Jeremías 20:4 - Bible in Tzeltal de Oxchuc y Tenejapa

⁴ Melel te Cajwaltic ya yalbat: “Ya me cac' te ja'at nix ya axiwtes aba atuquel soc ta spisil te ajo'taque. Ta mero asit atuquel, te ajo'tac ya me xlajic ta spuñal te scontrotaque. Ya me cac' ta c'abal spisil yajwal te Judá ta sc'ab te muc' ajwalil yu'un Babilonia, te ya x'ic'otic bael ta Babilonia, o teme ya xlajic ta milel ta cuchillo.

Bible in Tzeltal Bachajón

⁴ Como hich yaloj te Jehová: Ilawil, ya cac' te ha'at nix tulan yac axiwtes aba soc spisil te mach'atic jun awo'tan soque. Ya me awil ta asit te ya xlajic ta espada yu'un te scontrataque. Ya cac' ta sc'ab te ajwalil yu'un Babilonia spisil Judá, ha ya yic'ticlan bahel ta chuquel ta Babilonia soc ya me smilticlan ta espada.

Jeremías 20:4 Referans Kwoze

Jeremías 29:21

“Te Cajwaltic te Spisil ya xju' yu'une, te Dios yu'un Israel, ya yalbey sc'oplal te Acab te snich'an Colaías soc sc'oplal te Sedequías te snich'an Maasías, te ja'ic ya yalic c'op ta swenta Cajwaltic ta sc'opique. Ya me cac' te ya x'ochic ta sc'ab te muc' ajwalil Nabucodonosor ta Babilonia, ja' me ya smil ta atojolic.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 19:15

—Te Cajwaltic te Spisil ya xju' yu'une, te Dios yu'un Israel, ya yalbeyex: “Ya jticunbey tel spisil castigo ta stojol te alumal soc spisil te lumetic nopol ayic te la calbeyix sc'oplale. Melel tulan yac'oj te yo'tanique yu'un ma la yich'bonic ta muc' te jc'ope”, xi' me te Cajwaltic —xi' te Jeremiase.

Jeremías 6:25

Ma me xloq'uex bael ta aquiltic, ma me xbaex ta bebetic. Te controe chapal me; ay me muc' xiwel ta spisil ta bayuc —xiic.

Salmos 73:19

Ta ora nax me lajem ya xjilic. Ya me xlajinotic yu'un te xiwele.

2 Reyes 25:7

Ta sit nix la yac' ta milel te snich'nabe. Te Sedequías la yich' loq'uesel sit, la yac' ta chuquel ta cadena yu'un ya yic' bael ta Babilonia.

1 Samuel 2:33

Pero ya me xjil jtul ats'umbal cu'un ta bay nopol scajtijib te jmajt'ane. Pero swenta yu'un ya xtup' asit yu'un oq'uel soc ya amel awo'tan yu'un, spisil ats'umbal te ya to x'ayinic, ch'iel winiquetic to me a te ya xlajique.

Jeremías 13:10

Ja' in lum to te amen yo'tane ma sc'an xch'uunbon te jmandale, q'uejel yac'oj sbaic bael soc stulanil te yo'tanique. Bajt'ic ta stojol lotil diosetic, yac'oj sbaic ta abatinel yu'un soc ta xch'uunel. Pajalic soc te xchujq'uil ach'ujt' te ma'yuquix yutsil ta jyalele.

Jeremías 13:19

Te lumetic ta Néguev, joytaybilix yu'un scontro, ma'yuc mach'a ya xju' xc'axix tey a. Spisilic te ants-winiquetic yu'un Judá ic'otic bael ta yan lum, spisil bajt'ic ta jyalel.

Jeremías 20:6

Te ja'at Pasur, ya me x'ic'otat bael ta Babilonia soc spisil mach'atic ay awu'un. Tey ya xlajat a, soc tey me ya xmujc'at a soc spisil te ajo'tac, te la awalbey lotil c'op ta j'alwaneje”, xi' ac'oplal yu'un te Cajwaltique —xi' te Jeremías.

Jeremías 46:5

“Ja'uc me to, ¿bila a te ya quile? Yacalic ta sujt'el tel, nojel tel xiwel ta yo'tanic. Te soldadoetic yu'un ya spuc sbaiquix bael; loq'uiquix bael ta animal, ma yiliquix sujt'el spatic. ¡Ay xiwel ta bayuc! Jo'on Ajwalilon, tulan ya cal.

Jeremías 52:24

Te comandante yu'un jcanantaywanejetic la stsac te Seraías, te ja' muc' sacerdote; te Sofonías, te sacerdote te ja' ya sjel sba soque; soc ta yoxebal te jcanan-ti'nail yu'un templo.