Jeremías 23:1 - Bible in Tzeltal de Oxchuc y Tenejapa

¹ Te Cajwaltic jich ya yal: —Obol sbaic te jcanan-chijetic te ya yijq'uitayic te chijetic cu'un, te ya xch'ayic soc te ya xpujq'uic baele —xi'.

Bible in Tzeltal Bachajón

¹ ¡Obol sbahic te jcanan-tuminchijetic te ya slajinlanic soc ya spucticlanic bahel te tuminchijetic cu'un! xchi te Jehová.

Jeremías 23:1 Referans Kwoze

Jeremías 10:21

Te j'alwanej ya yal: —Te jcanan-chijetic yu'un te lum, ma sna'ic q'uinal; ma sleic te Cajwaltique. Ja' swentail te la staiquix falta, melel pujq'uemiquix bael ta spisil te chijetic yu'unique.

Ezequiel 13:3

‘Ay me swocolic te j'alwanejetic te ma sna'ic q'uinale, melel ja' nix sc'opic te ya yalique, ma yu'unuc ay bila la cac'bey yilic.

San Mateo 9:36

C'alal Jesús la yil te ants-winiquetique, la sna'bey yo'bolil sbaic, yu'un jich c'oemic la yil te bit'il chijetic te pujq'uemic te ma'yuc jcanantaywanej yu'unique.

Jeremías 22:22

Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Jeremías 50:6

“Te lum cu'une, jich c'otic bit'il chijetic te ch'ayique, te ma lecuc wentainbilic ta beel yu'un te jcanan-chijetic yu'unique, te la yaq'uic ch'ayuc jilel ta witstiquile. Yacalic ta beel ta yantic witstiquil, asta ch'ay ta yo'tanic te scorrale.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

San Juan 10:12

Yan te mach'a tojbil naxe, teme tal te jti'awal ja'mal ts'i'e, ora ya yijq'uitay jilel te chijetique, melel ma yu'unuc. Ya x'an bael. Jich ya xlajic ta ti'el te chijetique soc ya xpujq'uic bael ta anel yu'un.

San Juan 10:10

“Te mach'a j'eleq'ue, ja' nax ya xtal elc'ajuc, milawanuc, jinwanuc. Yan te jo'one ja' talon yu'un te ya cac'bey xcuxlejalique, swenta yu'un jich me ay yutsilal te xcuxlejalique.

Jeremías 23:2

Te Cajwaltic, te Dios yu'un Israel, ya yalbey te jcanan-chijetic te ya xmandalajic ta stojol te slumale: —Ja'ex la apucbonic bael te chijetic cu'une, la axiwtesbonic bael, ma ba la acanantaybonic. Ja' yu'un ya me cac'bat tulan castigo yu'un te amen awat'elique. Jo'on Ajwalilon, jich ya cal.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Ezequiel 34:31

Ja'ex chijex cu'un, chijex cu'un ta yax aquiltic. Jo'on Dioson awu'unic. Jo'on Ajwalilon yac'on ta yalel —xi' te Cajwaltique.

Ezequiel 34:21

Te ja'exe, la acotp'inic bael te yantic ma'yuc yipique, jich c'ubic bael. La aluchic ta axulubic c'oem, jich bajt'ic ta anel.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

San Juan 10:8

Spisil te mach'atic neel talic cu'une j'eleq'uetic soc j'uts'inwanejetic stuquelic, ja'uc me to, te chijetique ma la sc'an yaiybeyic stojol te sc'opique.

Jeremías 13:17

Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

Ezequiel 36:38

Te jinem lumetic, ya me xnojic ta bayal ants-winiquetic. Ja' me pajal ya xc'otic soc te chijetic ya yich'ic iq'uel bael ta q'uin ta Jerusalén, te yu'un ya yich'ic aq'uel ta milbil majt'anile. Jich me ya sna'ic te jo'on Ajwalilon te ya jpase’, xi' me”, uta me —xi' te Cajwaltique.

Ezequiel 34:1

Te Cajwaltic la sc'oponon, jich la yalbon:

Zacarías 10:3

Ja' yu'un jich ya yal te Cajwaltique: —Til jajch'el sc'ajc'al co'tan ta stojolic te jcananetique; ya me cac'bey castigo te j'ic'awetic yu'un te lum cu'une —xi'. Te Cajwaltic te Spisil ya xju' yu'un, ya me scanantay te chijetic yu'un, ja' te patil alnich'anetic yu'un Judá. Ja' me mero tulan caballoetic yu'un ya xc'otic swenta guerra.