Jeremías 20:10 - Bible in Tzeltal de Oxchuc y Tenejapa

¹⁰ La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Bible in Tzeltal Bachajón

¹⁰ La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Jeremías 20:10 Referans Kwoze

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

Salmos 31:13

Ya caiy stojol te yacalic ta le-c'op te ants-winiquetique; ya sjoytayon te xiwele. Jun nax yac'oj sbaic ta xchajbanel te jc'oplale; ja' ya xchajbanic te ya smilonique.

Isaías 29:21

jich nix te mach'atic tojol nax ya yac'beyic scuch bila amen ta pasel yu'un te yantique, soc te ya yaq'uic yaluc te juez, soc te ya xlo'laywanic te jich ya scombeyic chajbanel ta stojol te mach'a ma'yuc smule.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Hechos 24:13

In winiquetic to ma staic te bila ya yac' ta ilel te ay bila amen jpasoje.

Ezequiel 22:9

Ay ya spasic lot swenta jich ya x'ac'ot ta lajel yu'un a te yantique. Ay ya xwe'ic-x'uch'ajic ta witsetic ta yich'el ta muc' te loc'ombaetique. Ay ya spasic te bitic mero ilaybil sbae.

Jeremías 6:25

Ma me xloq'uex bael ta aquiltic, ma me xbaex ta bebetic. Te controe chapal me; ay me muc' xiwel ta spisil ta bayuc —xiic.

Proverbios 10:18

Te mach'atic ya smuc slab yo'tanic, yacalic me ta lot; soc te mach'atic ma sna'ic q'uinal, ya spucbey sc'oplal yantic.

San Lucas 20:20

Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

Job 19:19

Te mach'atic mero jun co'tan jba soque soc te jun ayon soque, ma'yuquix cutsil ta sitic; te mach'atic c'ux ta co'tan, c'atp'ujix ta jcontro.

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

1 Reyes 19:2

Te Jezabel la sticun ta alel te Elías: “Teme ja'at Eliasat, te jo'on Jezabelon. Ac'a yac'bon tulan castigo te diosetic, teme pajel ta jichilan ora te ma jichuc ya jpasbat uuc te bit'il la apasbey te j'alwanejetique”, xi'.

Hechos 7:54

Te c'alal la yaiyic stojol te bila la yal te Estebane, mich'ot yo'tanic yu'un ta c'axem to xan. La xc'ux yeic yu'un ta scontroinel.

Hechos 5:33

Te c'alal la yaiyic stojole, la smich' sba yo'tanic yu'un. C'an smilic.

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

1 Reyes 22:27

Albeyaic te jo'on ya cal mandal te ya yaq'uic ta chucjibal, soc ac'a yac'beyic swe' taquin waj soc jteb nax ja', ja' to te c'alal buen lec ayon a ya sujt'on tale —xi'.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

Jeremías 11:19

Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Jeremías 11:21

Te winiquetic ta Anatot la slebonic te jlajele, soc te la yalic mandal te ma me xc'opojon ta swenta te Cajwaltic, teme ma sc'an co'tan ya smilonique.

Jeremías 20:3

Ta yan c'aal ta patil la yal mandal ta loq'uesel te Jeremías ta bay xojol te yacane. Jich yu'un te Jeremías la yal: —Te Cajwaltic la sjelbatix abiil, Magor-misabib c'otix.

Jeremías 37:13

Te c'alal c'ot ta yochibal Jerusalén te Benjamín sbiile, ay jtul winic Irías sbiil, snich'an te Selemías, te smam Hananías, ja' jwolwanej yu'un te jcanantaywanejetique, la scom te Jeremías, jich la yalbey: —Te ja'ate yacat me ta c'axel bael ta stojol caldeoetic ya quil —la yut.

Daniel 6:4

Te mach'atic la yich' yat'elic ta yilel yat'el yantic, soc te gobernadoretic, la sleic bi ya yut ya slebeyic smul ta swenta yat'el te muc' ajwalile, pero melel buen toj yo'tan ya x'at'ej te Daniel, ma ba wejt' yu'unic banti ya stabeyic smul. Jich ma'yuc bila ju' yu'unic yaq'uel ta swenta.

Salmos 31:14

Ja'uc me to, smuc'ulat co'tan Cajwal; calojix: “Ja'at Diosat cu'un”, xoon.

Salmos 41:10

Pero ja'at Cajwal, na'bon yo'bolil jba, jachawon jajch'el, jich me ya cac'bey stojic.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.