Jeremías 23:8 - Bible in Tzeltal de Oxchuc y Tenejapa

⁸ ja'uc me to, jich me ya awalic: “Ta swenta bit'il cuxul te Cajwaltic, jich la sloq'uesbey tel sts'umbal Israel ta bay norte, soc ta spisil te lumetic ta bay la spuc baele”, xaex me. Tey me ya xba ainuquic ta bay mero te slum-sq'uinalique —xi'.

Bible in Tzeltal Bachajón

⁸ pero hich me ya yalic: Yiloj Jehová te la sloq'uesbe tal te sts'umbal Israel ta q'uinal ta stojol norte soc ta spisil te q'uinaletic banti la spucticlan bahel, xchihic. Hich ya xnahinic ta sq'uinalic, xchi.

Jeremías 23:8 Referans Kwoze

Ezequiel 34:13

Ya me jloq'ues tel ta slum-sq'uinal jyanlumetic, ya me jtsob, ya me quic' bael ta mero slumalic. Ya me quic' bael ta we'el ta witstiquil yu'un Israel, ta beja'etic, soc ta spisil te banti ay mach'atic nainemic tey ta lumq'uinale.

Sofonías 3:20

Te bi c'aalil ya xc'ote ya quiq'uex tel te ja'exe, ya jtsobex. Ya me jeltay te bila c'oem ta awentaique; soc ya cac' xpujc' ac'oplalic. Ya x'ich'otex ta muc' ta stojol spisil te lumetic ay ta balumilale. Jo'on Ajwalilon te jich caloje —xi'.

Ezequiel 39:28

Jo'on la cac'bey bael ta mosoil, la cac' bael ta yan nacionetic, pero jo'on ni me ya jcha'tsojp xan tel ta slum-sq'uinalic. Ma me ayuc ni jtuluc ya quijq'uitay jilel ta slumal jyanlumetic. Jich me ora ya sna'ic te jo'on Ajwalilon te Dioson yu'unique.

Ezequiel 37:25

Ya me xnainic tey ta lumq'uinal te la cac'bey te cabat Jacob, tey ta banti nainic uuc te antiguo sts'umbalique. Jc'axel me tey ya xnainiquix soc yal-snich'anic a, soc ta spisil te patil alnich'anetic yu'unique. Ja' me ajwalil yu'unic sbajt'el q'uinal te cabat David.

Ezequiel 36:24

Jo'on me ya jloq'uesex tel ta spisil nacionetic ta lumq'uinaletic. Ya me jtsobex, soc ya me cac' sujt'anic bael ta alum-aq'uinalic.

Jeremías 23:3

Jo'onix ya quic' tel te jayeb xan chijetic te bay la cac' anuc bael ta lumetique, ya jtsob tel, soc ya cac' sujt'uc tel ta bay te swe'elique, swenta yu'un ya me yac' bayal yalatac.

Isaías 14:1

Ta smelelil, te Cajwaltic ya me xc'uxtabey sts'umbal te Jacob. Jich me yach'il xan ya xc'ot ta tsael yan buelta te lum Israel, jich me ya yac' najc'ajuc ta sq'uinalic. Te jyanlumetic ya me xnoptsajic bael ta stojolic, jun me ya yac' sbaic soc te sts'umbal Jacob.

Jeremías 8:3

Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.

Jeremías 16:15

Ja'uc me to, jich me ya awaliquix: “Ta swenta bit'il cuxul te Cajwaltic, jich la sloq'ues tel israeletic ta yan lum ta norte soc ta spisil te lumetic te bay spucoj baele”, xaex meix ta yalel. Jo'on ya me cac' sujt'ex tel ta aq'uinalic, ja' te q'uinal la cac'bey te antiguo ame'-atatique.

Jeremías 29:14

Ya me cac' jba ta tael awu'unic te ja'exe; ya me jel te bit'il ayexe. Ta spisil te nacionetic ta bay la jpuquex baele, ya jloq'uesex tel tey a; ya me jtsobex, ya me sujt'ex tel, ya xloq'uex tey a ta bay la jticunex bael ta mosoil. Jo'on Ajwalilon, jich ya cal’, xi'.

Jeremías 30:3

Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Jeremías 32:37

Ja'uc me to, ya jtsob tel spisil yajwal te alumal ta bay la jpuquex bael c'alal noj ta co'tan quilimba soc sc'ajc'al co'tan te xiweltic sbae. Ya me quiq'uex sujt'el li' ta bay in q'uinal to, swenta yu'un jun nax me awo'tanic ya x'ainex tey a.

Ezequiel 28:25

La yal xan te Cajwaltic: —Jo'on Ajwalilon te jich ya cale: Ya me jtsob tel te lum Israel ta bayuc pujq'uemic bael ta yantic nacionetic. Jich me ya cac' ta ilel yu'un nacionetic te jo'on te ch'ul Diosone. Te Israel ya me xnain xan ta mero slum-sq'uinal, ja' te lumq'uinal la cac'bey Jacob, ja' te abat cu'une.

Joel 3:7

Pero jo'on me ya quic' loq'uel tel te banti la achonic baele. Te ja'exe ya me cac'beyex awocolic uuc, jich nix me te bit'il c'ax yu'unic te mach'atic la awac'beyic swocolique.

Isaías 11:11

Te c'alal ya sta yoraile, te Cajwaltic ya me yac' ta ilel yan buelta te yu'ele: Ya me stsob xan te mach'atic yu'un te cuxulic to, ya me yic' sujt'el te ayic ta Asiria soc ta Egipto, ta Patros, Etiopía, Elam, Sinar, Hamat soc ta lumetic ta ti'ti'mar.

Jeremías 16:14

“Ja'uc me to jo'on te Ajwalilon, jich ya cal te ya me xtal sc'aalelal te ma ba ya awaliquix ta jamal: “Ta swenta bit'il cuxul te Cajwaltique, jich la sloq'ues tel ta lum Egipto te israeletique”, te xaexe.

Ezequiel 36:35

Jich me ya yalic: “Ila awil te q'uinal jochole, yo'tic pajalix soc ts'unbil nichimaltic yu'un Edén. Te lumetic te jc'axel yich'ojic jinele, yo'tic ayix sjoyob ts'ajc'ul soc ayix yajwal”, xiic me.

Miqueas 7:15

Pasbeya yilic jchajp at'elil, jich bit'il te bi c'aalil la aloq'ues tel ta Egipto.