Jeremías 22:18 - Bible in Tzeltal de Oxchuc y Tenejapa

¹⁸ Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

Bible in Tzeltal Bachajón

¹⁸ Ha yu'un te Jehová hich ya yalbe sc'oblal te Joacim snich'an Josías, ajwalil yu'un Judá: Ma ba ya x'oq'uetayot yu'unic, te hich ya yalic: ¡Obol aba, hermano! ¡Obol aba, hermana! ma xchihuquic. Ma hichuc ya yalic ta oq'uel: ¡Obol aba, ajwalilat cu'un! ¡Obol aba, ha'at te ay awutsilal! ma xchihuquic.

Jeremías 22:18 Referans Kwoze

Jeremías 16:6

Muc'-biq'uitetic ya me xlajic li' ta bay lum to; ma'yuc mach'a ya spasbey smuquenal, ni ma'yuc mach'a ya yoq'uetay, ni ma'yuc mach'a ya yac' ta ilel xc'uxul mel-o'tan ta swentaic te ya yejch'entes sbaic ta sbaq'uetalique, o te ya sjox loq'uel stsotsil sjolic yu'une.

1 Reyes 13:30

La smuc ta smuquenal, soc la yoq'uetay, jich la yal: “Ay, hermano”, xi'.

Jeremías 22:10

Ma x'oq'uex yu'un te muc' ajwalil Josías, ma x'oc'at yu'un te laje; ja' lec ja' xawoq'uetayic te snich'ane, ja' te Salum, te ya xbajt', te ma sujt'ix tel, ma ba ya yil xan te lum bay ayine. Melel jich la yal te Cajwaltic ta swenta Salum, snich'an Josías, te muc' ajwalil yu'un Judá, te ja' najc'aj ta smuc'ul nactijib ta patil yu'un te state, soc te loc' bael li' ta q'uinal to: —Ma me sujt'ix tel,

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 34:5

Jun nax me awo'tan ya xlajat, soc ya me xchic'bat perfume c'alal ya xmujc'at, jich bit'il la xchic'beyic c'alal mujq'uic te antiguo ame'-atatic te neel mandalaj awu'une. Soc ya me yalic: “Ay, cajwal, ayon ta mel-o'tan awu'un”, xiic me. Jo'on Ajwalilon jich yacon ta yalel’, xi' te Cajwaltic”, uta me —xi'.

2 Crónicas 35:25

Te Jeremías la xchajban sc'ayojil anima ta swenta yich'el ta muc'. Ja' to c'alal ora yo'tic ta spisilic te c'alal ya xc'ajinic te ants-winiquetic, tey ya sna'ic a te Josías ta swenta te c'ayojetic yu'un mel-o'tan. Te c'ayojetique ya to sc'ajintayic spisil ora te israeletic, soc ts'ibubilic ta bay libro te sc'ayojil animaetique.

2 Samuel 1:26

“Ay jwocol ta mel-o'tan awu'un, Jonatán, hermano cu'un, bayal c'uxon ta awo'tan la caiy. C'axem jich la caiy a te xc'uxul awo'tan te bit'il xc'uxul yo'tan antsetic.

2 Reyes 23:6

La sloq'ues ta Jerusalén te sloc'omba Asera ay ta templo yu'un te Cajwaltique. La xchic' ta spamlej Cedrón, asta mero tanub ta c'ajc' yu'un. Patil la slilin ta muquenaletic.

2 Reyes 23:36

Te Joacim ay jo'eb xcha'winic (25) ya'wilal a te och ta muc' ajwalile. Jalaj bulucheb ja'wil ta muc' ajwalil ta Jerusalén. Te sme'e Zebuda sbiil, yantsil-nich'an Pedaías, Ruma sbiil te slumale.

2 Reyes 24:6

Te c'alal laje, ja' och ta sjelol te snich'ane, ja' te Joaquín sbiile.

2 Crónicas 36:5

Te Joacim ay jo'eb xcha'winic (25) ya'wilal te c'alal jajch' ta at'el ta muc' ajwalil, at'ej ta ajwalil ta Jerusalén bulucheb ja'wil. Ja'uc me to, te yat'ele ma lecuc ta sit te Cajwaltic te Dios yu'une.

Jeremías 22:12

tey me ya xlajix ta yan lum ta bay ya xbajt'e, ma ba ya yil xan in lum to —xi' te Cajwaltique.

1 Crónicas 3:15

Te snich'nab Josías, ja'ic te Johanán te banquilale; te xchebale, Joacim; te yoxebale, Sedequías; te xchanebale, Salum.

Jeremías 21:11

Soc la yal xan te Cajwaltique: —Te sts'umbal muc' ajwalil yu'un Judá, ja' te sts'umbal muc' ajwalil David, jich me xawalbey ta jwenta: “Aiybeya awaiy stojol sc'op te Cajwaltique: Toj me xchajbanwanat spisil ora; ac'a ta libre te mach'atic tenbilic yu'un te j'uts'inwanejetique. Ma me ja'uc ta scaj amen awat'el te ya xjajch' tiluc jichuc c'ajc' te quilimbae, teme tile, ma'yuc mach'a ya xju' yu'un stup'el.

Jeremías 36:30

Lec ay jiche, jo'on te Ajwalilone, ya calbat, Joacim, muc' ajwalilat yu'un Judá, te ja'ate ma me ayuc ats'umbal ya xjil ta smuc'ul nactijib David. Te abaq'uetale pacal ya xjil ta yolq'uinal, ta sq'uixnal c'aal soc ta siquil ajc'ubal.