Jeremías 22:5 - Bible in Tzeltal de Oxchuc y Tenejapa

⁵ Yan teme ma x'awich'ic ta muc' te sjultesjibal awo'tanic cu'une, ja' in palacio to ya xc'atp'uj ta jinem ts'ajq'uetic. Jo'on Ajwalilon, jich ya cal”, uta me —xi' te Cajwaltique.

Bible in Tzeltal Bachajón

⁵ Pero teme ma ba yac awich'ic ta cuenta te c'op ini, ho'on ya cal ta jamal, xchi te Jehová, te jimbil ya xhil te sna ajwalil ini, xchi.

Jeremías 22:5 Referans Kwoze

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.

Hebreos 6:13

Melel te Dios te c'alal la yalbey te Abraham te ay bila ya yac'beye, ja' nix la yal ta jamal stuquel. Melel ma'yuc yan te mach'a cajal ay yu'une.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Génesis 22:16

Jich la yal: —Yaloj te Diose: “Te bit'il jich la apas, te ma ba wocol la awac'bon te jip jtul anich'ane, jun awo'tan la awac'bon,

Jeremías 39:8

Te caldeoetic la xchic'beyic te spalacio te ajwalil soc te nanatic ta lum. Te sjoyobal sts'ajc'ul te Jerusalén la sjinic coel.

Isaías 1:20

Yan teme ja' nax ya awat'elinic spasel toybail, ma me ayuc xpoxil, ora me ya xlajex ta guerra —xi'. Ja' nix te Cajwaltic te la yal loq'uel ta ye.

Hebreos 6:17

Jich nix la spas uuc te Diose. La sc'an yo'tan te ya sna'ic stojol te mach'atic ay bila ya x'ac'bot ta swentaic yu'une, te ma xch'ay te bila yaloje. Jich ma ja'uc nax la yich' alel, ja' nix la yal ta jamal stuquel.

Hebreos 3:18

¿Soc mach'atic a te la yich' alel sc'oplal te jc'axel ma xju' ya x'ochic tey a ta banti ay te cux-o'tan yu'une? ¿Ma bal ja'uc te mach'atic la xc'axintaybeyic te smandale?

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Salmos 95:11

Ja' swentail te la cal ta jamal ta sc'ajc'al co'tan, te jc'axel ma me x'ochic ta bay awilal cu'un ta swenta cux-o'tan”, xoon yu'unic.

2 Crónicas 7:22

Ya me yalbey sbaic: “Jich a c'ot ta pasel, melel la xch'ay ta yo'tanic te Yajwalic, te Dios yu'un te antiguo sme'-static te loq'uesotic tel yu'un ta Egipto. Melel bajt' ta yo'tanic yalel wocol ta stojol yantic diosetic, soc la yac' sbaic ta abatinel ta stojolic. Jich yu'un la yac' taluc ta stojolic bayal wocol”, xi' me ac'oplalic yu'un —xi' te Cajwaltique.

2 Crónicas 7:19

Yan teme ya apit aba ta jtojol, teme ma xach'uun spisil te mandaliletic cac'ojbeyexe, teme ya awac' abaic ta abatinel yu'un yantic diosetic soc ya xbaex ta yalel wocol ta stojolic,

San Mateo 23:38

Aiya me awaiyic stojol, jochol me ya xjil te alumalique.

Jeremías 26:4

Albeya te jo'on Ajwalilon, te jich ya cale: “Teme ma x'awich'onic ta muc' soc teme ma xach'uunic te p'ijubtesel la cac'beyexe,

Jeremías 44:26

Ja'uc me to, aiya me awaiyic stojol ja'ex, judio ants-winiquetic te nainemexix ta Egipto, te bila ya calbeyex jo'on te muc' Ajwalilone: Jamal ya cal ta jwenta jo'on te cajal cat'ele, te ni jtuluc te mach'atic yu'un Judá, ma ba ya xcha'yalbonic xan jbiil ta spamal Egipto, te jich ya yale: ‘Cuxul te Cajwaltique’, ma me xiuquic.

2 Crónicas 7:21

Te templo, te mero jelawen yutsile, ya me xc'atbuj ta busulbus tontiquil. Spisil mach'atic ya xc'axic, cham nax me ya yaiyic yu'un, soc ya me xjajch' sjojc'obey sbaic: “¿Bi yu'un jich la spasbey Cajwaltic te lum soc te templo?” xiic me.

Jeremías 12:7

“Jpijt'esejix jilel te lum cu'une, la jq'uejix bael ta co'tan te bila cu'unineje. La cac'beyix ta sc'ab scontrotac te lum te bayal c'uxbaj ta co'tane.