Jeremías 21:5 - Bible in Tzeltal de Oxchuc y Tenejapa

⁵ Jo'onix jtuquel ya cac'beyex guerra te ja'exe; ya jloq'ues tel smuc'ul te cu'ele, soc yac me ta tilel c'oem te quilimba soc te smuc'ul sc'ajc'al co'tane.

Bible in Tzeltal Bachajón

⁵ Ho'on jachoj jc'ab ta ya'beyelex guerra soc yip jc'ab, soc quilimba soc smuc'ul sc'ahc'al co'tan.

Jeremías 21:5 Referans Kwoze

Isaías 63:10

Ja'uc me to, la stoy sbaic ta scontroinel te Cajwaltique, soc la yac'bey smel yo'tan te ch'ul espíritu yu'une. Jich yu'un te Cajwaltic la scontroin, jich ac'botic guerra yu'un.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Jeremías 32:17

—Ja'at Cajwal, ta smuc'ul awu'el la achicnantes ta pasel ch'ulchan balumilal. Ma'yuc bila ma xju' awu'un atuquel.

Jeremías 6:12

Te snaic, te sq'uinalic soc te yinamic ya me xc'axic ta swenta yantic. Melel ya me jtoy jajch'el jc'ab ta swenta yac'beyel castigo te mach'atic nainemic ta lume. Jo'on Ajwalilon te jich ya cale.

Isaías 9:21

Te Manasés ya sjin te Efraín, te Efraín ya sjin te Manasés; soc pajal ya xjajch'ic ta yilbeyel yo'tan te Judá. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Éxodo 9:15

Te lajuc cac'bat awil te cu'el ta yac'belat castigo ta tulan chamel a te ja'at soc te alumale, ma'yucatix ta q'uinal te jichuque.

Jeremías 32:37

Ja'uc me to, ya jtsob tel spisil yajwal te alumal ta bay la jpuquex bael c'alal noj ta co'tan quilimba soc sc'ajc'al co'tan te xiweltic sbae. Ya me quiq'uex sujt'el li' ta bay in q'uinal to, swenta yu'un jun nax me awo'tanic ya x'ainex tey a.

Isaías 10:4

Teme ma x'awich'ic pejc'anel soc teme ma x'awich'ic chuquel baele, pajal ya xlajex bael soc te mach'atic ya yich'ic milele. Ja'uc me to, ma to xlamaj yilimba a te Cajwaltique; ya to xtoy xan bael ac'oplalic yu'un.

Isaías 9:12

Ta sloq'uib c'aal tal te siriaetic, ta smalib c'aal tal te filisteoetique. Ta jun nax buelta la sbiq'uic te Israele. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un te Cajwaltique.

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

Jeremías 37:10

Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Lamentaciones 2:3

Te c'alal til te yilimbae, la sjax ta bojel te yip Israel. La sq'uejbotic bael te jcoltayel yu'un yu'el te c'alal la jta jbatic soc te jcontrotique; tilemix sc'aal, yu'un ya xchic' spisil a te bila ya sta yu'un Jacob.

Ezequiel 5:8

Ja' yu'un jo'on Ajwalilon jich ya cal: Ja' nix jichon ya me x'ochon ta acontro, ja'at Jerusalén. Ya me cac' c'otuquix ta atojol te castigo ta comonsitil yu'un te yantic nacionetique.

Ezequiel 39:3

Tey me ya jc'asbat a te at'imalte' awich'oj ta aq'uexenc'abe, soc ya me cac' coluc ta ac'ab te at'ejibaletic yu'un at'imalte' atsacoj ta awa'elc'abe.