Jeremías 21:4 - Bible in Tzeltal de Oxchuc y Tenejapa

⁴ “Te Cajwaltic te Dios yu'un Israel ya yalbat: ‘Ya cac' sujt'uc bael ta spatic te soldadoetic awu'un soc yat'ejibic, te loq'uic ta pat ts'ajc' ta bay yacalex ta awac'bel abaic guerra soc te muc' ajwalil yu'un Babilonia. Soc te caldeoetic, te ja' nix te swinictaque, ya me jtsob ta yolil in lum to.

Bible in Tzeltal Bachajón

⁴ Hich yaloj te Jehová te Dios yu'un Israel: Ya cac' suhtuc bahel te a'tejibaletic yu'un guerra te ay ta ac'abic, te yaquex ta ya'beyel guerra a te ajwalil yu'un Babilonia; soc te caldeohetic te sjoytayejex ta spat ts'ahc ya jtsobticlan tal ta yohlil te pueblo ini.

Jeremías 21:4 Referans Kwoze

Jeremías 32:5

Te Nabucodonosor ya yic' bael te Sedequías ta Babilonia, tey me ya x'ain a ja' to me te c'alal ya cat'elin xan sna'ele. Manchuc me ya atsac aba soc caldeoetic te ja'exe, ma ba lec ya xc'oex. Jo'on Ajwalilon, jich ya cal —xi'.

Isaías 13:4

Ay chican aw ta bay witstiquil, mero bayal winiquetic yaiyel. Ya xchicnaj sc'opic te nacionetic, ja' te lumetic te stsoboj sbaique. Te Cajwaltic te Spisil ya xju' yu'un, ya xc'axic ta ilel yu'un te soldadoetic te chapalic yu'un guerra.

Isaías 5:5

Lec ay jiche, ya calbeyex awaiyic te bila jnopoj spasel ta stojol te ts'usubiltic cu'une: Ya jloq'uesbey smajq'uil swenta yu'un ya sjinic te mach'atic ya xc'axique; ya jch'oj coel te sts'ajc'ul swenta yu'un ya spech'ic ta teq'uel;

Zacarías 14:2

Te c'alal ya sta sc'aalelal te Cajwaltic ya me stsob spisil te nacionetic, swenta yu'un ya me yac'beyic guerra te Jerusalén. Ya me x'och ta swentaic te lum, ya me yich' pojbeyel sbiluc ta snaic, ya me yich' tsaquel ta uts'inel te antsetic yu'unic, soc ya me yich' chuquel bael olil te ants-winiquetic yu'un te lume. Ja' xanix te jayeb ya xjil, ya me x'ainic ta slumalic.

Lamentaciones 2:7

Te Cajwaltic ma'yuc sc'oplal c'ot ta yo'tan te scajtijib smajt'ane; la yilay te ch'ul templo yu'une. La yac'bey ta sc'ab scontro te ts'ajq'uetic ya scoltay sbaic a te lume. Ay awetic ta templo yu'un Cajwaltic, jich bit'il sc'aalelal q'uin yaiyel.

Lamentaciones 2:5

Jich at'ej te bit'il jcontro te Cajwaltique; jc'axel la sjin te Israele. Jin coel spisil te palacioetic yu'un; la sjinbey te tulanil anjibal ts'ajq'uetique. Bayal la yac' ta mel-o'tan soc oq'uel te t'ujbil Judá.

Jeremías 39:3

Spisilic te mach'atic ay yat'elic yu'un te muc' ajwalil ta Babilonia ochic bael, soc tey la slaman sbaic a ta smuc'ul yochibal sts'ajc'ul te lume. Ja'ic te Nergal-Sarezer, Samgar-nebo, Sarsequim, ja' te tulan yat'el yich'oje, soc xan yan Nergal-Sarezer, te ja' nix jich tulan yat'el yich'oje.

San Mateo 22:7

“Te c'alal la yaiy stojol te muc' ajwalile, bayal ilin yu'un. Jich la sticun bael te soldadoetic yu'une. Ba smilic te jmilawaletique, soc la xchic'beyic te slumalique.

Oseas 9:12

Teme ay nix ju' yu'unic xch'ijtesel te snich'nabique, ya me jpojbey, ma ba ya quijq'uitaybey ni jtuluc. Obol sbaic te ants-winiquetic te c'alal q'uejel ya cac' jba ta stojole.

Jeremías 52:18

Soc la yich'ic bael te yawil c'ajc'al tan, te palaetic yu'un, te sloq'uesjibal yac'alel mecha, te muc'ul tazaetic, te muc'ul cucharaetic soc spisil te sbiluquil pasbil ta bronce ta swenta xch'uunel te Diose.

Isaías 10:4

Teme ma x'awich'ic pejc'anel soc teme ma x'awich'ic chuquel baele, pajal ya xlajex bael soc te mach'atic ya yich'ic milele. Ja'uc me to, ma to xlamaj yilimba a te Cajwaltique; ya to xtoy xan bael ac'oplalic yu'un.

Jeremías 20:4

Melel te Cajwaltic ya yalbat: “Ya me cac' te ja'at nix ya axiwtes aba atuquel soc ta spisil te ajo'taque. Ta mero asit atuquel, te ajo'tac ya me xlajic ta spuñal te scontrotaque. Ya me cac' ta c'abal spisil yajwal te Judá ta sc'ab te muc' ajwalil yu'un Babilonia, te ya x'ic'otic bael ta Babilonia, o teme ya xlajic ta milel ta cuchillo.

Jeremías 21:3

jich la sujt'esbey sc'op te mach'atic ticunbilic tel yu'un Sedequías: —Albeyaic te Sedequías:

Jeremías 32:3

Te muc' ajwalil Sedequías yalojix mandal ta chuquel a, melel te Jeremías la yal ta jamal te sc'op te Cajwaltic te la yal: —Ya me cac' ta sc'ab muc' ajwalil yu'un Babilonia in lum to.

Jeremías 32:24

“Ta ora yo'tic, te caldeoetic sbut'ojiquix moel lum ta bay sts'ajc'ul te lum ta swenta yac'beyel guerra. Ja' ya x'ochic ta sc'abic a te scontrotac, yu'un guerra, wi'nal soc chamel. Cajwal, ya awilix te ya xc'otix ta pasel te bit'il awalojbonix sc'oplal a.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Lamentaciones 2:3

Te c'alal til te yilimbae, la sjax ta bojel te yip Israel. La sq'uejbotic bael te jcoltayel yu'un yu'el te c'alal la jta jbatic soc te jcontrotique; tilemix sc'aal, yu'un ya xchic' spisil a te bila ya sta yu'un Jacob.

Ezequiel 39:3

Tey me ya jc'asbat a te at'imalte' awich'oj ta aq'uexenc'abe, soc ya me cac' coluc ta ac'ab te at'ejibaletic yu'un at'imalte' atsacoj ta awa'elc'abe.