Jeremías 20:7 - Bible in Tzeltal de Oxchuc y Tenejapa

⁷ Cajwal, ja'at la alo'layon; jich te jo'one la cac' jba ta lo'layel awu'un. Mero c'ax tulanat te ja'ate, jich la atsalon. Ta spisil ora xjajch'ibalon tse'ej; spisilic ya slabanonic.

Bible in Tzeltal Bachajón

⁷ La alo'loyon, Jehová, la jquich' lo'loyel; c'ax hich awip a te bin ut'il te quipe, hich la atsalon. Jujun c'ahc'al ya quich' tse'layel, spisilic ya slabanonic.

Jeremías 20:7 Referans Kwoze

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Lamentaciones 3:14

Spisil te jlumale ya slabanonic; ta spisil ora jo'on ya staonic ta labanel.

Ezequiel 3:14

Te yip yu'el te Dios la sjachon jajch'el, la sloq'ueson tey a. Pero yacon ta mel-o'tan bael, soc jchajp la caiy a te co'tane, pero te Cajwaltic tulan la stsacon ta sc'ab.

Jeremías 20:9

Teme ya cal: “Ma'yuquix ta co'tan te Cajwale, ma ba ya calbeyix sc'oplal”, teme xoone, jich yu'un te ac'op ta yutil co'tan ya xc'atp'uj ta c'ajc'. Jich ya xc'ajc'on ta jc'axel, ya me sol ochel c'alal ta jbaquel. La jnop te c'an jcom jba ta yalel te ac'ope; ja'uc me to, ma ba ju' cu'un.

Hebreos 11:36

Soc ay c'ax swocolic ta bolc'optayel, ta majel ta nujc'ul, ta chuquel ta cadena soc ay ochic ta chucjibal.

1 Corintios 9:6

¿Jo'on nax bal soc te Bernabé te ma'yuc ta jwentatic yich'el te bila ya xtuun cu'untique?

Hechos 17:32

Te c'alal la yaiyic stojol te ya xcha'cuxic te animaetique, ay cajic ta labanwanej yu'un. Soc yantic la yalic: —Yan to buelta ya caiytic xan stojol te bila ya awale —xiic.

Hechos 17:18

Ay filósofoetic yu'un te epicúreoetique soc te estoicoetique, jajch'ic ta tsaltomba-c'op soc te Pablo. Jich la yalic: —¿Bi ya sc'an ya yalic me chulti' to? —xiic. Soc ay yantic la yalic: —Jchol-c'op yu'un yach'il diosetic yilel —xiic yu'un. Jich la yalic yu'un te bit'il ya xcholbey sc'oplal te lec yach'il c'op yu'un te Jesús soc te bit'il ay te cha'cuxele.

San Lucas 23:11

Te Herodes soc te soldadoetic yu'une, la stse'layic te Jesuse soc la slabanic. La yac'beyic slap t'ujbil c'u'ul swenta muc' ajwalil. Jich te Herodese la sticun sujt'el ta stojol te Pilatoe.

San Lucas 16:14

Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

Miqueas 3:8

Yan te jo'one, te espíritu yu'un Cajwaltic ya yac'bon quip, toj-o'tanil soc stulanil co'tan, swenta yu'un ya me calbey ta sit Israel te stoybaile soc te smule.

Jeremías 29:26

“Te Cajwaltic yac'ojat ta sacerdote ta swenta sjelol Joiada yu'un swentainel te templo. Teme ay ya xtal te mach'a jowejem sjol te ya xjajch' ta c'op jich bit'il j'alwanej, te ja'at ya me sc'an ya awac' ta xojel ta te' te yacane, soc ya achuc ta cadenaetic.

Jeremías 17:16

Ja'uc me to, ma'yuc bay cac'oj puersa ta sc'anel te ya aticun tel tulan wocol; ma'yuc bay sc'anoj co'tan te ay bila chujc'ul ya xtal ta stojolique. Ja'at ya ana' ta lec te bila caloje, melel jich la cal ta atojol.

Jeremías 15:18

¿Bi yu'un te ma xcom te bila c'ux ya caiye? ¿Bi yu'un te ma'yuc ta poxtayel te quejch'ene, te ma xch'uun te jayebuc te poxtayele? Jich c'oemat ta jtojol te bit'il beja' te ya xlo'laywan, te ma staleluc ay ya'lele.

Jeremías 15:10

¡Ay, te jo'one, me', obol jba te la awac' ayinucon ta q'uinale! ¡Ja' nax ayon ta yilel puro c'op soc tsactomba ta spamal balumilal! Ma'yuc mach'a jmajanejbey staq'uin, ni ma'yuc mach'a smajanejbon jtaq'uin; ja'uc me to, spisilic ya sbolc'optayonic.

2 Reyes 2:23

Patil te Eliseo jajch' bael tey a, bajt' ta Betel. C'alal yac ta moel bael ta be a, ay jch'iel queremetic ta lum, loc' tel ta tael yu'un. Jajch' ta labanel yu'un te queremetic, jich la yalic ta aw: —¡Moan tel, t'ax jol! ¡Moan tel, t'ax jol! —xiic.

Job 12:4

“Manchuc me ma'yuc bila jpasoj soc manchuc me toj ayon, soc ta yan c'aal la yaiybon te Dios te la calbey wocole, yo'tic te camigotac ya stse'luyonic.

Salmos 119:51

Te mach'atic toybaetic ya yixtac'optayonic ta spisil ora; ja'uc me to, ma ba ya quijq'uitay te p'ijubtesel awu'une.

Jeremías 38:19

Te Sedequías la sjac': —Ya jxi' te judioetic te ay c'axemiquix ta stojol te caldeoetique; teme ya x'ochon ta sc'abique, ya niwan yac'bonic c'axuc jwocol —xi'.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Job 30:9

“Pero yo'tic ya slabanonic, ya xchajbanic jontol tse'luyel c'op ta jtojol.

Isaías 8:11

Te Cajwaltic tulan la stsacon ta sc'ab, la yac'bon jna' te ma jnopbey stalelic in lum to. La yalbon: