Jeremías 22:15 - Bible in Tzeltal de Oxchuc y Tenejapa

¹⁵ ¿Ja' bal muc' ajwalil c'oemat yu'un ta ac'op, te bit'il joybilat ta cedro? Te atat la smulan lec cuxinel c'ax ta q'uinal; ja'uc me to, toj at'ej ta chajbanwanej, jich lec a c'ot ta loq'uel.

Bible in Tzeltal Bachajón

¹⁵ ¿Ha bal ajwalilat ya xc'ohat yu'un te joytaybilat ta cedro? ¿Ma bal we' uch'uc te atat, soc la spas te bin toj ta pasel, hich lec c'oht ta loq'uel?

Jeremías 22:15 Referans Kwoze

2 Reyes 23:25

Ma'yuc yan muc' ajwalil, ni ta neelal ni ta patil, te jich la spas te bit'il la spas stuquel te Josías. Ja' te bit'il ta mero spisil yo'tan, soc ta mero spisil xch'ulel, soc ta mero spisil yip la sujt'es yo'tan ta stojol Cajwaltic, te swenta bit'il ja' la yich' ta muc' te mandaliletic yu'un Moisés.

Isaías 3:10

Bin nax yutsil te mach'a toj yac'oj sba, melel lec ya xc'ot ta loq'uel yu'un, soc ya me yaiybey yutsilal te sit yat'ele.

Eclesiastés 10:17

Bin nax me yutsil te nación ay buen lequil ajwalil yu'une. Te c'alal yorail te ya xwe'ic te ajwaliletic tey a, ya xwe'ic yu'un ya xtal xan yipique, Soc ma x'ochic ta yacubele.

Proverbios 25:5

ja' nix jich loq'uesbeya bael yabat te muc' ajwalil te amen yo'tane, jich yu'un te yat'el te muc' ajwalil ay me yip ya xc'ot ta swenta te toj chajbanele.

Proverbios 29:4

Te muc' ajwalil te toj ya xmandalaj, ya yich' yip te slumale; yan teme ja' nax ya xbajt' ta yo'tan sujel ta yaq'uel spatane, ya me sjin te slumale.

2 Reyes 22:2

Te yat'el Josías lec ta sit te Cajwaltique, melel ta spisil te bitic la spase, ja' la st'unbey te yat'el David, te ja' antiguo sme'-state. Mero ja' la st'unbey, ma'yuc banti jowej yu'un.

Jeremías 42:6

Chican teme ya jmulantic, o ma jmulantic, ya me jch'uunbeytic sc'op te Cajwaltic Diose te la jc'antic te ya ac'oponbotique, swenta yu'un jich me lec ya xc'ootic ta loq'uel —xiic ta yalel.

Proverbios 21:3

At'elina spasel te bitic toj ta pasel soc te bitic swenta toj-o'tanile, melel te Diose ja' ya smulan, c'axem jich sc'oplal yu'un a te milbil smajt'ane.

1 Reyes 10:9

Jelawen yutsilal te Ajwalil, te Dios awu'une, te lec la yilat te la yac'at ochel ta ajwalil ta stojol Israel. Ta swenta te xc'uxul yo'tan ta stojol Israel ta spisil ora te la yac'at ochel ta muc' ajwalile, swenta yu'un buen lec me ya awentain soc mero stojil me ya xchajbanwanat ta stojolic —xi'.

2 Samuel 8:15

Te David och ta muc' ajwalil ta stojol spisil Israel. Buen toj at'ej, ja' la spas te bi mero stojil ta pasel ta stojol te lume.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

Hechos 2:46

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Jeremías 22:18

Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Eclesiastés 2:24

Te bi mero lec ya sc'an ya spas te winique, ja' te ya xwe' ya x'uch'e, ac'a yaiybey yutsilal te yat'ele. Jna'oj te spisil talem ta stojol te Diose.

Proverbios 31:9

C'opojan yu'unic, chajbana ta mero stojil; coltaya te me'baetic, coltaya te mach'atic pec'ajtique.

Proverbios 20:28

Te muc' ajwalile jun nax yo'tan ay ta smuc'ul nactijib, teme yac ta stuuntesel te xc'uxul-o'tanil soc te bila smelelile.

2 Crónicas 34:2

Te yat'el Josías mero toj ta sit Cajwaltic, ja' la snopbey yat'el te antiguo smam David, ma'yuc jowej bael ni jtebuc.

1 Crónicas 3:15

Te snich'nab Josías, ja'ic te Johanán te banquilale; te xchebale, Joacim; te yoxebale, Sedequías; te xchanebale, Salum.

Deuteronomio 4:40

Ch'uunaic te sc'op soc te bitic ya yal te mandaliletic yu'une, ja' te yacon ta yalel ta atojolic ta ora in to. Teme jich ya apasique, bin nax me awo'tanic a te ja'ex soc te patil alnich'anetic awu'unique; soc bayal me ja'wil ya xcuxinex ta lumq'uinal te ya yac'beyex awu'uninic sbajt'el q'uinal te Cajwaltic te Dios cu'untique —xi' te Moisese.

Jeremías 7:5

“Teme ya alectesic te acuxlejalic soc te awat'elique, soc teme ya xtojob awo'tanic juju-jtul ta stojol te yantique,

2 Crónicas 35:22

Ja'uc me to, te Josías ma sujt' ta spat, la sten sba bael ta yaq'uel guerra, ni ma la yich' ta muc' te bila ac'bot sna' yu'un Necao, te jich nix yaloj te Diose. Jich yu'un och ta guerra ta spamlej yu'un Meguido.

2 Crónicas 35:26

Te sc'oplal xan te Josías, soc te t'ujbil at'eliletic la spas, jich te bit'il ts'ibubil ta mandalil yu'un te Cajwaltique,