Jeremías 22:9 - Bible in Tzeltal de Oxchuc y Tenejapa

⁹ Ya me yalbey sbaic: “Melel la yijq'uitayic te trato ac'bot yu'un te Yajwalic te Dios yu'unique, soc la squejan sbaic ta stojol soc la xch'uunic te lotil diosetique”, xiic me —xi' te Cajwaltique.

Bible in Tzeltal Bachajón

⁹ Hich ya xjac'botic: Como la yihquitayic hilel te chapbil-c'op yu'un te Jehová te Dios yu'unique, la sch'uhuntayic te yantic diosetic soc la yac' sbahic ta a'batinel yu'unic, xchi te Jehová.

Jeremías 22:9 Referans Kwoze

2 Crónicas 34:25

Melel la yijq'uitayon ta yo'tanic, soc la xchic'beyic pom te yantic lotil diosetique, jich la sjajch'esbonic quilimba yu'un spisil te bitic la spasique. Jich yu'un jajch' ta tilel jichuc c'ajc' te quilimba ta stojol te lume te ma me xtub.

2 Reyes 22:17

Te yajwal lum la xch'ayon ta yo'tanic, och xchic'beyic pom yantic diosetic, la yaq'uic ilinuc co'tan yu'un spisil te bitic la spasique. Ja' yu'un mero til jajch'el slab co'tan ta stojol in q'uinal to, ma ba ya xtup' te slab co'tane’, xoon.

Jeremías 50:7

Te scontrotac, te c'alal ya sta sba soc, ya xti'otic yu'un, soc jich me ya yalic: “Ma jmulticuc jo'otic, melel la sta smulic ta stojol Yajwalic. Staoj nix lec swe'elic c'oem a, soc ja' nix la smuc'ulin yo'tanic te antiguo sme'-statique”, xiic me ta yalel.

1 Reyes 9:8

Te templo ya xc'atp'uj ta jinem na, ya me sbusaj sts'ubil. Spisil te mach'a ya xc'ax ta sts'eele, jchajp nax me q'uinal ya yaiy yu'un. Ya me slaban soc ya me sjojc'o bi yu'un te jich la spas te Yajwalic ta stojol te nacione, soc bi yu'un te jich la spasbey te templo.

Jeremías 9:13

Te Cajwaltic la sjac': —Spisil jich a c'ot ta pasel, melel te israeletic la yijq'uitayic te p'ijubtesel la cac'beye, ma la yich'bonic ta muc' soc ma la sc'otesic ta pasel.

Jeremías 11:3

albeya te jo'on Ajwalilon te Dioson yu'un Israel ya cal ta jamal: Ma me lecuc sc'oplal te mach'a ma xyich' ta muc' te trato.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.

Ezequiel 5:15

Te bi ora ya cac' c'otuc ta pasel ta atojol te sc'ajc'al co'tane, tulan castigo me ya xc'ot ta atojol, mach'auc nax me ya sbalat ta utel soc ya yil-o'tantayat, soc ya me xtal tulan xiwel ta yo'tan uuc te lumetic ayic ta ajoyobale, ta scaj te ya yilbeyex awocolique. Jo'on Ajwalilon te jich caloje.

Ezequiel 12:16

Pero ya me cac' te ya xcolic jilel cha'oxtul ta guerra, ta wi'nal, soc ta chamel, swenta yu'un ta nacionetic te banti ya xbajt'ic, ya me yalic spisil te bitic ilaybil sba la spasique, soc ya me sna'ic te jo'on Ajwalilon —xi'.

Ezequiel 14:23

Ya me xtal smuc'ul awo'tanic yu'un te c'alal ya awilic te bi yilel yat'elic soc te bitic spasojique. Jich me ya ana'ic a te yich'oj swentail te bitic la cac' taluc ta stojol te Jerusalén. Jo'on Ajwalilon te jich caloje —xi' te Cajwaltique.

Ezequiel 39:23

Te yan nacionetic, ya me sna'ic te scaj smulic te israeletic te ic'otic bael ta mosoile, scaj te ma junuc yo'tanic la yac' sbaic ta jtojol. Ja' yu'un la jwalac'patiy. La cac' te ya stsalotic yu'un te scontrotaquique, soc te ya xmilot spisilic ta guerra yu'une.

Deuteronomio 29:24

“Ja' yu'un, spisil ants-winiquetic jich me ya sjojc'oyic: “¿Bi yu'un te jich pasbot yu'un Yajwal te lumq'uinal in to? ¿Bi yu'un te bayal til jajch'el sc'ajc'al yo'tan ta stojole?” xiic me.

Jeremías 11:10

Ja' nix ya xcha'pasic te muliletic te neel la spasic te antiguo sme'-statique, ja' te mach'atic ma la sc'an xch'uunbonic jc'op, bajt'ic ta xch'uunel te lotil diosetique. Ta Israel, jich bit'il ta Judá, la xc'axintaybonic te trato la jchap soc te antiguo sme'-statique.