Jeremías 21:1 - Bible in Tzeltal de Oxchuc y Tenejapa

^1-2 Te muc' ajwalil Sedequías la sticun bael te Pasur snich'an Malquías, soc te sacerdote Sofonías te snich'an Maasías, ta yilel te Jeremías, soc te yacuc yalbey: —Wocoluc jojc'obotic Cajwaltic a te bit'il ay te bila yac ta c'oel ta jwentatique, melel te Nabucodonosor te muc' ajwalil yu'un Babilonia, ya yac'botic guerra. Ayuc bit'il ya spasbotic jchajp at'elil, te ya sticunbotic sujt'el te Nabucodonosor —xi' te Sedequíase. Jich yu'un te Cajwaltic, la sc'opon Jeremías,

Bible in Tzeltal Bachajón

¹ Te sc'op Jehová te tal ta stojol Jeremías te c'alal te ajwalil Sedequías la sticon bahel te Pasur snich'an Malquías soc te sacerdote Sofonías snich'an Maasías yu'un hich ya yalbeyic te Jeremías:

Jeremías 21:1 Referans Kwoze

Jeremías 37:3

Te muc' ajwalil Sedequías la sticun bael te Jucal snich'an Selemías soc te sacerdote Sofonías te snich'an Maasías, ta yilel te j'alwanej Jeremías. Jich c'o yalbeyic: —C'oponbotic Cajwaltic te Dios cu'untique —xiic.

Jeremías 52:24

Te comandante yu'un jcanantaywanejetic la stsac te Seraías, te ja' muc' sacerdote; te Sofonías, te sacerdote te ja' ya sjel sba soque; soc ta yoxebal te jcanan-ti'nail yu'un templo.

Jeremías 38:1

Sefatías te snich'an Matán, Gedalías te snich'an Pasur, Jucal te snich'an Selemías, soc Pasur te snich'an Malquías, la yaiyiquix stojol te bila la yal te Jeremías ta stojol te lume:

Jeremías 37:1

Te Nabucodonosor, muc' ajwalil yu'un Babilonia, la yac' ochuc ta muc' ajwalil ta Judá te Sedequías snich'an te Josías, ta swenta sjelol te Jeconías snich'an Joacim.

1 Crónicas 9:12

te Adaía snich'an Jeroham, te snich'an Pasur, te snich'an Malquías; te Masai snich'an Adiel, te snich'an Jazera, te snich'an Mesulam, te snich'an Mesilemit, te snich'an Imer;

Nehemías 11:12

Soc te sjo'tac ta at'el ta templo, ayic cha'bajc' soc cheb xcha'winic (822). Soc te Adaías snich'an Jeroham, snich'an Pelalías, snich'an Amsi, snich'an Zacarías, snich'an Pasur, snich'an Malquías.

1 Crónicas 3:15

Te snich'nab Josías, ja'ic te Johanán te banquilale; te xchebale, Joacim; te yoxebale, Sedequías; te xchanebale, Salum.

2 Crónicas 36:17

Jich yu'un te Cajwaltic la yac' taluc soc soldadoetic te Nabucodonosor, te ajwalil yu'un caldeoetic, tal smilbey ta puñal te yal-snich'anic ta mero templo, ni ma'yuc c'uxtayel yu'un te queremetic, te ach'ixetic, te mamaletic, ni ja'uc te mach'atic ma'yuc bila ya xju' spasique. Spisilic la yac'bey ta sc'abic te Cajwaltique.

Jeremías 29:29

Te sacerdote Sofonías la yilbey scarta te Semaías, te la yalbey sc'oplal tey a te Jeremías.

Jeremías 37:7

te mach'atic ticunbil tele: —Albeyaic te muc' ajwalil yu'un Judá te la sticunex ta ajojc'obelone, te bayal soldadoetic yu'un faraón te ayiquix tel ta be ta swenta scoltaybelexe, sujt'iquix bael ta Egipto.

Jeremías 37:17

Te muc' ajwalil Sedequías la yal mandal ta iq'uel tel ta spalacio te Jeremías. C'alal c'otix ta stojol a, te muc' ajwalil la sjojc'obey ta muquen: —¿Ay bal yaloj sc'op te Cajwaltique? —xi'. Te Jeremías la sjac': —Ay, ja' in to: “Ja'at muc' ajwalil, ya x'ochat ta sc'ab te muc' ajwalil yu'un Babilonia” xi' me —la yut.

Jeremías 38:14

Te muc' ajwalil Sedequías la yal mandal ta iq'uel tel ta stojol te j'alwanej Jeremías, ta bay yoxebal yochibal templo. Te muc' ajwalil tey la yalbey a: —Ay bila ya jojc'obat jp'aluc, ya jc'an te yacuc asujt'esbon ta mero sjamalul ta jyalel —xi'.

2 Reyes 22:13

—Baan jojc'obeyaic bi xi' cu'un te Cajwaltique, soc bi xi' yu'un uuc te yajwal te lume, soc ta spisil Judá ta swenta te bit'il la yich' tael te libro. Te ya cale, ilinem yo'tan cu'untic te Cajwaltic, melel te antiguo jme'-jtatic tele, ma ba la yac' ta yo'tanic te bila ya yal te libro in to. Ma ba la spasic te bitic ts'ibubil ta libro —xi'.

Jeremías 35:4

La quic' bael ta templo, ta scuarto te snich'nab Hanán, te snich'an Igdalías, te ja' j'alwanej yu'un te Diose. Ja' in cuarto to, tey ay a ta sts'eel scuartoic te jtsobwanejetic yu'un templo, soc ta sba scuarto te Maasías te snich'an Salum, ja' te jcanan-ti'nail yu'un templo.