te jich caloje —xi' te Cajwaltique.

Ezequiel 16:62

Jo'on me ya cach'ubtes te trato cu'untique, ya me ana' xan te jo'on te Ajwalilone.

Ezequiel 39:22

Te Israel, jich ora ya xjajch' sna'ix a te jo'on Ajwalilon te Dioson yu'une.

Ezequiel 11:17

Soc jich xawalbey xan yaiyic: “Jich la yal xan te Cajwaltique: ‘Jo'on me ya quic' xan tel ta lumq'uinal soc ta nacionetic te banti la jpuc baele. Ya me jtsob xan, soc ya me cac'beyic xan te slum-sq'uinal Israel’, xi' te Cajwaltic”, uta me.

Oseas 2:22

Te lumq'uinal ya me yac' trigo, vino soc aceite; jich me ya yalic: “Dios ya sts'unotic”.