Jeremías 21:13 - Bible in Tzeltal de Oxchuc y Tenejapa

¹³ “Ja'at lum te toyol ayat yu'un te xatal q'uinale, jichat bit'il muc'ul najt'il ton ta spamlej, jo'on Ajwalilon, jamal ya cal te ya jcontroinate. Ja'ex ya awalic: ‘¿Mach'a c'an yac'botic guerra? ¿Mach'a c'an ju'uc yu'un ya xc'ot c'alal ta anjibal cu'untic?’ te xaexe.

Bible in Tzeltal Bachajón

¹³ Ayon ta acontra, ha'at te nahinemat ta sjuclej, ha'at te muc'ul tonat ta spamlej, xchi te Jehová; ha'ex te hich yac awalic: ¿Mach'a c'an taluc scontrahinotic? ¿Mach'a c'an ochuc tal ta ahnibal cu'untic? te xchihexe.

Jeremías 21:13 Referans Kwoze

Ezequiel 13:8

Ja' yu'un, jo'on Ajwalilon te jich ya cal ta atojol ja'ex te j'alwanejex ta ac'opique: Ya me jcontroinex, melel ma meleluc te bitic ya awalique, soc puro lotil nax te bitic la cac'beyex awilic ta ac'opique. Ja' yu'un te jo'on ya me jcontroinex. Jo'on te Ajwalilon yacon ta yalele.

Lamentaciones 4:12

Te muc' ajwaliletic ta bayuc, spisilic te jmandalteswanejetic ta balumilale mero ma la xch'uun yo'tanic te ya x'ochic ta Jerusalén te scontrotaque.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Jeremías 50:31

Te Cajwaltic te Spisil ya xju' yu'une, ya yal: —Nación te j'ixta-c'opate, jcontroinwanejat, c'otix aworail, ya cac'batix castigo.

Salmos 125:2

Jich bit'il Jerusalén joytaybil ta witsetic, yo'tic jich me ya sjoytay te lum yu'une te Cajwaltique; ta sbajt'el me q'uinal ya sjoytay te lum yu'une.

Jeremías 49:16

Ja' la awac' slo'layat te atoybaile; melel la awac'bey ochel xiwel ta yo'tanic spisilic. Nainemat ta lom ch'entiquile, ataoj te snajt'il sba te witstiquile. Manchuc me mero toyol ya apas apechech jichuc águila, li'to c'alal ya cac'at ta ch'ojel coel tel a. Jo'on Ajwalilon, jich ya cal.

Jeremías 21:5

Jo'onix jtuquel ya cac'beyex guerra te ja'exe; ya jloq'ues tel smuc'ul te cu'ele, soc yac me ta tilel c'oem te quilimba soc te smuc'ul sc'ajc'al co'tane.

Isaías 22:1

J'alwanej c'op ta swenta stenlej xatal q'uinal te banti ay bila ay ta ilele: ¿Bi ya apas te apisilic ya xmoex ta yamac'ul ta sba naetique?

Jeremías 51:25

Jcontroinejat ja'at, wits c'oemat swenta jinawanej, te ya ajin spamal te balumilale. Jo'on Ajwalilon, jich ya cal. Ya me jtoy jc'ab, ya cac'bat castigo. Ya jtselc'unat coel tel c'alal ta sba muc'ul tonetic, soc ya jc'atp'unat ta c'ajq'uem wits.

Jeremías 7:4

Ma me x'awich'ic ta wenta te mach'atic ya xlo'laywanic ta c'op te jich ya yalic: ‘Ilawil te templo yu'un te Cajwaltic. Li' ay to te templo yu'un te Cajwaltic, li' ay to te templo’, te xiic ta yalele.

Éxodo 13:8

Jich me ya awalbeyic a te awal-anich'nabique: “Te bit'il jich ya jpastique, ja' me sna'jibal cu'untic te bila la spas Cajwaltic te la sloq'uesotic tel ta Egipto”, utaic me.

Éxodo 13:20

Te israeletic loq'uic bael ta Sucot, c'o spasic scampamentoic ta Etam, ja' sti'il te muc'ul jochol taquin q'uinal.

Ezequiel 5:8

Ja' yu'un jo'on Ajwalilon jich ya cal: Ja' nix jichon ya me x'ochon ta acontro, ja'at Jerusalén. Ya me cac' c'otuquix ta atojol te castigo ta comonsitil yu'un te yantic nacionetique.

Ezequiel 21:3

Jich xawalbey: “Jich ya yal te Cajwaltique: ‘Yo'tic ya calbeyex ta jamal: Jo'on ya jcontroinex. Ya me jloq'ues jpuñal, ya me jmil ta pajal spisil mach'atic ma'yuc smulic soc mach'atic ay smulic.

Ezequiel 34:10

Jo'on te Ajwalilon ya xc'opojon ta atojolique: Yo'tic in to, jcanan-chijetic ya calbeyex ta jamal: Ma lecuc co'tan awu'unic. Yo'tic ya jc'anbeyex sujt'el ta stsojbol te chijetic cu'une. Yo'tic ya jloq'uesex ta awat'elic ta jcanan-chij. Melel te jcanan-chijexe, ja' nax ya acanantay abaic. Ya me jpojbeyex loq'uel ta ac'abic te chijetic cu'une, swenta yu'un jich ma'yuquix bi ora ya ati'bonic a’, xi' me”, uta me —xi' te Cajwaltique.

Nahúm 2:13

Te Cajwaltic te Spisil ya xju' yu'une tulan ya yal: —Li' ayon to ta jcontroinbelat. Ya jchic'bat te carretaetic awu'un ta guerra, ya jc'atp'unbat ta ch'ail. Ya jmilbat te alal león-chojetic awu'une; ya jtup' te elec' ay ta alumale. Soc ma me ayuquix ya x'aiyot stojol sc'op abatetic awu'un —xi'.

Jeremías 17:3

soc ta sba te toyol witsetique. Ta scaj te muliletic awu'un, ya cac'bat ta elc'anel spisil te ac'ulejale, soc ya me spojic bael te toyol ch'uunjibaletic ta spamal te aq'uinale.