Jeremías 23:13 - Bible in Tzeltal de Oxchuc y Tenejapa

¹³ “Jo'on quiloj te j'alwanejetic yu'un Samaria, ya spasic te bitic ma smulan co'tan; melel j'alwanejetic yu'un Baal, jich la sjowtesbonic te lum Israel cu'une.

Bible in Tzeltal Bachajón

¹³ Ta yohlil te jalwanejetic ta Samaria la jquil te bintic ma smulan co'tan: la yalic sc'op-jalwanej ta scuenta Baal, hich la showiytesbonic te pueblo Israel cu'une.

Jeremías 23:13 Referans Kwoze

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.

2 Crónicas 33:9

Ja'uc me to, te Manasés la yac' beenuquic ta amen be c'oem te Judá soc te yajwal Jerusalén, bajt' yo'tanic ta spasel spisil muliletic, c'ax jich te bit'il la spasic te yantic lumetic te la yich'ic loq'uel jinel ta stojol te israeletique.

1 Reyes 18:40

Ja' yu'un jich albotic yu'un te Elías: —Tsacaic te j'alwanejetic yu'un Baal. Ma me xcol jtuluc —xi'. Te mach'atic tey ayic a, la stsaquic. Te Elías la yic' bael ta beja' Cisón, tey c'o smil a.

Jeremías 23:32

Ya me cal ta jamal te ya jcontroin te j'alwanejetic to te ya xcholic slotil waichique; ta swenta te lotetic soc c'opetic te ya spasic te ya sjowtesbonic te lum cu'une. Ma'yuc bay jc'oponej, ni ma'yuc bay jticunej, ni ma'yuc bay calojbey mandal jtebuc, jich ma xju' yu'unic scoltayel te lume. Jo'on Ajwalilon, jich ya cal.

Jeremías 36:2

—Tsaca junuc balbil jun, ts'ibuya tey a spisil te bila calojbat ta swenta Israel, Judá soc te yantic nacionetique, ja' to me te c'op jajch' calbat tel c'alal ay ta ajwalil a te Josías, ja' to c'alal ora yo'tic.

Oseas 4:11

“Te mulwej soc te yuch'el vino ya xch'ay yo'tanic yu'un.

Oseas 4:12

Te lum cu'un ay bila ya sjojc'obeyic te yajcananic te spasojic ta te'; ta swenta snabate'ic ya sta ta sc'opic te sujt'ibe. U'uninbilic yu'un mulwej te lum cu'une, jich yu'un st'unojic nix jowil beetic a. Te ya spasic mulweje, jich ya yijq'uitayonic te Dioson yu'unique.

Miqueas 1:5

Ta spisil ya xc'ot ta pasel ta scaj stoybail te sts'umbal Jacob, ta scaj smul te israeletic. ¿Banti ay te stoybail te sts'umbal Jacob? ¡Ta lum Samaria! ¿Banti ay te toyol ch'uunjibaletic ta Judá? Ja' ta bay Jerusalén.