Jeremías 21:6 - Bible in Tzeltal de Oxchuc y Tenejapa

⁶ Ya me jmil spisil yajwal te alumal; winiquetic soc chambalametic ya me xlajic ta chamel te ya xmilawan te xiweltic sbae.

Bible in Tzeltal Bachajón

⁶ Ya quehchentes te mach'atic nahinemic ta pueblo ini, ants-winiquetic soc chambahlametic; ya me xlajic yu'un jmilawal-chamel te xiweltic sba.

Jeremías 21:6 Referans Kwoze

Sofonías 1:3

Ya jlajin te ants-winiquetic soc te chambalametique; ya jlajin te mutetic soc te chayetique. Ya sc'ojch'in sba te mach'atic amen yo'tanique; soc ya jch'ay ta balumilal te ants-winiquetique —xi'. Tulan ya yal xan te Cajwaltique:

Oseas 4:3

Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Ezequiel 14:21

“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.

Ezequiel 14:19

“Teme ya jticun chamel tey ta lumq'uinale, soc teme ta swenta quilimba ya cac' c'otuc tey a te lajele, teme ya cac' lajuc ants-winiquetic soc te chambalametique,

Ezequiel 14:17

“Teme ya cac' taluc guerra ta stojol te lumq'uinale, teme ya cal mandal te ya xlajic ants-winiquetic soc te chambalametique,

Ezequiel 14:13

—Ja'at winic, teme ay yajwal jsejp lumq'uinal te ya sta smul ta jtojole, soc teme ma junuc yo'tan ta jtojole, ya me jtoy jc'ab ta yaq'uel castigo, ya me jpojbey te swe'el-yuch'elique. Ya me jticunbey wi'nal ta stojolic, soc ya me cac' te ya xlajic te ants-winiquetic, soc te ya xlaj chambalametique.

Jeremías 33:12

Te Cajwaltic te Spisil ya xju' yu'une, ya yal: —Ja' te lumq'uinal te jochol yo'tique, te ni ma'yuc ants-winiquetic ni chambalametic, soc ta spisil te lumetic yu'une, ay me aquiltic ta yan buelta te bay ya yic' bael tsojboltsojp chijetic yu'un te jcanan-chijetique.

Jeremías 32:24

“Ta ora yo'tic, te caldeoetic sbut'ojiquix moel lum ta bay sts'ajc'ul te lum ta swenta yac'beyel guerra. Ja' ya x'ochic ta sc'abic a te scontrotac, yu'un guerra, wi'nal soc chamel. Cajwal, ya awilix te ya xc'otix ta pasel te bit'il awalojbonix sc'oplal a.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Ezequiel 33:29

Teme jochol jilel cu'une, soc teme jinem jilel te lumq'uinal ta scaj te muliletic ilaybil sba la spasique, ya me sna'ic te jo'on te ajwalilone’, xi' te Cajwaltic”, uta me.

Ezequiel 33:27

“Soc jich xawalbey xan: “Jich ya yal te Cajwaltique: ‘Te jo'on te cuxulone, ya cal ta jamal: Ta spisil te mach'atic nainemic tey ta jinem lumetique, ya me yich'ic milel. Te mach'atic nainemic ta sq'uinalique, ya me cac' ta ti'el ta jti'awal chambalametic. Soc te mach'atic nainemic ta tonetic soc ta nailch'entiquile, ya me cac' lajuquic yu'un chamel.

Ezequiel 12:16

Pero ya me cac' te ya xcolic jilel cha'oxtul ta guerra, ta wi'nal, soc ta chamel, swenta yu'un ta nacionetic te banti ya xbajt'ic, ya me yalic spisil te bitic ilaybil sba la spasique, soc ya me sna'ic te jo'on Ajwalilon —xi'.

Ezequiel 7:15

Ta pat lum ay guerra, ta yutil ay chamel soc wi'nal. Te mach'atic ayic ta sc'alic, ya me xlajic ta guerra. Te mach'atic ayic ta yutil lum, ya me xlajic yu'un wi'nal soc chamel.

Jeremías 42:22

Ja' yu'un na'aic me ta lec, ta scaj me te guerra, wi'nal soc chamel tey me ya xlajex a ta bay te q'uinal te banti ya ac'anic ya xbaex ta ainele —xi' te Jeremiase.

Jeremías 36:29

Soc jich me ya awalbey: “Jich ya yalbat te Cajwaltique: ‘Ja'at la achic' te balbil june, soc la awut te Jeremías, te la sts'ibuy tey a te ya me xtal te muc' ajwalil yu'un Babilonia, ma me scom sba te ya xtal sjin te lumq'uinal, ma me ayuc ants-winiquetic ya yijq'uitay jilel, ni chambalametic.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Génesis 6:7

jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 20:4

Melel te Cajwaltic ya yalbat: “Ya me cac' te ja'at nix ya axiwtes aba atuquel soc ta spisil te ajo'taque. Ta mero asit atuquel, te ajo'tac ya me xlajic ta spuñal te scontrotaque. Ya me cac' ta c'abal spisil yajwal te Judá ta sc'ab te muc' ajwalil yu'un Babilonia, te ya x'ic'otic bael ta Babilonia, o teme ya xlajic ta milel ta cuchillo.