Jeremías 23:11 - Bible in Tzeltal de Oxchuc y Tenejapa

¹¹ Te Cajwaltic jich ya yal: —Te j'alwanejetic soc te sacerdoteetic ma tojuc yo'tanic, ta templo cu'un yacalic ta spasel te bila amen la jta tey a.

Bible in Tzeltal Bachajón

¹¹ Te jalwanej soc te sacerdote ma lecuc sc'oblalic; ta templo cu'un la jta te schopolilique, xchi te Jehová.

Jeremías 23:11 Referans Kwoze

Sofonías 3:4

Te j'alwanejetic awu'unique ya x'ixta-c'opojic; ya x'ac'awanic ta c'abal. Te sacerdoteetic awu'unique ya sboltesic te ch'ul templo; ya xc'axintaybeyic te smandal te Cajwaltique.

Jeremías 6:13

“Spisilic, muc'-biq'uitetic, ja' nax ya snop yo'tanic te staq'uinic ya xwejt' ta bic'tal-o'tanil; j'alwanejetic soc sacerdoteetic, spisilic jlo'laywanejetic.

Ezequiel 23:39

Ja' nix ta yorail a te bila c'aalil la smilic te yal-snich'nabic yu'un yich'el ta muc' te loc'ombaetic yu'unique, xtaluquic ta ch'ul templo cu'un, la sboltesbonic sc'oplal. ¡Ja' la spasic ta mero jna!

Jeremías 32:34

La sboltesbonic sc'oplal te templo te ch'ultesbil cu'une, la yaq'uic tey a te yajcananic te c'ax amen ta jsite.

Ezequiel 8:16

Jich la yic'on bael ta yamac'ul ta yelaw te templo yu'un Cajwaltique. Ta yochibal te ch'ul templo, ta yolil te yochibal soc te scajtijib ta chiq'uel majt'anile, ay jo'eb xcha'winic (25) winiquetic te swalac'patiyejic te ch'ul templo. Tinajtic bael ta stojol ta banti ya xloc' tel c'aal, yac'ojbey sta lum te sti'baique, yacalic ta xch'uunel te c'aale.

Jeremías 11:15

“¿Bi ya sle ta templo cu'un te Israel, ja' te quinam c'oeme, melel bayal la spas te bitic ilaybile? ¿Yu'un bal scuyojic te ya xch'ay bael woclajel yu'un a, te ya yac'bon xepuil chambalam soc te sti'balul ta swenta milbil jmajt'ane, soc te ya scoltay sbaic ta sc'opic a?

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Jeremías 7:30

Te Cajwaltic jich ya yal: —Te ants-winiquetic ta Judá, ay bila spasojic te ma lecuc co'tan yu'une: Te templo yac'ojbon ta jwenta la yaq'uix yajcananic tey a te ilaybil cu'une, la sboltesbeyic sc'oplal.

2 Crónicas 36:14

Jich nix la spas spisilic te jtsobwanejetic yu'un Judá, te sacerdoteetic soc te lume, la stoyesic ta jyalel te mulile, jc'axel ma ba jun yo'tanic ta stojol te Cajwaltique. Ja' la spasic te bila c'ax ilaybile, jich te bit'il ya spasic te nacionetic te ma'yuquic ta stojol te Diose. La sboltesbeyic sc'oplal te templo yu'un Cajwaltic te stsaoj stuquel, te ja' xch'ul yawil ya xc'ot ta Jerusalén.

Ezequiel 8:11

Lajuneb xchanwinic (70) principaletic ich'bilic ta muc' ta Israel te yacalic xch'uunele. Te jtule ja' te snich'an Safán te Jaazanías sbiile. Ta juju-jtul stsacojic xchic'jibal spomic, te yac ta jajch'el moel ta stojolic te loc'ombaetic te jich bit'il tocal te xch'ailel spomique.

Ezequiel 7:20

Ta scaj st'ujbilal te oro soc plata yu'unic, te noj ta yo'tanic te bitic ma'yuc swentaile, ja' la spas a te ilaybil sba loc'ombaetic yu'unic te cuybil ta Dios yu'unique. Ja' yu'un jo'on la jc'atp'unbeyiquix ta c'a'pal te oro soc plata yu'unique.

Jeremías 23:15

Jich yu'un, te jo'on Ajwalilon te Spisil ya xju' cu'une, ya cal ta stojolic te mach'atic j'alwanejetique: Ya cac'bey swe'ic te bila bayal xch'aale; ya cac'bey ja' yuch'ic te yich'oj veneno. Melel te mach'atic j'alwanejetic ta Jerusalén pujq'uemix yu'unic te bila amen ta spamal te lumq'uinale —xi' te Cajwaltique.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

2 Crónicas 33:7

La yac' ta templo yu'un Dios te yajcanan te la spase, ja' te templo la yalbey sc'oplal Dios ta stojol David soc te snich'an Salomón: “Te templo ta Jerusalén, ja' tsabil cu'un yu'un spisil ta jchajp sts'umbal Israel, ja' me tey ya cac' xnain a te jbiil sbajt'el q'uinale.

2 Crónicas 33:5

La spas xan yantic scajtijib majt'aniletic ta bay xchebalic te yamac'ul templo yu'un Cajwaltic, ja' la yac'bey ta swentaic yich'jibal ta muc' spisil te eq'uetic ta ch'ulchane.

Jeremías 50:6

“Te lum cu'une, jich c'otic bit'il chijetic te ch'ayique, te ma lecuc wentainbilic ta beel yu'un te jcanan-chijetic yu'unique, te la yaq'uic ch'ayuc jilel ta witstiquile. Yacalic ta beel ta yantic witstiquil, asta ch'ay ta yo'tanic te scorrale.

Lamentaciones 2:20

Cajwal, nopa awaiy, melel ma'yuc mach'a apasojbey jich bit'il in to. ¿Lec bal te ya sti' yalatac te me'eletic te ya to xchu'unique? ¿Lec bal te ya yich'ic milel ta ch'ul templo awu'un te sacerdoteetic soc te j'alwanejetique?

Esdras 10:18

Ja' slistaul te sacerdoteetic nujbinemic soc jyanlum-antsetic: te sts'umbal te Josué te snich'an Josadac, soc te xchapomale ja'ic te Maasías, te Eliezer, te Jarib soc te Gedalías.

Ezequiel 44:10

Te levitaetic loq'uic bael ta jtojol te c'alal jowejic te israeletic, ja' te la yijq'uitaybonic te be cu'un ta scaj xch'uunel loc'ombaetic, ya me stoj te smulique.

Sofonías 3:3

Te jtsobwanejetic awu'un jich ya x'awunic te bit'il león-choj; te jchajbanwanejetic awu'un jichic te bit'il ja'mal ts'i'ta jochol taquin q'uinal, ma'yuc jch'ixuc bac ya yijq'uitay ta swenta te pajele.