Jeremías 20:13 - Bible in Tzeltal de Oxchuc y Tenejapa

¹³ C'ajintayaic te Cajwaltic, albeyaic yutsil sc'oplal; melel ja' stuquel ya scoltay te mach'a ay swocol yu'un te mach'atic amenique.

Bible in Tzeltal Bachajón

¹³ ¡C'ayojtayahic te Jehová, halbeyahic yutsil sc'oblal! como la ya'be ta libre te scuxlejal te pobre ta sc'ab te mach'atic chopolique.

Jeremías 20:13 Referans Kwoze

Isaías 25:4

Melel ja' anjibalat yu'un te me'bae, ja' ya xc'opojat yu'un te bitic ya xtuun yu'unic te mach'atic ayic ta wocole, anjibalat yu'un, ta bay tulan yic'al ja'al, axinalat yu'un te toyol sq'uixnal c'aale. Te bitic ya spas te winiquetic te c'ax amen yo'tanique, jich c'oem te bit'il tulan ic' ta yorail invierno,

Salmos 69:33

Melel te Cajwaltic ya yaiybey sc'opic te mach'a me'baetic; ma ba ya xch'ay te mach'atic yu'un te ayic ta chuquele.

Salmos 72:4

Te muc' ajwalil ac'a yac'bey bila mero stojil ta swenta te me'baetique. Ac'a scoltaybey te yal-snich'nab te mach'atic ma'yuc bila x'ain yu'unique; yan te jmozoinwanejetique ac'a yich'ic lajinel jilel stuquelic.

Salmos 34:6

Awun te mach'a obol sbae, te Cajwaltic la yaiy stojol; jich la yac' ta libre yu'un spisil te swocole.

Jeremías 15:21

Ya cac'at ta libre yu'un yipic te mach'atic amen yo'tanique; ya jcoltayat yu'un yipic te mach'atic bayal ya yuts'inate —xi'.

Jeremías 31:7

Te Cajwaltic ya yal: —Binuc nax awo'tanic ya xc'ajinex soc yutsil awo'tanic ta swenta te lum yu'un Jacob; ja' cajal sc'oplal ta yolilic ta spisil te nacionetique. Ac'aic ta aiyel stojol yutsilal sc'oplal, soc jich ac'a yalic: “Te Cajwaltic la scoltay te lum yu'une, te jayeb xan a jilic yu'un te lum Israele”, xiic me ta yalel.