Jeremías 20:8 - Bible in Tzeltal de Oxchuc y Tenejapa

⁸ Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Bible in Tzeltal Bachajón

⁸ Te jujun buelta te ya xc'opojon, hich ya x'awonon: ¡Ay uts'inel soc jinel! xchihon, como te sc'op Jehová la yac'on ta ixta'c'optayel soc labanel jujun c'ahc'al.

Jeremías 20:8 Referans Kwoze

Jeremías 6:10

La cal te jo'one: —¿Mach'a me ya yaiybon jc'op, teme ya jc'opon, soc teme ya calbey yaiy in c'op to? Cajwal, smacoj xchiquinic, ma xju' ya yaiyic stojol; ya slabanic te ac'ope, ma'yuc yutsil yo'tanic yu'un.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

1 Pedro 4:14

Teme ta scaj te ach'uunejic Cristo te ayex ta bolc'optayele, bin nax me awutsilic yu'un, te melel xojobajem ta atojolic te yutsilal te Espíritu yu'un te Diose. Amen sc'oplal yu'unic te Diose; yan te ja'exe, lec sc'oplal awu'unic stuquel.

Hebreos 13:13

Ac'a loc'ucotic bael ta pat lum uuc ta banti ay te Jesuse. Ac'a me ts'ijc'uc cu'untic uuc teme ayotic ta labanele, jich te bit'il la yich' labanel stuquele.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

San Lucas 11:45

La sjac' tel jtul jts'ibojom: —Maestro, te bit'il jich la awale, jo'otic la aq'uexlaltesotic uuc —xi'.

Jeremías 28:8

Te mach'atic neel j'alwanejetic cu'untic ta namey, te c'alal ma to x'ayinotic a, la yalbeyic sc'oplal guerra, woclajel soc chamel te ya xmilawane ta stojol bayal ta jchajp nacionetic soc tulanil ajwaliletic.

Jeremías 20:7

Cajwal, ja'at la alo'layon; jich te jo'one la cac' jba ta lo'layel awu'un. Mero c'ax tulanat te ja'ate, jich la atsalon. Ta spisil ora xjajch'ibalon tse'ej; spisilic ya slabanonic.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Jeremías 7:9

Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Jeremías 5:1

Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.

Jeremías 15:10

¡Ay, te jo'one, me', obol jba te la awac' ayinucon ta q'uinale! ¡Ja' nax ayon ta yilel puro c'op soc tsactomba ta spamal balumilal! Ma'yuc mach'a jmajanejbey staq'uin, ni ma'yuc mach'a smajanejbon jtaq'uin; ja'uc me to, spisilic ya sbolc'optayonic.

Jeremías 15:15

Cajwal, ja'at te ya ana' spisil atuquele; na'awon te jo'one, soc la', coltayawon. Ac'beya spacol te mach'atic ya yuts'inonique. Ma me ja'uc te c'axem to xan ya ats'icbeye; ma me x'awac'on jilel ta lajel te jo'one. Ya me awil te jts'icoj ixtac'optayel ta awentae.

Habacuc 1:3

¿Bistuc ya awac'bon quil bayal uts'inel soc te bila amene? Joytaybilon yu'un te j'uts'inwanejetic soc te jlajinwanejetique; ta spisil ta bayuc ay guerraetic soc c'opetic.

2 Reyes 2:23

Patil te Eliseo jajch' bael tey a, bajt' ta Betel. C'alal yac ta moel bael ta be a, ay jch'iel queremetic ta lum, loc' tel ta tael yu'un. Jajch' ta labanel yu'un te queremetic, jich la yalic ta aw: —¡Moan tel, t'ax jol! ¡Moan tel, t'ax jol! —xiic.

Isaías 57:4

¿Mach'a ya alabanic te ja'exe? ¿Mach'a ya awixlan ani'ic yu'un ta yilayel? ¿Mach'a ya awac' ta ilel a te awaq'ue? Ja'ex jmulawiletic, soc snich'nabex jpas-lotetic.