Jeremías 20:16 - Bible in Tzeltal de Oxchuc y Tenejapa

¹⁶ Ja' me winic to jichuc me te bit'il lumetic te Dios ya sjin sbajt'el q'uinale. Ac'a chicnajuc awetic ta sab yu'un xc'uxul, soc señail guerra ta olil c'aal.

Bible in Tzeltal Bachajón

¹⁶ Te winic ini hichuc me te bin ut'il te pueblohetic te jinotic yu'un Jehová te ma ba la sna'be yo'bolil sba. Ac'a ya'iy awetic ta sahb, soc c'op yu'un guerra ta ohlil c'ahc'al,

Jeremías 20:16 Referans Kwoze

Jeremías 18:22

Ayuc bit'il ora nax ya aticunbey tel jtsojp j'eleq'uetic ta stojolique; ac'a chicnajuc yawic yu'un te xiwele. Melel la sjoq'uic ch'en c'oem swenta yu'un tey ya smaconic a, la yaq'uic pejts' ta bay ya xbeenon.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

2 Pedro 2:6

Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

San Lucas 17:29

Te bi c'aalil loc' tel ta lum Sodoma te Lote, yal tel c'ajc' soc azufre ta yolil ch'ulchan. Jich lajic ta spisilic.

Sofonías 1:16

Ja' me sc'aalelal ta oq'uesinel oq'ues soc aw ta scontroinel te lumetic te tulanic sts'ajc'ul soc te ay toyol balal ts'ajq'uetic yu'unique.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Jonás 3:4

Te Jonás och bael ta yutil te muc'ul lume. Been bael te jun c'aal. Jich yac ta yalel ta aw: —¡Ta cha'winic c'aal ya me xlaj te lum Nínive! —xi' ta aw.

Amós 4:11

—La jlajinex jich bit'il la jlajin Sodoma soc Gomorra; jich jilat te bit'il xutumte' loq'uesbil tel ta c'ajc'. Ja'uc me to, ma la asujt'es awo'tanic ta jtojol yu'un —xi' ta tulan te Cajwaltique.

Amós 2:2

Jich yu'un ya me cac'bey sc'aal te sq'uinal Moab, tan me ya xjil yu'un te muc'ul naetic ta Queriot te c'alal ay aw yu'un guerra soc te ya x'oq'uesinot oq'ues. Jich me ya xlajic te moabetique.

Amós 1:14

Jich yu'un ya me cac'bey sc'aal te ts'ajq'uetic yu'un Rabá, tan me ya xjil yu'un te muc'ul naetic te c'alal ay aw yu'un guerra, soc xpumet nax me, jichuc yic'al ja'al ta yorail.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Oseas 10:14

ay me ya xjajch' ch'inlajinel ta yolil te ants-winiquetic awu'une. Spisilic te tulanil ts'ajq'uetic awu'une, tan me ya xbajt'ic, jich bit'il tan c'ot yu'un te muc' ajwalil Salmán te Bet-arbel ta sc'aalelal guerra, c'alal la yich' majel ta lum te me'il soc te yalataque.

Ezequiel 21:22

Ta swa'elc'ab loc' te yat'ejibalul t'imalte' te ya yac' ta na'el te ja' tsabil c'ot te Jerusalén, soc te ya spas na'el te ya yich' ac'beyel guerra soc at'ejibaletic yu'un yochintayel, soc te ya yac' mandal te ya xjajch' miltomba: “¡Guerra!”, xiic me ta aw. Ya me stop'beyic sti' te lume, ya me sjachic spasel smoibalul te sts'ajc'ule, soc ya me sjoyintayic ta jc'axel.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Jeremías 18:8

teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Jeremías 4:19

Ya jts'ot jba yu'un jwocol, te co'tan xwilwon nax ta jyalel. Ma xcomon ta c'op, ma xju' xch'abon. Ay la caiy stojol sc'op oq'ues, ay aw yu'un guerra.

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.

Lamentaciones 4:6

Te smul te jlumal Israele, ja' muc' xan yu'un a te smul Sodoma; ta ora nax laj ta jinel, manchuc me ma'yuc mach'a tal sjin.

Oseas 13:14

¿Ya bal cac' ta libre yu'un yu'el te muquenale? ¿Ya bal jcoltay loq'uel yu'un a te lajele? ¿Banti ay awu'el, ja'at lajel, te jinwanejate? ¿Banti ayic, muquenal, te bila amen awu'une? Ma ba ya jna'beyix yo'bolil sba te ants-winiquetique —xi' te Cajwaltique.

Deuteronomio 29:22

Te mach'atic jaycaj xan ya xchicnajique, ja' te patil alnich'anetic awu'unic te ya xchicnajic xan tel ta q'uinale, ja' nix jich te jyanlumetic te ya xtalic ta c'ubul q'uinale, ya me yilic te castigo soc chameletic ya yac'bey tel Cajwaltic ta stojol te lumq'uinal in to.