Jeremías 20:11 - Bible in Tzeltal de Oxchuc y Tenejapa

¹¹ Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Bible in Tzeltal Bachajón

¹¹ Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Jeremías 20:11 Referans Kwoze

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Jeremías 15:20

Ya me cac' te jichucat ta swenta in lum to te bit'il ts'ajc' pasbil ta bronce te wocol ta jinele. Ya yac'bat guerra, pero ma ba ya stsalat. Melel joinejat, ya jcoltayat soc ya cac'at ta libre. Jo'on Ajwalilon, jich ya cal.

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Salmos 6:10

Te jcontrotac lajelix ya yaiyic yu'un xiwel, ma stij sbaiquix ta jyalel yu'un; jmuts' nax sitil ya x'anic bael yu'un q'uexlal.

Salmos 40:14

Ac'a yich'ic q'uexlaltesel soc jowtesel te mach'atic ya slebonic jlajele. Q'uexlaltic sba ac'a sujt'uc bael ta spatic te mach'atic ya sc'an ya yuts'inonique.

Salmos 35:26

Ac'a potsotuc yu'un xq'uexlalic te mach'atic bin nax yo'tanic yu'un te jwocole; jc'axel ac'a potsotuc jilel yu'un xq'uexlalic te mach'atic cajal yac'oj sbaic ta jtojole.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Jeremías 23:40

Ta swenta sbajt'el q'uinal ya jpejc'anex soc ya caq'uex ta q'uexlal, te ma'yuc bi ora ya xch'ay ta o'tanile’, xi' me”, uta me —xi' te Cajwaltique.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Isaías 45:16

Spisilic te mach'atic ya spasic loc'ombaetic ya me xq'uexawic yu'un; peq'uel me ya xjilic soc ma'yuc sc'oplalic ya xc'otic.

Salmos 66:5

La'ic, ilawilic te yat'el Diose, te jchajp at'eliletic spasoj ta stojol te ants-winiquetique:

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Salmos 65:5

Dios cu'untic soc jcoltaywanej cu'untic, ja'at ya ajac' jc'optic ta buen t'ujbil at'eliletic te mero stojil aye. Ta spamal lumq'uinal ja'at smuc'ulinejat yo'tan, ja' nix jich te mar c'ubul ay;

Salmos 47:2

Melel te Cajwaltique, ja' te Mach'a mero Toyole, ay ta xi'el stuquel; ja' mero Muc' Ajwalil ta spamal balumilal.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Salmos 129:2

bayal buelta ay mach'atic la yac'boniquix jwocol, pero ma ba ju'em yu'un stsalbelonic c'alal ora.

Jeremías 15:15

Cajwal, ja'at te ya ana' spisil atuquele; na'awon te jo'one, soc la', coltayawon. Ac'beya spacol te mach'atic ya yuts'inonique. Ma me ja'uc te c'axem to xan ya ats'icbeye; ma me x'awac'on jilel ta lajel te jo'one. Ya me awil te jts'icoj ixtac'optayel ta awentae.

Jeremías 22:22

Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.

Jeremías 32:18

Te ja'ate ya awac' ta ilel xc'uxul awo'tan jmil ta caj te alnich'anetique; ja'uc me to, ya awac'bey castigo ta scaj smulic te me'il-tatiletique. Ja'at muc' Diosat soc bayal awu'el, te abiile ja' “Ajwalil te Spisil ya xju' yu'un”.

Jeremías 1:18

Jich me ya cac'at yo'tic te bit'il lum te ay tulan sts'ajc'ule, jich bit'il oy-taq'uin, jich bit'il ts'ajc' pasbil ta bronce. Jich tulan me ya awac' aba ta stojol spisil ta spamal sq'uinal Judá: ja' te muc' ajwaliletic yu'unic, te jtsobwanejetic soc te sacerdoteetic, soc spisil te yajwale.