Jeremías 23:6 - Bible in Tzeltal de Oxchuc y Tenejapa

⁶ Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Bible in Tzeltal Bachajón

⁶ Ya xcol Judá ta sc'ahc'alel soc te Israel jun yo'tan ya x'ayin. Hich ya xc'oht te sbihil te ya x'a'bote: Jehová, te mach'a cu'untic te toj yo'tan, xchi.

Jeremías 23:6 Referans Kwoze

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Jeremías 33:16

Te bi yorail ya cale, te Judá ya me xcol soc Jerusalén, jun nax me yo'tan ya xcuxinic. Ja' me sbiil ya awalbeyic: “Cajwaltic te toj ya yaiy tsalaw cu'untique”, xi' me.

Filipenses 3:9

soc jun me ya xc'oon soc te Cristoe. Jich ma ja'uc tojobenon yu'un spasel te mandalile, ja' nax ta swenta xch'uunjel co'tan ta stojol Cristo te bit'il lec ya x'iloton yu'un te Diose, ja' ta swenta te xch'uunjel co'tane.

Romanos 3:22

Ja' nax toj ya x'ilot yu'un Dios te mach'atic ay xch'uunjel yo'tanic ta stojol te Jesucristoe. Pajal sc'oplal spisil te ants-winiquetique,

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Jeremías 32:37

Ja'uc me to, ya jtsob tel spisil yajwal te alumal ta bay la jpuquex bael c'alal noj ta co'tan quilimba soc sc'ajc'al co'tan te xiweltic sbae. Ya me quiq'uex sujt'el li' ta bay in q'uinal to, swenta yu'un jun nax me awo'tanic ya x'ainex tey a.

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Zacarías 10:6

Te Cajwaltic jich ya yal: —Jo'on me ya cac'bey yipic te patil alnich'anetic yu'un Judá; ya me jcoltay te patil alnich'anetic yu'un José. Ya me jtojtes sujt'el ta slumalic; melel ya jna'bey yo'bolil sbaic. Jich me ya jcha'pas jba te bit'il ma'yuc bi ora jch'ayoje, melel jo'on te Ajwalilon yu'unic, te Dioson yu'unic, te ya quich'bey ta wenta te sc'opic ta jtojole.

Zacarías 3:10

Te c'alal ya xc'ot sc'aalelal, ya me xju' te talel c'axel ya awic' abaic ta yaiybeyel yutsilal te lamal q'uinal ta yaxinal ats'usubiletic soc higueraetic awu'unic. Jo'on, Ajwalilon te Spisil ya xju' cu'une ya cal ta jamal”, xi' me te Cajwaltic —xi' te ch'ul abate.

Sofonías 3:13

Te mach'atic cuxulic xan ta lum Israel ma'yuquix bila ma lecuc ya spasic, ma ba ya yalic lot, ma ba ya snojes lo'laywanej ta yeic. Ya me xju' ya xwe'iquix soc ya me xcux yo'tanic, ma me ayuc xiwel ta stojolic —xi' te Cajwaltique.

Abdías 1:21

Yaiyojiquix tsalaw a ya me xmoic bael ta wits Sión, swenta yu'un ya yac'bey castigo te mach'atic ayic ta witstiquil yu'un Esaú. Te Cajwaltic ja' me ya xmandalaj stuquel.

Abdías 1:17

Yan te wits Sión, ja' ch'ul wits ya xc'ot, ay me ya xba scoltay sbaic tey a. Te sts'umbalic Jacob ya xcha'yich'ic xan te slum-sq'uinalique.

Oseas 2:18

“Te c'alal ya sta yorail ya me jpas trato soc te ja'mal chambalametique, te ja'mal mutetic soc te chanetic, ta swenta xc'uxtayel te lum Israel. Ya me jloq'ues ta yolil lum te t'im, te puñal soc spisil guerra, swenta yu'un jun nax me yo'tan ya xcux yo'tan te lum cu'une.

Oseas 1:7

Ja'uc me to, ya me jna'bey yo'bolil sba te yajwal Judá; ya me jcoltay stuquel, jo'on Ajwalilon te Dioson yu'une. Pero ma ba ya jcoltay ta swenta guerra, ni ta t'im, ta puñal, ta caballoetic, ni mach'atic cajajtic tey a —xi' te Cajwaltique.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.

Isaías 35:9

Tey ma'yuquix león-chojetic; ma xnoptsajiquix jti'awal chambalametic tey a. Ja' me be to, tey me ya sujt'ic tel a te mach'atic ac'bilic ta libre,

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Isaías 2:4

Te Cajwaltic ya xchajbanbey te c'op jajch'em yu'un te nacionetique, tsobol me lumetic ya yac'bey snop te ya xcom ta guerra. Ya me sc'atp'unic ta sjoc'jibal lum te spuñalique, te slanzaic ya me sc'atp'unic ta set'jibal trigo. Ni jpamuc lum ya stsac xan spuñal ta smilel yan, ni ma'yuquix mach'a ya yich' p'ijubtesel ta guerra.

1 Reyes 4:25

Te jayeb c'aal cuxin te Salomón, te yajwal Judá soc Israel ta spamal sq'uinalic, c'alal ta Dan soc c'alal ta Beerseba, buen lamal q'uinal la yaiyic, soc jun yo'tanic ayic ta ye'tal sts'usubic soc ta higuera yu'unic.

Isaías 42:6

—Jo'on te Ajwalilone la quic'at tel soc la jtsacat ta jc'ab, swenta yu'un ja' me ya xtuunat yu'un te colele. Jo'on la jchajbanat, jich yu'un ya jc'an te ja'ucat señailat te trato cu'un ta stojol te lume, te ja' ya sacub q'uinal awu'un ta stojol te nacionetique.

Jeremías 29:11

Ya jna' te bila jnopoj ta awentaic, ja' jnopoj ta swenta awutsilalic, ma ta swentauc awuts'inelic. Jich me ay bila t'ujbil ya amaliyic bael ta patil. Jo'on Ajwalilon, jich ya cal.

Jeremías 33:15

C'alal yorail soc sc'aalelal, ya me jpas te ay jtul mero sts'umbal ya xc'ot te David, te ya spas te lequil chajbanwanej, soc toj ya x'at'ej ta lumq'uinal.

Ezequiel 21:27

Spisil jinbil ya xjil cu'un ta jyalel. Jich me ya xc'ot ta pasel teme tal te mach'a jo'on cac'ojbey ta swenta te chajbanwaneje.

Ezequiel 28:26

Jun me yo'tanic ya xnainic tey a, ya me spas snaic, ya me sts'un sts'usubilic. Jo'on me ya cac'bey castigo ta stojolic ta spisilic te mach'atic nopol ayic te yilayejic te lum Israel. Jich me ya sna'ic spisil ants-winiquetic te jo'on Ajwalilon te Dioson yu'un Israel —xi' te Cajwaltique.

Ezequiel 38:14

La yalbon te Cajwaltic: —Ja'at winic, c'opona ta jwenta te Gog, jich xawalbey: “Ja' la yal te Cajwaltic in to: ‘Te c'alal mero jun yo'tan nainemic a te lum Israel cu'une, te ja'ate ya me xjajch'at ta beel

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Daniel 9:7

Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

Oseas 1:11

Jich me ya stsob sbaic te ants-winiquetic, ja' te yajwal Judá soc te yajwal Israel. Soc ya me yac'beyic yat'el jtul jtsobwanej, spisil ta bayuc ya me sujt'ic bael ta Jerusalén. Muc' me ya xc'ot sc'aalelal te Jezreel.

Éxodo 9:26

Ja'uc me to, te lumq'uinal ta Gosén te bay nainemic te israeletic ma'yuc bay co jp'ijuc bat tey a.

Salmos 45:5

Te lumetic ya xyalic ta yanil awacan, ja'at te ajwalilat cu'un. Buen jay sni' te yat'ejibal at'imalte', ya me sts'ap sba ta yo'tanic te acontroe.

Isaías 32:1

Ay me jtul muc' ajwalil ta patil te toj ya xmandalaj, soc yantic biq'uit ajwaliletic te toj ya xchajbanwanique.

Isaías 32:18

Te jlumale lamal nax me q'uinal ya xcuxinic, jun me yo'tan ya yaiyic ta snaic, senel nax me q'uinal tey a ta bay ainemique.

Isaías 33:5

Te Cajwaltic te toyol yat'el stuquele, nainem ta ch'ulchan; nojemix ta Sión yu'un te bitic tojic ta pasele, soc nix te lequil chajbanele.

Jeremías 31:23

Te Cajwaltic te Spisil ya xju' yu'une, te Dios yu'un Israel, ya yal: —C'alal ya cac'bey xan yutsilal te ants-winiquetic yu'un Judá, te ayiquix ta yan buelta ta sq'uinalic soc ta lumetic yu'unic, jich me ya yalic ta yan buelta: “Te Cajwaltic ac'a yac'bey bendición te ch'ul wits te bay ya xnain te stojil chajbanele”, xiic me.