Jeremías 23:16 - Bible in Tzeltal de Oxchuc y Tenejapa

¹⁶ Te Cajwaltic te Spisil ya xju' yu'une, ya yal: —Israeletic, ma x'awich'ic ta muc' te bila ya yalbeyex te mach'atic ya scuy sbaic ta j'alwanejetique. Te bila ya yalique, ja' nax puro lot; te bitic ya yalique, ja' nax ya xchicnantesic stuquelic, ma'yuc bay calojbey jc'op.

Bible in Tzeltal Bachajón

¹⁶ Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

Jeremías 23:16 Referans Kwoze

Jeremías 14:14

Jich yu'un te Cajwaltic la sjac'bon te jc'ope: —Teme jich yacalic ta yalel ta jwenta te j'alwanejetique, yacalic ta lot abi. Ma'yuc bay jticunej, soc ma'yuc bay calojbey mandal, soc ma'yuc jc'oponej. Tojol nax ya yalic te ay bila cac'ojbey yil ta sc'opic, stuquel nax la slomic ta alel. Ja' ya yal te j'alwanejetic abi.

Ezequiel 13:6

Te bila ya yalic ta swenta te bila la cac'bey yil ta sc'opique, ma meleluc, soc te bila ya yalic sc'oplal ya xc'ot ta pasele, slotic. Ya yalic te jo'on jc'op te ya yalique, pero ma jo'ucon jticunej. Tojol ya smaliyic te ya xc'ot ta pasel te bila ya yalique.

San Mateo 7:15

“Tsajtaya me abaic yu'un te mach'atic lotil j'alwanejetique. Scuyoj sbaic ta chijetic yilel, ja'uc me to, pajalic soc jti'awal ja'mal ts'i'etic.

Ezequiel 13:3

‘Ay me swocolic te j'alwanejetic te ma sna'ic q'uinale, melel ja' nix sc'opic te ya yalique, ma yu'unuc ay bila la cac'bey yilic.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

Jeremías 23:21

Te Cajwaltic ya yal: —Ma jo'ucon la jticun te j'alwanejetic to, ja'uc me to, loq'uic ta animal; soc ma jo'ucon la jc'opon; ja'uc me to, bajt'ic ta c'op ta jwenta ta sc'opic.

2 Reyes 17:15

Ja' la xch'aybeyic te mandaliletic yu'un Cajwaltic, soc te c'op xchapoj soc te antiguo sme'-statique, soc te smandal albotic yu'une. La st'unic diosetic te ma'yuc sc'oplale, ja' nix jich ma'yuc swentail bajt'ic yu'un. Ja' la st'unbeyic stalel te nacionetic ayic ta spat-xujq'uic, manchuc me ja' te bi combilic ta spasel yu'un te Cajwaltique.

Miqueas 2:11

Teme ay mach'a ya sle ta yo'tan lot te jich ya yal: “Jo'on ya calbey sc'oplal vino soc tulan uch'balil”, teme xie, ja' me j'alwanej te ya smulanic te lum abi —xi' te Cajwaltique.

Jeremías 23:26

¿Bi to ora ya xcomic ta yalulayel lotil c'opetic te j'alwanejetic, te stuquel ya snop ta sjolique?

Ezequiel 22:28

Te j'alwanejetic yu'unic ya smuc ta yo'tanic te bila smelelile; ja' pajalic soc te mach'atic ya sbonic pajq'ue. Ya yalic te ay bila ac'bot yilic ta sc'opique. Te bila ya yalique, ma xc'ot ta pasel. Ya yalic ta jamal: “Jich la yal te Cajwaltique”, xiic. Pero te jo'one ma'yuc bila caloj.

Ezequiel 13:23

Ja' yu'un te ja'exe, ma'yuquix bi ora ya awilic yaiyel te bitic ya cac'beyex awilic ta ac'opique, soc te ya awalbeyic sc'oplal ta lot te bila ya xc'ot ta pasele. Jo'on me ya jcoltay ta ac'abic te lum cu'une, ma me ayuc bi ya xju'ix awu'unic spasel ta stojol. Ya me ana'ic te jo'on Ajwalilon’, xi' te Cajwaltic”, uta me —xi'.

Ezequiel 13:16

ja' te j'alwanejetic ta sc'opic ta Israel, te ay bila la cac'bey yilic ta sc'opic te la yal te ma'yuc bila chicane, te mero ma'yuc falta, pero ma meleluc te bila la yalique”, xoon me. Jo'on Ajwalilon te jich caloje —xi'.

Jeremías 29:8

Jo'on Ajwalilon te Spisil ya xju' cu'une, te Dioson yu'un Israel, ya jultesbeyex awo'tanic: Ma me xawac' abaic ta lo'layel yu'un te lotil j'alwanejetic soc te mach'atic ay bila ya sna'ic yalel te ayic ta awolilique; ma x'awich'beyic ta muc' te ay swaichique.

Jeremías 9:20

Antsetic, aiya awaiyic stojol sc'op te Cajwaltique, aiya awaiyic te bila ya yalbate. P'ijubtesaic ta oq'uel te awantsil-alic soc te ajo'taque, te yacuc yalic ta oq'uel:

Jeremías 2:5

Te Cajwaltic jich ya yalbeyex: —¿Bila ma lecuc la atabonic ta stojol te antiguo ame'-atatique, te q'uejel baex soc te awo'tanique? Ja' baex ta stojol te bitic cuybilic ta Dios te ma'yuc yutsile; jich nix ma'yuc awutsilic c'oex ta loq'uel yu'un.

Proverbios 19:27

Jnich'an, teme la ach'ay ta awo'tan te comele, la me ach'ay jilel a te lequil tojtesele.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

Jeremías 9:12

¿Mach'a a te bayal sp'ijil ta swenta sna'beyel swentail in to? ¿Mach'a ac'bot sna' stojol yu'un Cajwaltic swenta ya xju' yu'un xcholbel yaiy te yantique? ¿Bi yu'un te lum te jineme, te taquinix jichuc jochol taquin q'uinal ta bay ma'yuc mach'a ya xc'axix tey a?

Lamentaciones 2:9

Ma'yuc smajq'uil yochibal te lume, ni smajq'uil taq'uinal yu'un; la yich'ic jinel loq'uel, ts'ubiltic a jil. Te muc' ajwalil soc te sjo'tac ta ajwalil yu'unic, ayic ta yolil te mach'atic ma'yuquic ta stojol Dios; ma'yuquix ta alel smandal te Diose. Te j'alwanejetic yu'unique, ma'yuquix bila ya x'ac'bot yilic yu'un te Cajwaltique.

1 Reyes 22:11

Te Sedequías snich'an Quenaana la spasix xulubiletic pasbil ta taq'uin, jich la yal ta aw: —¡Jich yaloj te Cajwaltic: “Ja' soc in xulubil to ya me awac'bey guerra te siriaetic, ja' to teme laj spisil awu'un!” xi' te Cajwaltic —xi' ta aw.

2 Crónicas 18:5

Te muc' ajwalil yu'un Israel la stsob te j'alwanejetic te ay jbajc' (400) ta jtule, la sjojc'obey: —¿Ya bal cac'beytic guerra te Ramot te ay ta Galaad, o ma xju'? —xi'. La sjaq'uic: —Baan ac'beyaic guerra, melel Dios me ya yac'bat ta ac'ab —xiic.

Jeremías 29:23

Jich nix ya xc'ot ta pasel, scaj te ma lecuc bitic la spas ta Israel: La spasic mulwej soc yinamic te spat-xujq'ue, soc la scuyic te jo'on ta jwenta te lotil c'opetic la yalic, te ma'yuc bay calojbey mandal ta yalel. Jo'on ya jna', soc ay ta co'tan. Jo'on Ajwalilon, jich ya cal”, xi'. Jich la yal bael ta scarta te Jeremiase.