Jeremías 22:13 - Bible in Tzeltal de Oxchuc y Tenejapa

¹³ Te Cajwaltic la yal: —Ya me awil awocol ja'at, Joacim, melel ta scaj te bila amen soc bila ma tojuc te ya apas apalacio soc te ya apas te buen toyol naetique. Ya awac' at'ejuc winiquetic te ni ma'yuc stojol sc'abic ya awac'bey.

Bible in Tzeltal Bachajón

¹³ ¡Obol sba te mach'a ya spas sna ta scuenta bin ma tojuc ta pasel, te ya spas scha'cajal na ta scuenta te bin ma tojuc; te tojol ya yac' a'tejuc te spat-xuhc, ma ba ya ya'be stojol sc'ab!

Jeremías 22:13 Referans Kwoze

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

Miqueas 3:10

Ya apasic Jerusalén, te lum ta wits Sión, ta swenta milaw soc te bila c'ax ma tojuque.

Levítico 19:13

“Ma me xawuts'in te alumale, ma me xawelc'anbey te bila ay yu'une. “Ma me xchebaluc to c'aal a ya atojbey yat'el te mach'a ya awic' ta at'ele.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Jeremías 22:18

Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

2 Crónicas 36:4

Soc ja' la yac' xan jilel ta muc' ajwalil yu'un Judá ta Jerusalén te Eliaquim, ja' nix sbanquil te Joacaz, soc la sjelbey sbiil, Joacim c'ot yu'un. Te Joacaz la yic' bael ta Egipto.

2 Crónicas 36:5

Te Joacim ay jo'eb xcha'winic (25) ya'wilal te c'alal jajch' ta at'el ta muc' ajwalil, at'ej ta ajwalil ta Jerusalén bulucheb ja'wil. Ja'uc me to, te yat'ele ma lecuc ta sit te Cajwaltic te Dios yu'une.

Isaías 5:8

Ya me awil awocolic ja'ex te ya amanulayic bayal naetic, te ya aleic bayal aq'uinalique. Ja' to ya ac'an te atuquel ya awentain spamal te q'uinale, te ma'yuc mach'a jtuluc ya awaq'uix tey a; soc jich ya anajc'an abaic te bit'il ja'ex nax yajwalex yilel te lumq'uinale.

Jeremías 17:11

Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Deuteronomio 15:13

Te c'alal ya aticun bael, ma me jocholuc sc'ab ya aticun bael,

Job 31:39

Pero teme ay mach'a la quelc'anbey te sit yawal-sts'unub loc' yu'une, o teme ja' ay la jlo'laybey sbiluc te mach'atic ya x'at'ejic ta sq'uinalique,

Habacuc 2:12

¡Ya me awil awocol ja'at te ya apas te lumetic awu'un ta swenta milaw soc uts'inwanej!