Jeremías 21:10 - Bible in Tzeltal de Oxchuc y Tenejapa

¹⁰ Melel jnopoj te ya cac'bey tel bila amen ta stojol in lum to, ma ja'uc ya cac'bey te bila leque. Ya me cac'bey ta sc'ab te muc' ajwalil yu'un Babilonia, soc ja' me ya yac'bey sc'aal te lume. Jo'on Ajwalilon, jich ya cal”, uta me —xi' te Cajwaltique.

Bible in Tzeltal Bachajón

¹⁰ Como jnopoj te ya ca'be te bin chopol, ma ha'uc te bin lec, te pueblo ini, xchi te Jehová. Ya x'a'bot ta sc'ab te ajwalil yu'un Babilonia, ha me ya ya'be sc'ahc'al.

Jeremías 21:10 Referans Kwoze

Jeremías 44:11

“Ja' swentail te jo'on Ajwalilon te Spisil ya xju' cu'un, te Dioson yu'un Israel, ya calbeyex: Jnopoj te ya cac' tel bila amen ta atojolic te ya sjinex ja'ex te sts'umbalex Judá.

Amós 9:4

Teme ya xtsacot loq'uel ta slumal yu'un te scontrotaque, ya jticun bael puñal, ya xba smil. Ya cac'bey spisil ora te bila ma lecuc, ma ja'uc te bila leque —xi' te Cajwaltique.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Ezequiel 15:7

Ya me cal ta jamal te jcontroinej ta spisilique. Manchuc me ya xcolic ta c'ajc', pero ya me xlajinot yu'un yan c'ajc'. Te c'alal ya cal jba ta jamal te jo'on jcontroique, ja' me ya ana'ic a te jo'on Ajwalilone.

Jeremías 52:13

La xchic' te templo, te muc'ul na yu'un te muc' ajwalile, soc spisil te nanatic ta lume, ja' nix snaic spisilic te mach'atic muc' sc'oplalique.

Jeremías 39:8

Te caldeoetic la xchic'beyic te spalacio te ajwalil soc te nanatic ta lum. Te sjoyobal sts'ajc'ul te Jerusalén la sjinic coel.

Jeremías 38:18

Melel teme ma la awac' aba ta sc'abique, te caldeoetic ya me x'och ta sc'abic te lume, soc ya me xchiq'uic. Soc te ja'ate ma xju' xcolat”, xi' te Cajwaltique —la yut.

Jeremías 38:3

Te Cajwaltic la yal xan: “Te lume ya x'och ta sc'ab soldado-caldeoetic yu'un te muc' ajwalil ta Babilonia. Ya me stsal, ma'yuc mach'a ya xcomot yu'un”, xi' te Cajwaltique —xi' sc'op te Jeremiase.

Jeremías 34:2

—Jo'on Ajwalilon, Dioson yu'un Israel, ya jpasat ta mandal te ya xba awalbey te Sedequías, muc' ajwalil yu'un Judá: “Jich ya yalbat te Cajwaltique: ‘Ya me cac'bey spas te muc' ajwalil yu'un Babilonia te ya yochintay te lum soc te ya xchic' jilele.

2 Crónicas 36:19

La xchiq'uic jilel te templo yu'un Dios, la sjinic jilel sts'ajc'ul te Jerusalén, la xchiq'uic jilel te palacioetic yu'unic, soc la sjin jilel spisil te bitic bayal sc'oplale.

Jeremías 38:23

Te Jeremías la yalbey xan te muc' ajwalile: —Spisil te antsetic awu'un soc te anich'nab ja'at muc' ajwalil, ya me x'ac'otic ta sc'ab te caldeoetique. Te ja'ate ma me xju' ya acoltay aba ta sc'abic; ya me x'ac'otat ta sc'ab te muc' ajwalil yu'un Babilonia, soc ya me xchiq'uic jilel te lume —xi'.

Salmos 34:16

Te Cajwaltic contro ya yil te mach'atic ma lecuc yat'elic, ya me stup'bey ta balumilal te sna'jibalique.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Levítico 17:10

“Jo'on me ya cac'bey smulin mach'auc israelil o jyanlumil te ay ta awolilic, teme ya slo' ch'ich', chican bila ya yut ya slo', ya me jloq'ues ta yolil te yajwal lume.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Jeremías 39:16

—Baan ilawil, c'opona te Ebed-melec, te etiope-winique. Albeya: “Te Cajwaltic te Spisil ya xju' yu'une, te Dios yu'un Israel, ya yalbat: ‘Ya me jc'otes ta pasel te bila calojix yu'un te lume, ta swenta bila amen ta stojol, ma ta swentauc yutsilal. C'alal ya xc'ot ta pasel, ya me awil.

Ezequiel 24:11

Ac'a ochel ta c'ajc' ta ora te jochol cobre-oxome, asta ja' to teme mero tsajub yu'un c'ajc' te cobre, soc teme c'ajc' loq'uel te sbolile; asta ja' to teme ch'ay te stotole.

Amós 2:5

Jich yu'un ya cac'bey sc'aal te Judá, tan me ya xjil yu'un te muc'ul naetic ta Jerusalén —xi'.

Jeremías 38:17

Ja' yu'un te Jeremías la yalbey Sedequías: —Te Cajwaltic te Spisil ya xju' yu'une, te Dios yu'un Israel, jich ya yalbat: “Teme ya awac' aba ta sc'ab ta jc'axel te generaletic yu'un te muc' ajwalil ta Babilonia, te ja'at soc te mach'atic ay awu'un ya me xcuxinex, soc te lume ma ba ya yich' chiq'uel.