Jeremías 22:6 - Bible in Tzeltal de Oxchuc y Tenejapa

⁶ Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.

Bible in Tzeltal Bachajón

⁶ Te Jehová hich ya yalbe sc'oblal te sna ajwalil yu'un Judá: Hich c'ohemat ta jtojol te bin ut'il Galaad, hichat te bin ut'il te ba wits yu'un Líbano; pero ya me jc'atp'unat ta jochol taquin q'uinal, hich ya xc'ohat te bin ut'il pueblohetic te mayuc mach'a nahinem tey a.

Jeremías 22:6 Referans Kwoze

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Salmos 107:34

ya sc'atp'un ta taquin q'uinal te lequil q'uinale, ta scaj smulic te mach'atic nainemic tey a.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Isaías 27:10

Jinix jilel te lum te joytaybil ta tulan ts'ajq'ue, jich bit'il na te pijt'emix jilele, jich bit'il muc'ul jochol taq'uin q'uinal te ma'yuc yajwale. Ja' te bay ya sta swe'el te alaq'uil chambalametique, ja' te bay ya swe'ic te yabenal te' soc te bay ya smejts'an sbae.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Jeremías 7:34

Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Génesis 37:25

La snajc'an sbaic, ochic ta we'el. Yacalic ta we'el a, la stoy sitic, la yilic yacalic ta talel ismaeletic jajch'emic tel ta Galaad. Smacojic ta beel scamelloic te xcuchojic te bila bujts'an yic' soc bálsamo soc mirra, te ya xba xchonic ta Egipto.

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,

Jeremías 21:14

Jo'on ya cac'beyex castigo, jich nix te bit'il ya sc'an yu'un te awat'elique. Ya cac'bey sc'aal te ja'mal awu'unique, te c'ajq'ue ya xchic' spisil ta sjoyobal. Jo'on Ajwalilon, jich ya cal”, uta me —xi' te Cajwaltique.

Jeremías 21:11

Soc la yal xan te Cajwaltique: —Te sts'umbal muc' ajwalil yu'un Judá, ja' te sts'umbal muc' ajwalil David, jich me xawalbey ta jwenta: “Aiybeya awaiy stojol sc'op te Cajwaltique: Toj me xchajbanwanat spisil ora; ac'a ta libre te mach'atic tenbilic yu'un te j'uts'inwanejetique. Ma me ja'uc ta scaj amen awat'el te ya xjajch' tiluc jichuc c'ajc' te quilimbae, teme tile, ma'yuc mach'a ya xju' yu'un stup'el.

Jeremías 4:20

Spisil ora yac ta alel tulan woclajel; spamal lum jinemix. Ora nax la sjinbonic te jcampamentoetic cu'une, la xch'i'boniquix te nailpaq'uetique.

Cantares 5:15

Ta xchebal te yacane, pajal soc cheb oyetic pasbil ta mármol yilel, teq'uel jajch'el ta puro oro. Te stec'lejale, ma'yuc bila pajal soc, jich c'oem te bit'il cedro ta Líbano.

Deuteronomio 3:25

Ya calbat wocol te yacuc awac'on c'axel ta jejch' ja' Jordán, yu'un co'tan xquil te buen lequil q'uinale, ja' te buen t'ujbil witstiquil soc te Líbano”, xoon.

Números 32:1

Te sts'umbal Rubén soc Gad ay bayal ta jyalel te chambalametic yu'unique. C'alal la yilic te lumq'uinal yu'un te Jazer soc te Galaad te mero lec yu'un yawil te chambalametic,

Cantares 4:1

Mero buen t'ujbilat, ja'at te bayal ya jmulanate. Mero buen t'ujbilat ya quil. Te asite, pajal soc cheb stsumutetic te ja' nac'bil yu'un te areboso; te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Jeremías 50:12

Ja'uc me to, te alumal ta bay ayinate, nojel ta q'uexlal ya xjil. Ya xc'atp'ujatix ta slajibal yu'un te nacionetique, jochol taquin q'uinal soc tan me ya xjilat.

Zacarías 11:1

Jama ti'nailetic awu'un, Líbano, ac'a lajuc ta c'ajc' te cedroetic awu'une.

Isaías 37:24

Ta swenta te ajo'tac ta ajwalile, la awixtac'optay te Cajwaltique. Melel la awal: ‘Ma p'isbiluc yajtalul te carretaetic yu'un guerra te ay ta jwenta. Moon bael ta sba witstiquil, ta bay teq'uel moel yu'un Líbano. La jbojbey te cedroetic yu'un te toyolic ta jyalele, soc la jts'etbey te c'antajetic yu'un te bayal yutsilique. La jta c'oel te bay mero toyol witsetique, soc te ja'maltic te ts'unbil nichimetic yilele.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?