Jeremías 22:22 - Bible in Tzeltal de Oxchuc y Tenejapa

²² Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.

Bible in Tzeltal Bachajón

²² Spisil te jcananetic awu'un ya xcanantayotic yu'un ic', soc te mach'atic smulanejat ya x'ic'otic bahel ta chuquel. Hich ya xq'uexawat soc peq'uel ya xc'ohat ta scaj spisil achopolil.

Jeremías 22:22 Referans Kwoze

Zacarías 11:17

Ay me swocol cu'un te jcanan te ma xtuune, te ya xch'ay jilel te chijetique. Ac'a yich' ejch'entesel sc'ab ta puñal, soc ac'a yich' ejch'entesel swa'el sit. Ac'a lajuc yip te sc'ab, soc jc'axel ac'a tup'uc te site —xi' te Cajwaltique.

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Jeremías 10:21

Te j'alwanej ya yal: —Te jcanan-chijetic yu'un te lum, ma sna'ic q'uinal; ma sleic te Cajwaltique. Ja' swentail te la staiquix falta, melel pujq'uemiquix bael ta spisil te chijetic yu'unique.

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Oseas 4:19

Te iq'ue la yic' bael ta xic' c'oem, ya me xq'uexawic yu'un te yajcananique.

Jeremías 2:37

Nojel me q'uexlal ya awaiy te ya sujt'at tel ta Egipto, melel ma la sc'an co'tan te mach'a ya yac'bat smuc'ul awo'tane. Ma'yuquix bi ya ata a te mach'atic ya smuc'ulin awo'tane —xi'.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Isaías 65:13

Jich yu'un te Cajwaltic ya yal: —Te abatetic cu'un ay me swe'elic, yan te ja'ex ya xwoclajex ta wi'nal; te abatetic cu'un ay me ja' ya yuch'ic, yan te ja'ex ya xwoclajex ta taquinti'il; te abatetic cu'un bin nax me yo'tanic, yan te ja'ex ya xjilex ta q'uexlal;

Jeremías 4:30

Ja'at lum, jinematix. ¿Bistuc ya alap t'ujbil c'u'iletic? ¿Bistuc ya ach'al aba ta oroetic? ¿Bistuc ya abon ta ijc'al pintura te asite? Ma xtuun ta jyalel te jelawen awutsil ya awac' abae, melel te mach'atic la smulanate, la xch'ojatix jilel. Te bila ya sleat xan yu'une, ja'ix te alajibe.

Jeremías 5:13

Te j'alwanejetic puro ic' nax te sc'opic, ma'yuc sc'op Cajwaltic ta yo'tanic. Lec ay jiche, ja' yalojbon te Cajwaltic Dios te Spisil ya xju' yu'une: —Te bit'il jich la yalique, jich ya xc'ot ta pasel ta stojolic: Te jc'ope ya me cac' x'ain ta awe jichuc c'ajc', soc jichuc ya xc'ot bit'il si' te lume, te ja'uc ya xbic'otic bael c'oem yu'un te c'ajq'ue —xi'.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Oseas 12:1

“Te Efraín puro ic' ya yipan, spisil c'aal ya st'un bael te ic' te ya xtal ta stojol sloq'uib c'aal. Ya xtoy bael te lotetic soc te uts'inwanej yu'unique. Ya spas trato soc Asiria soc ya sticun majt'anil aceite ta Egipto —xi' te Diose.

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.