Jeremías 22:10 - Bible in Tzeltal de Oxchuc y Tenejapa

^10-11 Ma x'oq'uex yu'un te muc' ajwalil Josías, ma x'oc'at yu'un te laje; ja' lec ja' xawoq'uetayic te snich'ane, ja' te Salum, te ya xbajt', te ma sujt'ix tel, ma ba ya yil xan te lum bay ayine. Melel jich la yal te Cajwaltic ta swenta Salum, snich'an Josías, te muc' ajwalil yu'un Judá, te ja' najc'aj ta smuc'ul nactijib ta patil yu'un te state, soc te loc' bael li' ta q'uinal to: —Ma me sujt'ix tel,

Bible in Tzeltal Bachajón

¹⁰ Ma me xawoq'uetayic te mach'a chamen, ma me xamel awo'tan ta stojol; tulan xawoq'uetay te mach'a ya xbaht ta chuquel, como mayuquix bin ora ya suht talel soc ma ba ya yilix te q'uinal te banti ayine.

Jeremías 22:10 Referans Kwoze

Eclesiastés 4:2

Ja' yu'un la cal te ja' mero lec ayiquix te mach'atic lajiquixe, ma ja'uc lec ayic te mach'atic cuxulic toe.

Lamentaciones 4:9

Ja' lec xan c'otic ta loq'uel stuquelic a te mach'atic lajic ta guerra, ma jichuc te mach'atic yacalic ta lajel ta wi'nale; melel c'unc'un yacalic ta lajel, ta scaj te ma'yuc awalts'unubil ta lumq'uinal.

Isaías 57:1

Te winiquetic te lec yo'tanic, ya xlajic soc ma'yuc mach'a ya xc'opoj yu'un; te lequil winiquetic ya xch'ayic ta jc'axel. Ma'yuc mach'a c'oem ta yo'tan te ya xjilic ta libre yu'un uts'inel te mach'atic ya xway sbaq'uetalic,

2 Reyes 22:20

Ja' yu'un ya me cac' te lamal q'uinal a te ya xlajate, ya me xba ajoin te anima ame'-atate. Ma ba ya awilix te wocol ya cac'bey ta stojol te q'uinal in to”, xi' te Cajwaltic —xi' te Huldae. Te mach'atic la sticun te muc' ajwalile, sujt' bael ta stojol, bajt' ta alel yaiy te sujt'ib te sc'ope.

San Lucas 23:28

Te Jesús la sujt'es sba yil soc la yalbey: —Te ja'ex yantsilel Jerusalén, ma me x'oq'uex cu'un. Oq'uetaya aba atuquelic, soc te awalataquique.

Jeremías 22:18

Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

2 Crónicas 36:4

Soc ja' la yac' xan jilel ta muc' ajwalil yu'un Judá ta Jerusalén te Eliaquim, ja' nix sbanquil te Joacaz, soc la sjelbey sbiil, Joacim c'ot yu'un. Te Joacaz la yic' bael ta Egipto.

Jeremías 16:7

Ma'yuc mach'a ya xchajban we'eliletic yu'un sna'jibal te animaetic, swenta smuc'tesjibal q'uinal yaiyic te spat-xujq'ue, ni ja'uc te ya yich' pasel teme ya xlaj uuc te state, o ja' te sme'e.

Jeremías 25:27

Soc la yalbon te Cajwaltique: —Albeya yaiyic te jo'on Ajwalilon te Spisil ya xju' cu'une, te Dioson yu'un Israel ya calbey mandal: “Uch'aic me ja' to te c'alal ya xyacubex ta jyalel, te ya xenex soc te ya xyalex ta lum, swenta yu'un ma xjajch'ex ta scaj te guerra te ya jticun tele”, xoon me.

Jeremías 28:4

Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Jeremías 42:18

“Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Jeremías 44:14

Ma me xcol te mach'atic cha'oxtul xanix te cuxulic xan te yajwal Judá te ainemiquix ta Egipto; ma'yuc mach'a ya scoltay sba te cuxul ya xjilique. Manchuc me ya sc'anic te ya sujt'ic bael ta nainel ta Judá, ma sujt'iquix bael, ja' xanix teme ay cha'oxtul ya x'anic loq'uele”, xi' me te Cajwaltique —xi' te Jeremiase.

Ezequiel 24:16

—Ya me cac' lajuc ta ora nax te mach'a mero c'ux ta awo'tane. Pero ma me xamel awo'tan, soc ma me x'oc'at, ma me xamal ya'lel asit yu'un.

2 Reyes 23:29

Te c'alal ay ta muc' ajwalil a, te faraón Necao, muc' ajwalil ta Egipto, bajt' ta muc'ja' Eufrates, yu'un ba scoltay te muc' ajwalil yu'un Asiria. Te muc' ajwalil Josías loc' ta yaq'uel guerra, pero ta lum Meguido milot yu'un te Necao te c'alal ilot yu'une.

Jeremías 22:27

Ja' yu'un ma ba ya xcha'sujt'iquix tel ta slumal ta bay mero sc'anoj yo'tanic te ya xcha'talic xan tey a.