Jeremías 23:3 - Bible in Tzeltal de Oxchuc y Tenejapa

³ Jo'onix ya quic' tel te jayeb xan chijetic te bay la cac' anuc bael ta lumetique, ya jtsob tel, soc ya cac' sujt'uc tel ta bay te swe'elique, swenta yu'un ya me yac' bayal yalatac.

Bible in Tzeltal Bachajón

³ Te tuminchijetic cu'un te cuxulic hilel ho'on ya jtsobticlan tal ta spisil q'uinaletic ta banti la jtenticlan bahele, ya cac' te ya suhtic tal ta aquiltic yu'unic; tey ya xmuc'ubic soc tey ya sp'ohl sbahic a.

Jeremías 23:3 Referans Kwoze

Jeremías 32:37

Ja'uc me to, ya jtsob tel spisil yajwal te alumal ta bay la jpuquex bael c'alal noj ta co'tan quilimba soc sc'ajc'al co'tan te xiweltic sbae. Ya me quiq'uex sujt'el li' ta bay in q'uinal to, swenta yu'un jun nax me awo'tanic ya x'ainex tey a.

Jeremías 29:14

Ya me cac' jba ta tael awu'unic te ja'exe; ya me jel te bit'il ayexe. Ta spisil te nacionetic ta bay la jpuquex baele, ya jloq'uesex tel tey a; ya me jtsobex, ya me sujt'ex tel, ya xloq'uex tey a ta bay la jticunex bael ta mosoil. Jo'on Ajwalilon, jich ya cal’, xi'.

Jeremías 30:3

Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Ezequiel 11:17

Soc jich xawalbey xan yaiyic: “Jich la yal xan te Cajwaltique: ‘Jo'on me ya quic' xan tel ta lumq'uinal soc ta nacionetic te banti la jpuc baele. Ya me jtsob xan, soc ya me cac'beyic xan te slum-sq'uinal Israel’, xi' te Cajwaltic”, uta me.

Jeremías 31:8

Ya cac' sujt'uc tel ta lum te ay ta norte, soc ya jtsob tel ta bay c'alal sti'il te balumilale. Ya me xtalic ta stojol te ma'sitetic soc te coxoetique, soc nix te antsetic te yic'oj alal ta xch'ujt'ic soc te antsetic te ayinemix yalique. ¡C'ax muc' me yajtalul ya sujt'ic tel!

Salmos 106:47

Dios cu'untic, coltayawotic, Cajwal; tsobawotic loq'uel ta yolilal te nacionetic, swenta yu'un ya me caltic wocol ta atojol, soc swenta yu'un ay sbujts' co'tantic ta yalel yutsil te ac'oplale.

Ezequiel 36:24

Jo'on me ya jloq'uesex tel ta spisil nacionetic ta lumq'uinaletic. Ya me jtsobex, soc ya me cac' sujt'anic bael ta alum-aq'uinalic.

Ezequiel 36:37

‘Jo'on Ajwalilon te jich ya cale: Ay to xan yan bila ya jpas a. Ya me cac'bey te lum Israel te bila ya sc'anic ya jpasbey ta stojolique. Ya me cac' esmajuc te ants-winiquetic yu'une, jich te bit'il ya x'esmaj te jchajp chijetique.

Miqueas 7:12

Ya me xc'ot sc'aalelal te ya xtalic ta atojol spisil ta bayuc: c'alal ta Asiria ja' to me ta Egipto, c'alal ta muc'ja' Nilo ja' to me ta muc'ja' Éufrates, c'alal ta mar ja' to ta yan mar, c'alal ta wits ja' to ta yan wits.

Jeremías 8:3

Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Jeremías 31:7

Te Cajwaltic ya yal: —Binuc nax awo'tanic ya xc'ajinex soc yutsil awo'tanic ta swenta te lum yu'un Jacob; ja' cajal sc'oplal ta yolilic ta spisil te nacionetique. Ac'aic ta aiyel stojol yutsilal sc'oplal, soc jich ac'a yalic: “Te Cajwaltic la scoltay te lum yu'une, te jayeb xan a jilic yu'un te lum Israele”, xiic me ta yalel.

Jeremías 46:27

Te Cajwaltic ya yal: —Ma xiwat, lum Jacob, abat cu'un; ma me xiwat, Israel. Melel ja'at soc anich'nab ya jloq'uesat tel ta libre ta banti ic'otat bael ta mosoil. Ya me xcha'lamaj q'uinal awaiyic; junuc nax me awo'tan tey a, ma me ayuc mach'a ya xiwtesat.

Levítico 26:9

Buen lequex me ta jsit, soc ya me cac' esmajuquex, ya me cac' c'otuc ta awentaic te trato cu'une.

Jeremías 16:15

Ja'uc me to, jich me ya awaliquix: “Ta swenta bit'il cuxul te Cajwaltic, jich la sloq'ues tel israeletic ta yan lum ta norte soc ta spisil te lumetic te bay spucoj baele”, xaex meix ta yalel. Jo'on ya me cac' sujt'ex tel ta aq'uinalic, ja' te q'uinal la cac'bey te antiguo ame'-atatique.

Jeremías 50:19

Ya me cac' ya sujt' bael ta slum-sq'uinalic te israeletique, jich bit'il chijetic ya me sta bayal swe'elic ta Carmelo, ta Basán, ta witstiquil yu'un Efraín soc ta Galaad.

Ezequiel 36:11

Ya me cac' te ya x'esmaj tey a te ants-winiquetique, ya me cac' esmajuc uuc te chambalametic awu'unique. Ya me cac' te mero bayal ya x'esmajique. Ay me bayal yajwal te lumq'uinale, jich nix te bit'il nameye. C'ax me jich awutsilic a te bit'il te ayex ta nameye. Jich me ya ana'ic te jo'on te Ajwalilone.

Miqueas 2:12

Ya yal xan te Cajwaltic: —Ya me jtsob spisil te sts'umbal Jacob; ya quic' te jayeb xan israeletic. Jich ya jtsob tel te bit'il ya yich' tsobel chijetic ta corral, jich bit'il jtsojp chijetic ta aquiltic. Jich me ya xtoy sc'opic te bit'il bayal ants-winiquetic —xi'.