Jeremías 20:1 - Bible in Tzeltal de Oxchuc y Tenejapa

¹ Te Pasur snich'an Imer, te ja' sacerdote soc swentainej te templo, c'alal la yaiy te bila la yal te Jeremías,

Bible in Tzeltal Bachajón

¹ Te Pasur snich'an Imer, te príncipal sacerdote ta sna Jehová, c'alal la ya'iy te bin la yal te Jeremías,

Jeremías 20:1 Referans Kwoze

2 Reyes 25:18

Te comandante yu'un te jcanantaywanejetic yu'un te muc' ajwalile, la stsac te Seraías te muc' sacerdote, te Sofonías te ja' nix xchebal sacerdote, soc te oxeb jcanan-ti'nailetic yu'un te templo.

Hechos 5:24

Te c'alal la yaiyic stojol in to, te muc' sacerdote soc te jwolwanej-canan-templo soc te jwolwanej-sacerdoteetique, jajch' yaanic bit'il ya xc'ot ta loq'uel.

Hechos 4:1

Te Pedro soc te Juane yacalic to ta c'op ta stojol a te lume, talic te sacerdoteetic soc te jwolwanej yu'un te jcanan-temploe soc uuc te saduceoetique.

2 Crónicas 35:8

Soc te sjoy ta at'el yu'un te muc' ajwalil la yaq'uic majt'anil chambalametic ta spasemal yo'tanic ta stojol te lum, ta stojol te sacerdoteetic soc ta stojol te levitaetique. Ja' nix jich te Hilcías, Zacarías soc Jehiel te swentainejic te templo yu'un Dios, la yac'beyic te sacerdoteetic cha'mil soc lajunwinic xcha'bajc' (2,600) chambalametic ta swenta spasel te Q'uin Pascua, soc jo'lajunwinic (300) toroetic.

1 Crónicas 9:11

Azarías snich'an Hilcías, te snich'an Mesulam, te snich'an Sadoc, te snich'an Meraiot, te snich'an Ahitob, te ja' muc' sc'oplal ta jtsobwanej ta sna Dios;

Jeremías 20:6

Te ja'at Pasur, ya me x'ic'otat bael ta Babilonia soc spisil mach'atic ay awu'un. Tey ya xlajat a, soc tey me ya xmujc'at a soc spisil te ajo'tac, te la awalbey lotil c'op ta j'alwaneje”, xi' ac'oplal yu'un te Cajwaltique —xi' te Jeremías.

Jeremías 29:26

“Te Cajwaltic yac'ojat ta sacerdote ta swenta sjelol Joiada yu'un swentainel te templo. Teme ay ya xtal te mach'a jowejem sjol te ya xjajch' ta c'op jich bit'il j'alwanej, te ja'at ya me sc'an ya awac' ta xojel ta te' te yacane, soc ya achuc ta cadenaetic.

Jeremías 37:15

Ja'ic ilin yo'tanic ta stojol Jeremías, soc la yalic mandal ta majel, soc la yaq'uic ta chuquel ta sna Jonatán te cronista, te ja' c'atp'ujem ta chucjibal te snae.