Jeremías 23:5 - Bible in Tzeltal de Oxchuc y Tenejapa

⁵ Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Bible in Tzeltal Bachajón

⁵ Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.

Jeremías 23:5 Referans Kwoze

Isaías 4:2

Te bi c'aalile, ay bi ya yac' xpulin jajch'el te Cajwaltique, ja' me xch'alil yutsilal te jayeb mach'atic cuxulic ya xjilic ta lum Israel. Te bitic ya yac' te q'uinale, ja' smuc'ul yo'tanic ya yaiy soc ja' yich'el ta muc'.

Isaías 52:13

Te cabate, lec me ya xc'ot ta loq'uel; ya me xtoyesot jajch'el, muc' me ya xc'ot.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Zacarías 3:8

aiya me awaiy ta lec, soc ac'a me yaiyic te ajo'tac ta sacerdoteile. Ta apisilic te ja'exe, señaex te bila ya xc'ot ta pasel ta patil. Ya me quic' tel te cabat, te ja' te spul c'oeme.

Isaías 53:2

Te Cajwaltic la sc'an yo'tan te jichuc ya xmuc'ub yabat te bit'il unin te' te wocol ya xme'in bael yisim ta bay taquin q'uinal. Ma t'ujbiluc, ma'yuc yutsil, ma'yuc ta mulanel, ni jtebuc;

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Jeremías 30:9

Ya me yac' sba ta abatinel ta jtojol te Yajwalon soc te Dioson yu'une, soc ta stojol David, te ja' ya cac' ta muc' ajwalil yu'unic stuquele.

Jeremías 30:3

Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Jeremías 23:6

Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Hebreos 8:8

Yu'un Dios la stabey ta alel smulic te ants-winiquetique jich bit'il la yal: “Ya me sta yorail te ya jpas yach'il trato soc te lum Israele soc te lum Judae”, xi' te Cajwaltique.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Jeremías 31:27

Te Cajwaltic jich ya yal: —Ya me xtal sc'aalelal te ya cac' esmajuc te winiquetic soc chambalametic ta bay Israel soc ta bay Judá.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

Ezequiel 34:29

Ya me cac'bey buen lec sq'uinalic, ma me ayuquix bi ora ya yaiyic wocol yu'un wi'nal, soc ma me ayuquix bi ora ya xlabanotiquix yu'un te yantic nacionetique.

Salmos 80:15

Ja' te ts'usubil te ja'at nix ats'unoje; ja' te spul te ja'at nix la awac' ch'iuc ta lumq'uinale.

Salmos 45:4

Ta swenta smuc'ul awutsilal beenan ta tsalaw. Ja' ay ta awo'tan te bila melele; ja' ay ta awo'tan te bila stojil ya yich'ic pasbeyel te mach'atic peq'uele. Te awa'elc'abe ya me spas bitic xiweltic sba ta ilel.

Jeremías 22:30

Te Cajwaltic jich ya yal: —Ts'ibubeya sbiil ta lista in winic to ta bay ya x'ich'ot ta wenta te ants-winiquetic, albeya sc'oplal te ma'yuc snich'ane, jich bit'il winic te la sta falta. Melel ni jtuluc sts'umbal te ya xc'o najc'ajuc ta smuc'ul nactijib David, yu'un ya x'och xan ta ajwalil ta Judá —xi' te Cajwaltique.

Jeremías 22:15

¿Ja' bal muc' ajwalil c'oemat yu'un ta ac'op, te bit'il joybilat ta cedro? Te atat la smulan lec cuxinel c'ax ta q'uinal; ja'uc me to, toj at'ej ta chajbanwanej, jich lec a c'ot ta loq'uel.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Isaías 42:6

—Jo'on te Ajwalilone la quic'at tel soc la jtsacat ta jc'ab, swenta yu'un ja' me ya xtuunat yu'un te colele. Jo'on la jchajbanat, jich yu'un ya jc'an te ja'ucat señailat te trato cu'un ta stojol te lume, te ja' ya sacub q'uinal awu'un ta stojol te nacionetique.

Jeremías 29:11

Ya jna' te bila jnopoj ta awentaic, ja' jnopoj ta swenta awutsilalic, ma ta swentauc awuts'inelic. Jich me ay bila t'ujbil ya amaliyic bael ta patil. Jo'on Ajwalilon, jich ya cal.

Ezequiel 21:27

Spisil jinbil ya xjil cu'un ta jyalel. Jich me ya xc'ot ta pasel teme tal te mach'a jo'on cac'ojbey ta swenta te chajbanwaneje.

Ezequiel 45:8

Te q'uinale ja' me yu'un te mach'a yich'oj yat'el ta ajwalil ta stojol Israel. Jich ma ba ya yuts'inboniquix a te lum cu'un te mach'atic yich'oj yat'elique. Jc'axel ya yac'beyic ta swentaic te sq'uinalic te israeletique, chican te jaychajp te sts'umbalique.

Oseas 1:11

Jich me ya stsob sbaic te ants-winiquetic, ja' te yajwal Judá soc te yajwal Israel. Soc ya me yac'beyic yat'el jtul jtsobwanej, spisil ta bayuc ya me sujt'ic bael ta Jerusalén. Muc' me ya xc'ot sc'aalelal te Jezreel.

2 Samuel 23:3

Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

Salmos 99:4

Ja'at muc' ajwalilat te bayal awu'el, te lec awo'tan yu'un te bila toj ta pasele; ja'at la achajban te pajal ay ta c'uxtayel te ants-winiquetique. Lec yacat ta xchajbanel soc ta stojtesel te snich'nab Jacob.

Isaías 9:5

Te soldadoetic, tulan ya xc'opoj ta beel te zapatoique, soc te sc'u'-spaq'uic bolobenic yu'un te ch'ich'e, ya me yich'ic chiq'uel ta c'ajc'.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 33:5

Te Cajwaltic te toyol yat'el stuquele, nainem ta ch'ulchan; nojemix ta Sión yu'un te bitic tojic ta pasele, soc nix te lequil chajbanele.

Isaías 45:24

Jich me ya yalic: “Ja' nax te Cajwaltic te ay ta swenta tsalaw soc te ay yu'el stuquele”, xiic me. Spisilic mach'atic ya yac' slab yo'tanic ta jtojol, ya me xq'uexawic yu'un.

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.

Miqueas 5:3

Te Cajwaltic ya yijq'uitay yo'tic te mach'atic ay yu'une, ja' to me te c'alal ya x'ayin yal te ants yac ta smaliyel te yale. Ja' yu'un jich me ya stsob sbaic soc slumalic te israeletic te pujq'uemic ta yan lum.