Jeremías 20:12 - Bible in Tzeltal de Oxchuc y Tenejapa

¹² Cajwalat te Spisil ya xju' awu'une, ja'at te stojil ya atsajtay o'tanil atuquel, ja'at te ya awilbey c'alal ta yutil yo'tan te winique, ac'bon quil bit'il ya awac'bey castigo te ants-winiquetique. Melel cac'ojbat ta ac'ab te jwocole.

Bible in Tzeltal Bachajón

¹² Ha'at, Jehová te acuentahinej spisil, te yac atsahtaybe yo'tan te mach'atic toj yo'tanic, te yac ana'be yo'tan soc te bin snopoje, a'bon quil te spacol yac awac'ticlambe, como cac'oj ta acuenta te bin ut'il ayone.

Jeremías 20:12 Referans Kwoze

Jeremías 11:20

Ja'uc me to, te ja'at Cajwal te Spisil ya xju' awu'une, ja'at tojat ta juecil atuquel; ja'at ya ana' c'alal to ta mero yutil co'tantic. Ac'bon quil te bit'il ya awac'bey castigo te winiquetique, melel cac'ojbatix ta ac'ab te c'op cu'une.

Salmos 62:8

Jlumal, ja' ac'a smuc'ulin awo'tanic spisil ora stuquel; albeyaic wocol ta stojol ta mero spisil awo'tanic. Ja' anjibal stuquel te Dios cu'untique.

Salmos 54:7

Melel acoltayejon ta spisil woclajel; la quil te spisil tsalbil c'ot te jcontrotaque.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Salmos 59:10

Te Dios te c'uxon ta yo'tane, ya me xtal staon bael; ya me yac'bon quil te ya jtsal te jcontrotaque.

Salmos 139:23

Dios cu'un, na'bon co'tan ta lec, tsajtayawon; pasawon ta prueba, na'bon ta lec bila snopoj te co'tane;

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Isaías 37:14

Te Ezequías la stsac te carta te la yac'bey ta sc'ab te abatetique, la yil te bila la yal tey a. Ta ora nax a bajt' ta templo, soc la slejch'an te carta ta stojol te Cajwaltique,

Salmos 17:3

Te ja'at ana'oj ta lec te bitic ya jnop ta co'tane; ta ajc'ubal ya xtal awilon spisil ora; melel apasojonix ta prueba ta c'ajc', ma'yuc ataojbon te bila amen ta jtojole. Ma'yuc caloj te bitic ma lecuc ta alel

Salmos 11:5

Te Cajwaltic ya yil te mach'atic toj yo'tanic soc nix te mach'atic amen yo'tanique. Te mach'atic amen yo'tanic jc'axel yilayej ta yo'tan stuquelic, ja' te mach'atic toyol yo'tanic ta spasel te uts'inwaneje.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

1 Pedro 4:19

Jich yu'un teme ay mach'a ya xc'ax swocolic ta swenta sc'anjel yo'tan te Diose, ma me xquejch'anic spasel te bila leque. Soc ac'a me yac' sbaic ta canantayel soc xch'ulelic ta stojol Dios te ja' Jpaswaneje, te jun yo'tan ta jtojoltic stuquele.

1 Pedro 2:23

Te c'alal laj ta ixtac'optayele, ma la sujt'esbey te yixta-c'opique. Te c'alal c'ax swocole, ma ba loc' utaw ta ye. Ja' nax la yac' sba ta sc'ab te Diose, te toj ya xchajbanwan stuquele.

Jeremías 12:8

Ja' in lum to, te ja' cu'un ta neelale, jich c'oemix ta co'tan te bit'il león-choj ta ja'mal; awun ta jtojol, jich yu'un la quilay.

Isaías 38:14

Yacon ta c'op jich bit'il ulichetic, ya x'ajc'anajon jich bit'il te stsumutetique. Te jsite ya xlubix ta yilel te ch'ulchane. ‘Cajwal, tenbilon ya caiy, jac'bon te jc'ope’, xoon.

Salmos 86:4

Cajwal, ac'bon yutsil co'tan te awabatone, melel ja'at ya calbat wocol ta atojol.

2 Crónicas 24:22

Te muc' ajwalil Joás ch'ay ta yo'tan te bit'il la yich' c'uxtayel yu'un te Joiada, ja' te stat Zacarías, la smilbey te snich'an, ja' te Zacarías. Te c'alal nopol xlajix a, jich la yal xan ta aw: “¡Ac'a yil Cajwaltic soc ac'a yac'bey stojic!” xi' xan jilel.

1 Samuel 1:15

Te Ana la yal: —Ma jichuc, tatic, ma yu'unuc cuch'oj vino, soc ma yu'unuc cuch'oj tulan uch'balil. Scaj te mero c'ux obol jba ya caiy, ja' yu'un yacon ta sc'anel c'uxtayel ta stojol te Cajwaltique.

Salmos 58:10

Te mach'a jun yo'tan ta stojol Dios, bin nax me yo'tan ya yil te ya sujt' spacol te bi ya spasbote; ya me smul yacan ta xch'ich'el te mach'atic amen yo'tanique.