Jeremías 23:9 - Bible in Tzeltal de Oxchuc y Tenejapa

⁹ Te bit'il ay sc'oplal te j'alwanejetic, jich ay: Lajemon ya caiy soc te co'tane; spisil jbaq'uetal ya xnijc'. Jichon yilel te bit'il jyacubele; jich bit'il jtul winic u'uninbil yu'un vino. Ja' ta scaj te Cajwal soc te xch'ul-c'ope.

Bible in Tzeltal Bachajón

⁹ Hich ay sc'oblal te jalwanejetic: Pich'il co'tan ya ca'iy, ya xnihc spisil jbaquel. Ta scaj te Jehová soc te sch'ul c'op hichon te bin ut'il jyacubel, hichon te bin ut'il jtuhl winic te u'untaybil yu'un vino.

Jeremías 23:9 Referans Kwoze

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.

Daniel 8:27

Jo'on Danielon, xquechet ta lajel quip la caiy, bayal c'aal la caiy chamel. Patil jajch'on, cha'ochon xan ta spasel te at'el ac'boton yu'un te ajwalil ta nacione. Pero ma ch'ay ta co'tan te bila la quil la caiye, melel ma xc'ot ta co'tan ya caiy.

Lamentaciones 3:15

Te Cajwaltic la snojesbon ta co'tan te bila ay xch'aale; ch'a te uch'balil la yac'bone.

Isaías 51:21

Jich yu'un, ja'at te lum ma'yuc yutsil q'uinal awaiye, aiya awaiy stojol, ja'at te ma vinouc yacubenat yu'une.

Salmos 60:3

La awaq'uix c'axuc yu'un tulan pruebaetic te lum awu'une, la awac'botiquix vino c'oem te ya xjowejotic yu'une.

Romanos 7:9

Ay c'aal te ma'yuc sc'oplal ta co'tan te mandalile. Ja'uc me to, te c'alal tal te mandalile, cuxin xan la caiy te mulile. Jich lajon yu'un.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 29:9

Pasaic bael te ma xtojobexe. Pasaic bael, jich bit'il ma'sit te xujt' ma xyil q'uinale. Pasaic te sts'eunajex jichuc jyacubeletique, manchuc me ma'yuc awuch'oj te tulan uch'balile.

Isaías 28:1

¡Ya me yil swocol te Samaria! Toyol nax q'uinal ya yaiyic yu'un te mach'atic ay ta Efraín, scoronainej ta yo'tanic, ja'ic te mach'atic baem yo'tanic ta yacubele. Te Samaria, ja' yutsilal xch'alilic c'oem; ja'uc me to, nichim te taquejeme. Ay ta toyol ta bay slajibal moel te lequil stenlej xatal q'uinale; ja' lum yu'un te ants-winiquetic te u'uninbilic yu'un te yacubele.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Salmos 69:20

Te bit'il la yuts'inbonic co'tan, la yejch'entesbonic ya caiy te co'tane. Ma'yuc yutsil q'uinal ya caiy soc ma'yuc quip. Tojol la cac' jwocol ta sleel mach'a ya smuc'tesbon q'uinal caiy, soc mach'a ya sna'bon yo'bolil jba.

Jeremías 8:18

Te xc'uxul jwocole ma'yuc xpoxil, ya xcomix co'tan ya caiy.

Jeremías 20:9

Teme ya cal: “Ma'yuquix ta co'tan te Cajwale, ma ba ya calbeyix sc'oplal”, teme xoone, jich yu'un te ac'op ta yutil co'tan ya xc'atp'uj ta c'ajc'. Jich ya xc'ajc'on ta jc'axel, ya me sol ochel c'alal ta jbaquel. La jnop te c'an jcom jba ta yalel te ac'ope; ja'uc me to, ma ba ju' cu'un.

Jeremías 36:16

Ta ora nax c'alal la yaiyic stojol, noj xiwel ta yo'tanic, jich la yalbey sbaic: —Ya me calbeytic yaiy spisil te muc' ajwalile —xiic.

Ezequiel 13:3

‘Ay me swocolic te j'alwanejetic te ma sna'ic q'uinale, melel ja' nix sc'opic te ya yalique, ma yu'unuc ay bila la cac'bey yilic.