Jeremías 20:9 - Bible in Tzeltal de Oxchuc y Tenejapa

⁹ Teme ya cal: “Ma'yuquix ta co'tan te Cajwale, ma ba ya calbeyix sc'oplal”, teme xoone, jich yu'un te ac'op ta yutil co'tan ya xc'atp'uj ta c'ajc'. Jich ya xc'ajc'on ta jc'axel, ya me sol ochel c'alal ta jbaquel. La jnop te c'an jcom jba ta yalel te ac'ope; ja'uc me to, ma ba ju' cu'un.

Bible in Tzeltal Bachajón

⁹ Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Jeremías 20:9 Referans Kwoze

Salmos 39:3

mero xpulet c'ajc' ta co'tan la caiy. La jna' ta co'tan, jich toy xan c'ajc' ta co'tan, ja' yu'un jich la cal ta tulan:

Hechos 4:20

Melel ma xju' ya jcom jbatic ta yalel te bila quilojtique soc te bila caiyojtic stojole —xiic.

Ezequiel 3:14

Te yip yu'el te Dios la sjachon jajch'el, la sloq'ueson tey a. Pero yacon ta mel-o'tan bael, soc jchajp la caiy a te co'tane, pero te Cajwaltic tulan la stsacon ta sc'ab.

Hechos 17:16

Te bit'il yac ta maliywanej ta bay lum Atenas te Pablo te ya xtal te Silas soc te Timoteoe, bayal la smel yo'tan tey a, yu'un la yil te bayuc nax ay ta spamal lum Atenas te loc'ombaetic xch'uunejique.

Jeremías 6:11

Cajwal, nojelix co'tan yu'un ya caiy te awilimbae, ma xcujch'ix cu'un ya caiy —xoon. Te Cajwaltic la yalbon: —Mala bael te quilimba ta stojol te alaletic ta calle, ta stojol tsojboltsojp queremetic. Ya me x'ic'otic bael ta chuquel te winiquetic soc te yinamique, soc te mamaletic te bayalix ya'wilalique.

San Lucas 9:62

Te Jesús la yalbey: —Te mach'a ayix ta at'el soc te aradoe, teme ya yil sujt'el te spate, ma xtuun ta abatinel tey a ta banti ay ta ajwalinel te Diose —xi' te Jesuse.

Hechos 18:5

Te c'alal julic te Silas soc te Timoteo te jilemic ta Macedonia, te Pablo ja' nax caj yat'elin yalel te lec yach'il c'ope. Jamal la yalbey te judioetic te ja' Cristo te Jesuse.

Jeremías 4:19

Ya jts'ot jba yu'un jwocol, te co'tan xwilwon nax ta jyalel. Ma xcomon ta c'op, ma xju' xch'abon. Ay la caiy stojol sc'op oq'ues, ay aw yu'un guerra.

Jeremías 23:9

Te bit'il ay sc'oplal te j'alwanejetic, jich ay: Lajemon ya caiy soc te co'tane; spisil jbaq'uetal ya xnijc'. Jichon yilel te bit'il jyacubele; jich bit'il jtul winic u'uninbil yu'un vino. Ja' ta scaj te Cajwal soc te xch'ul-c'ope.

Ezequiel 3:3

La yalbon xan: —Bic'a te ts'ibubil jun ya cac'bate, nojesa ach'ujt' a —xi'. Te jo'one la jwe', mero chi' la caiy jichuc chab.

Amós 3:8

¿Ay bal mach'a ma xnijc' yo'tan yu'un xiwel, teme awun te león-choje? ¿Ay bal mach'a ma xc'opoj ta j'alwanej teme la yal mandal te Cajwaltique?

Jonás 1:2

—Jajch'an ta beel, baan ta muc'ul lum Nínive. Albeya te ya jlajinix, scaj te toyix sc'oplal ta ch'ulchan te smulic ta jtojole —xi' sc'oplal yu'un te Cajwaltique.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.