Jeremías 24:10 - Bible in Tzeltal de Oxchuc y Tenejapa

¹⁰ Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.

Bible in Tzeltal Bachajón

¹⁰ Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Jeremías 24:10 Referans Kwoze

Isaías 51:19

Ja' tal ta atojol cheb woclajel: ja' te la yich' jinel te alumal soc la yich' pojel loq'uel te sbiluquile, soc ja' te lajic yu'un wi'nal soc ta guerra te ajo'taque. ¿Mach'a a te ya sna'bat yo'bolil aba? ¿Mach'a a te ya smuc'tesbat q'uinal awaiye?

Ezequiel 33:27

“Soc jich xawalbey xan: “Jich ya yal te Cajwaltique: ‘Te jo'on te cuxulone, ya cal ta jamal: Ta spisil te mach'atic nainemic tey ta jinem lumetique, ya me yich'ic milel. Te mach'atic nainemic ta sq'uinalique, ya me cac' ta ti'el ta jti'awal chambalametic. Soc te mach'atic nainemic ta tonetic soc ta nailch'entiquile, ya me cac' lajuquic yu'un chamel.

Ezequiel 7:15

Ta pat lum ay guerra, ta yutil ay chamel soc wi'nal. Te mach'atic ayic ta sc'alic, ya me xlajic ta guerra. Te mach'atic ayic ta yutil lum, ya me xlajic yu'un wi'nal soc chamel.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Jeremías 27:8

Teme ay nacionetic o ajwaliletic, te ma xyac' sbaic ta yich'el yugo yu'un Nabucodonosor, ya cac'bey castigo ta guerra, wi'nal soc chamel te ya xmilawane, ja' to teme och ta sc'abe. Jo'on Ajwalilon, jich ya cal.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 15:2

Teme ya sjojc'obat te banti ya xbajt'ique, albeya te bila ya cale: “Te mach'atic chapal sc'oplal te chamel ya yaiy xlaje, jich nix me ya xlaj abi; te mach'atic chapal sc'oplal ya xlaj ta guerra, jich nix me ya xlaj abi; te mach'atic chapal sc'oplal te wi'nal ya yaiy xlaje, jich nix me ya xlaj abi; te mach'atic chapal sc'oplal ya x'ic'otic bael ta mosoinel, ya nix me xbajt'ic abi”, uta me.

Jeremías 9:16

Ya jpuc bael ta nacionetic te ma yilojuque, soc te ma yilojuc te sme'-statique; ya me cac' te ya yich'ic nutsel ta puñal, asta ma'yuc ya xjil jtuluc —xi' te Cajwaltique.

Jeremías 5:12

Israel soc Judá la smuc ta yo'tanic te Cajwaltique. La yalic: “Ma'yuc te Diose. Ma'yuc bila amen ya xtal ta jtojoltic, ma xtal guerra ta jtojoltic, ni ma'yuc wi'nal”, xiic.

Apocalipsis 6:8

Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Deuteronomio 28:21

Te Cajwaltic ya sticunbat tel ta atojol c'ajc'al chamel, te ya slajinat tey ta lumq'uinal ya awich'e.

Jeremías 21:9

Te mach'a ya xjil li' ta lum to ya me xlaj ta guerra, wi'nal, o chamel te ya xmilawan. Yan te mach'a ya xloc' bael soc te ya yac' sba ta c'abal yu'un te caldeoetic te yac ta yaq'uel guerra yo'tic te lume, ma ba ya xlajic; ya to me xcol soc xcuxlejal stuquel.

Jeremías 42:17

Spisil mach'atic tey yo'tanic bael ta ainel ta Egipto, tey me ya xlajic yu'un guerra soc wi'nal soc chamel. Ma me ayuc mach'a cuxul ya xjil tey a, ma me ayuc mach'a ya xcol yu'un te bila amen ya jticun tele”, xi'.

1 Reyes 14:15

te Cajwaltic ya me syuq'uilay te Israel, jich te bit'il yip yocja' ya syuq'uilay te jalale. Ya me sbul loq'uel li' ta lequil lum te ac'bot te antiguo sme'-statique, ya me xch'oj bael ta jejch' muc'ja' Eufrates. Melel la spas sloc'omba Asera, jich la yac' ilinuc te Cajwaltique.

Jeremías 9:15

Te jo'on Ajwalilon te Spisil ya xju' cu'une, te Dioson yu'un Israel, ja' swentail te ya cal: Ya cac'bey swe'ic te bila bayal xch'aale, ya cac'bey yuch'ic ja' te capal soc veneno.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Jeremías 29:17

Jo'on Ajwalilon te Spisil ya xju' cu'une, jich ya cal: Ya jticun tel guerra ta stojolic, soc wi'nal soc chamel te ya xmilawan. Ya me jpas te jich ya xjilic te bit'il higoetic te c'a'emique, te c'ax amenic ta jyalel, te ma xju'ix ta lo'ele.

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Jeremías 32:24

“Ta ora yo'tic, te caldeoetic sbut'ojiquix moel lum ta bay sts'ajc'ul te lum ta swenta yac'beyel guerra. Ja' ya x'ochic ta sc'abic a te scontrotac, yu'un guerra, wi'nal soc chamel. Cajwal, ya awilix te ya xc'otix ta pasel te bit'il awalojbonix sc'oplal a.

Jeremías 32:25

Ja'uc me to, Cajwal, ja'at la awalbon mandal te ya jman soc te ya jtoj te q'uinal ta stojol testigoetic, manchuc teme ya x'och ta sc'ab caldeoetic te lume —xoon ta sc'oponel te Cajwaltique.

Jeremías 42:22

Ja' yu'un na'aic me ta lec, ta scaj me te guerra, wi'nal soc chamel tey me ya xlajex a ta bay te q'uinal te banti ya ac'anic ya xbaex ta ainele —xi' te Jeremiase.

Ezequiel 6:11

Te Cajwaltic jich la yalbon: —Pac'ulaya ac'ab, soc pumilaya awacan swenta seña mel-o'tan. Awunan ta tulan, jich me xawal: “¡Ya me yil swocol te lum Israel yu'un te yat'el te mero ilaybil sbae!” uta me. Melel ya me xlajic yu'un guerra, ya me xlajic yu'un wi'nal soc chamel.